صنم جاوید کی گرفتاری پر خیبرپختونخوا حکومت پوزیشن واضح کرے، جنید اکبر کا مطالبہ
اشاعت کی تاریخ: 7th, October 2025 GMT
پاکستان تحریک انصاف (پی ٹی آئی) کے صوبائی صدر جنید اکبر نے پارٹی رہنما صنم جاوید کی گرفتاری پر خیبرپختونخوا حکومت سے پوزیشن واضح کرنے کا مطالبہ کردیا۔
اپنے ایک بیان میں جنید اکبر نے کہاکہ صوبے میں پی ٹی آئی کارکن خود کو غیر محفوظ محسوس کررہے ہیں، اس لیے صوبائی حکومت کو فوری طور پر بتانا چاہیے کہ صنم جاوید کی گرفتاری کے پس منظر میں اصل صورتحال کیا ہے۔
یہ بھی پڑھیں: صنم جاوید کے پشاور سے مبینہ اغوا کا مقدمہ نامعلوم افراد کیخلاف درج
انہوں نے مطالبہ کیاکہ آئی جی خیبرپختونخوا کو اسمبلی میں طلب کیا جائے تاکہ وہ اس معاملے کی وضاحت کریں۔
یاد رہے کہ پشاور میں ایک خاتون وکیل نے آفیسرز میس کے قریب پی ٹی آئی رہنما صنم جاوید کے مبینہ اغوا کا مقدمہ درج کرایا تھا۔ ایف آئی آر کے مطابق مصروف شاہراہ پر صنم جاوید کی گاڑی روکی گئی اور 5 افراد زبردستی انہیں اپنے ہمراہ لے گئے۔
وزیراعلیٰ کے ترجمان فراز مغل کے مطابق علی امین گنڈاپور نے واقعے کا فوری نوٹس لیتے ہوئے مقدمہ درج کرنے کی ہدایت دی تھی۔
پی ٹی آئی کے ترجمان شیخ وقاص اکرم نے گزشتہ رات بتایا تھا کہ صنم جاوید کو پشاور سے اٹھا لیا گیا ہے۔
یہ بھی پڑھیں: پی ٹی آئی کارکن صنم جاوید پشاور میں وزیراعلیٰ ہاؤس کے قریب سے گرفتار ہوئیں یا اغوا؟
صنم جاوید کا شمار پی ٹی آئی کے متحرک کارکنوں میں ہوتا ہے، وہ 9 مئی واقعات کے بعد لمبے عرصے تک قید کاٹ چکی ہیں، اور اس وقت بھی ان پر مقدمات چل رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews جنید اکبر صنم جاوید گرفتاری علی امین گنڈاپور مطالبہ وزیراعلیٰ خیبرپختونخوا وی نیوز.ذریعہ: WE News
کلیدی لفظ: جنید اکبر صنم جاوید گرفتاری علی امین گنڈاپور مطالبہ وزیراعلی خیبرپختونخوا وی نیوز صنم جاوید کی جنید اکبر پی ٹی آئی
پڑھیں:
سندھ حکومت کالعدم دہشتگرد جماعتوں کی پشت پناہی کر رہی ہے، علامہ حیات عباس نجفی
ایک بیان میں ایم ڈبلیو ایم سندھ کے صدر کا کہنا تھا کہ اگر شیعہ کلنگ کا یہ سلسلہ نہیں روکا اور قاتلوں کی گرفتاری عمل میں نہیں لائی جاتی تو ملت جعفریہ کے تمام اکابرین و جماعتیں حکومت کے خلاف سخت احتجاج کرنے پر مجبور ہوں گے۔ اسلام ٹائمز۔ مجلس وحدت مسلمین سندھ کے صدر علامہ حیات عباس نجفی کا کہنا تھا کہ شیعہ تاجر شبیر قاسم کے قتل کی مذمت کرتے ہیں، شیعہ شہریوں کو دہشتگردی کا نشانہ بنایا جانا قانون نافذ کرنے والوں کی کارکردگی پر سوالیہ نشان اور قابل تشویش ہے۔ انہوں نے کہا کہ گزشتہ دو ماہ میں تین شیعہ افراد کو شہر کے مختلف علاقوں میں دہشتگردی کا شانہ بنایا گیا لیکن سیکورٹی اداروں کی جانب سے آج تک کو مجرم گرفتار نہیں ہوا، افسوسناک طور پر حکومت اور قانون نافذ کرنے والے اداروں کی جانب سے اس سنگین مسئلے پر کوئی سنجیدہ اقدامات نظر نہیں آ رہے۔
علامہ حیات عباس نجفی نے مزید کہا کہ سندھ حکومت اور وزیر داخلہ اہل تشیع تاجروں کے قاتلوں کی گرفتاری کیلئے کب ایکشن لیں گے، سندھ حکومت خود شہر قائد میں دہشتگرد کالعدم جماعتوں کی پشت پناہی اور تحفظ فراہم کر رہی ہے۔ ان کا مزید کہنا تھا کہ اگر شیعہ کلنگ کا یہ سلسلہ نہیں روکا اور قاتلوں کی گرفتاری عمل میں نہیں لائی جاتی تو ملت جعفریہ کے تمام اکابرین و جماعتیں حکومت کے خلاف سخت احتجاج کرنے پر مجبور ہوں گے۔ انہوں نے سندھ حکومت سے کالعدم دہشتگرد جماعتوں کے خلاف آپریشن اور ٹارگٹ کلنگ کے واقعات میں ملوث قاتلوں کی فوری گرفتاری کا مطالبہ کیا۔
خیبرپختونخوا میں دہشت گردی خود ساختہ ہے، وزیراعلی سہیل آفریدی