حکومت ناکام ہوگئی ‘شہباز شریف حکومت نہیں چلا سکتے‘شاہد خاقان
اشاعت کی تاریخ: 9th, October 2025 GMT
data-id="863a0a8" data-element_type="widget" data-widget_type="theme-post-content.default">
251009-08-4
کراچی (اسٹاف رپورٹر)عوام پاکستان پارٹی کے کنوینر اور سابق وزیر اعظم پاکستان شاہد خاقان عباسی نے کہا ہے کہ موجودہ حکومت ناکام ہوچکی ہے، شہباز شریف حکومت نہیں چلا سکتے ہیں سعودی عرب سمیت ریکوڈک معاہدے کو عوام کے سامنے لایا جائے ایسا کوئی فیصلہ قبول نہ کیا جائے جو فلسطینیوں کے امنگوں کے مطابق نہ ہو۔کراچی میں تاجروں کو بھتے کی پرچیاں موصول ہورہی ہیں کوئی پوچھنے والا نہیں ملک کو ٹھیک کرنے کے ڈائیلاگ کو فروغ دینا ہوگا ،عمران خان کے دور سمیت موجودہ دور میں ترقی نہیں ہوئی کرپشن روز بروز بڑھ رہی ہے ، پیپلزپارٹی اور ن لیگ کے درمیان اختلافات 2 صوبوں کا معاملہ یا نورا کشتی نہیں جھگڑا اقتدار کا ہے لیکن اسے مختلف رنگ دیے جاتے ہیں۔ان خیالات کا اظہار انہوں نے بدھ کو مفتاح اسماعیل کے ساتھ کراچی پریس کلب میں پریس کانفرنس سے خطاب کرتے ہوئے کیا، اس موقع پر ندیم اختر آرائیں، ناصر الدین محمود اور شیخ صلاح الدین بھی موجود تھے۔شاہد خاقان عباسی نے کہا کہ میرپورماتھیلومیں صحافی کو قتل کردیا گیاہے۔ سندھ حکومت قاتلوں کی گرفتاری میں اپنا کردار ادا کرے۔انہوںنے کہا کہ موجودہ ملکی حالات اچھے نہیں ہیں۔گزشتہ4 سال سے معیشت تنزلی کا شکار ہے۔نوجوانوں کو روزگار کے مواقع حاصل نہیں ہیں۔حکومت کے پاس کوئی واضح پلان نہیں ہے کہ حالات کو کس طرح ٹھیک کیا جائے۔ملک میں آٹا مہنگا ہوتا جارہا ہے۔چینی بھی مہنگی ہورہی ہے۔ شوگر ملز مالکان کا تعلق سیاسی جماعتوں سے ہے۔انہوںنے کہا کہ ملک میں معاشی ترقی نہیں ہوگی تو روزگار کے مواقع نہیں پیداہوںگے۔جب انتشار ہوگا تو ترقی کیسے آئے گی۔17سال سے سندھ میں پیپلزپارٹی کی حکومت ہے لیکن کراچی کے عوام کو پا نی تک میسر نہیں۔سندھ حکومت شہریوں کو پانی تک فراہم نہیں کررہی ہے۔شاہد خاقان عباسی نے کہا کہ آزاد کشمیر میں جو ہوا معمولی بات نہیں۔ ایک سوال کے جواب میں انہوںنے کہا کہ ایک نکاتی ایجنڈا ہو کہ جو فلسطینیوں کو قبول ہوگا پاکستان اس کی حمایت کرے گا۔
ذریعہ
ذریعہ: Jasarat News
کلیدی لفظ: شاہد خاقان نے کہا کہ
پڑھیں:
فیفا نے ورلڈ کپ 2026 کی ٹیم آف دی ٹورنامنٹ کا اعلان کر دیا
فیفا نے ورلڈ کپ 2026 کے اختتام پر شاندار کارکردگی دکھانے والے کھلاڑیوں پر مشتمل ٹیم آف دی ٹورنامنٹ کا اعلان کر دیا ہے، جس میں عالمی فٹبال کے کئی نامور ستاروں کو پورے ایونٹ میں بہترین کھیل کی بنیاد پر شامل کیا گیا ہے۔
غیر ملکی خبر رساں ادارے رائٹرز کے مطابق منتخب ٹیم میں ارجنٹائن کے کپتان لیونل میسی، فرانس کے کپتان کیلیان ایمباپے اور ناروے کے اسٹار اسٹرائیکر ایرلنگ ہالینڈ کو فرنٹ لائن کا حصہ بنایا گیا ہے۔
مڈفیلڈ میں ورلڈ کپ کے گولڈن بال کے فاتح اور اسپین کے کپتان روڈری ، انگلینڈ کے جوڈ بیلنگھم اور فرانس کے مائیکل اولیسے کو جگہ دی گئی ہے، جنہوں نے پورے ٹورنامنٹ میں نمایاں کارکردگی کا مظاہرہ کیا۔
دفاعی لائن میں کیپ وردے کے گول کیپر ووزینیا کو منتخب کیا گیا ہے، جبکہ اسپین کے عالمی چیمپئن مارک کوکوریلا اور پیڈرو پورو ، فرانس کے ڈایو اوپامیکانو اور ارجنٹائن کے لیساندرو مارٹینیز بھی دفاع کا حصہ ہیں۔
فیفا کے مطابق ٹیم آف دی ٹورنامنٹ کا انتخاب کھلاڑیوں کی مجموعی کارکردگی، ٹیم پر اثراندازی اور پورے ایونٹ کے دوران مستقل بہترین کھیل کو مدنظر رکھتے ہوئے کیا گیا ہے۔
دوسری جانب فیفا نے ورلڈ کپ کے اختتام پر نئی عالمی رینکنگ بھی جاری کر دی ہے۔ نئی عالمی چیمپئن اسپین ایک درجہ ترقی کے بعد دنیا کی نمبر ایک ٹیم بن گئی، جبکہ رنر اپ ارجنٹائن ایک درجہ تنزلی کے بعد دوسرے نمبر پر چلی گئی۔
رینکنگ میں فرانس تیسرے اور انگلینڈ چوتھے نمبر پر برقرار ہیں، جبکہ برازیل اور مراکش ایک، ایک درجہ ترقی کے ساتھ بالترتیب پانچویں اور چھٹے نمبر پر پہنچ گئے ہیں۔
ادھر کرسٹیانو رونالڈو کی پرتگال دو درجے تنزلی کے بعد ساتویں نمبر پر آ گئی، جبکہ میزبان میکسیکو نے ورلڈ کپ میں عمدہ کارکردگی کی بدولت چار درجے ترقی کرکے ٹاپ ٹین میں جگہ بنا لی۔
ورلڈ کپ کے کوارٹر فائنل تک رسائی حاصل کرنے والی ناروے کی ٹیم نے بھی نمایاں پیش رفت کرتے ہوئے 12 درجے ترقی کی اور عالمی رینکنگ میں 19ویں پوزیشن حاصل کر لی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا