پنجاب میں بلدیاتی انتخابات، الیکشن کمیشن نے حلقہ بندیوں کا شیڈول جاری کر دیا
اشاعت کی تاریخ: 9th, October 2025 GMT
اسلام آباد، الیکشن کمیشن نے پنجاب میں بلدیاتی انتخابات کے سلسلے میں حلقہ بندیوں کا تفصیلی شیڈول جاری کردیا ۔
جاری کردہ اعلامیے کے مطابق 12 اکتوبرتک تمام انتظامی تیاریاں مکمل کرلی جائیں گی جبکہ ڈی لمیٹیشن کمیٹیاں 13 سے 31 اکتوبرتک ابتدائی حلقہ بندیوں کی فہرست تیارکریں گی۔
الیکشن کمیشن کے مطابق ابتدائی فہرست یکم نومبرکوشائع کی جائے گی جس پرعوام اورمتعلقہ فریقین 2 سے 16 نومبر تک اپنے اعتراضات جمع کرا سکیں گے بعد ازاں ڈی لمیٹیشن اتھارٹیزیکم دسمبرتک تمام اعتراضات کا فیصلہ کریں گی۔
کمیشن کا کہنا ہے کہ تمام مراحل مکمل ہونے کے بعد حلقہ بندیوں کی حتمی فہرست 8 دسمبرکو جاری کی جائے گی۔
الیکشن کمیشن نے واضح کیا ہے کہ تمام مراحل شفافیت اور قواعد وضوابط کے مطابق مکمل کیے جائیں گے تاکہ بلدیاتی انتخابات منصفانہ اوربروقت انعقاد پذیرہوسکیں۔
حلقہ بندیوں کی تکمیل کے بعد بلدیاتی انتخابات کے شیڈول کا اعلان متوقع ہے، جس کے تحت صوبے بھر میں بلدیاتی نمائندوں کے انتخاب کا عمل شروع کیا جائے گا۔
ذریعہ
ذریعہ: Daily Mumtaz
کلیدی لفظ: بلدیاتی انتخابات الیکشن کمیشن حلقہ بندیوں
پڑھیں:
رائل کمیشن کی مکہ کے تاریخی ورثے کے تحفظ اور فروغ کے لیے اہم پیشرفت
مکہ مکرمہ اور مشاعر مقدسہ کے لیے قائم رائل کمیشن نے شہر کے تاریخی اور ثقافتی ورثے کو اجاگر کرنے کے لیے ایک نئی آگاہی مہم کا آغاز کیا ہے۔
مذکورہ مہم کا مقصد زائرین اور سیاحوں کو مکہ کے تاریخی مقامات، ان کی مذہبی، تہذیبی اور تمدنی اہمیت سے روشناس کرانا اور انہیں شہر کے عظیم ورثے سے مزید قریب لانا ہے۔
سعودی پریس ایجنسی کے مطابق، یہ تمام اقدامات سعودی وژن 2030 کے اہداف سے ہم آہنگ ہیں۔
یہ بھی پڑھیں: سعودی ایپ ’ہُدہُد‘ عمرہ زائرین کے لیے جدید رہنما بن گئی، مکہ کے مذہبی و تاریخی مقامات تک رسائی آسان
’یہ مہم رائل کمیشن کی اس حکمت عملی کا حصہ ہے جس کا مقصد تاریخی ورثے کا تحفظ، ثقافتی اقدار کو فروغ دینا اور تاریخی مقامات کو پائیدار تعلیمی اور ثقافتی مراکز میں تبدیل کرنا ہے۔‘
رائل کمیشن کے مطابق اس حکمت عملی کے تحت درجنوں تاریخی مقامات کی بحالی اور ترقی کا کام مکمل کیا جا چکا ہے، جبکہ مکہ کے 60 اہم تاریخی مقامات کی دستاویز بندی بھی کی گئی ہے۔
مزید پڑھیں: مکہ میں ام القریٰ یونیورسٹی کا انقلابی ڈیجیٹل کلچرل منصوبہ، حجاج اور عمرہ زائرین کا سفر اب مزید یادگار
اس کے علاوہ 27 تاریخی مقامات عوام اور زائرین کے لیے کھولے جا چکے ہیں اور سات وزیٹر سینٹرز بھی قائم کیے گئے ہیں۔
اعداد و شمار کے مطابق اب تک ایک کروڑ 75 لاکھ سے زائد افراد ان تاریخی مقامات کا دورہ کر چکے ہیں، جبکہ زائرین کی اطمینان کی شرح 97.5 فیصد ریکارڈ کی گئی ہے۔
مذکورہ اعدادوشمار فراہم کی جانے والی سہولیات اور تاریخی ورثے کے تحفظ و ترقی کے اقدامات کی کامیابی کی عکاسی کرتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تاریخی مقامات تاریخی ورثے رائل کمیشن زائرین سعودی پریس ایجنسی سعودی عرب سعودی وژن سیاح مکہ مکرمہ
ٹی20 ورلڈ کپ 2026: پاکستان نے سپر 8 کے لیے جگہ پکی کر لی