ڈیرہ اسماعیل خان میں آپریشن، 7 دہشتگرد ہلاک ،میجر شہید
اشاعت کی تاریخ: 10th, October 2025 GMT
انٹیلی جنس معلومات پرملزما ن سے اسلحہ،گولہ بارود برآمد، علاقے میں کلیٔرنس آپریشن جاری
صدر ،وزیراعظم اور وزیر داخلہ کا شہید میجر سبطین حیدرکو خراج عقیدت ، فورسز کو خرج تحسین
سکیورٹی فورسز نے ڈیرہ اسماعیل خان میں آپریشن کرتے ہوئے 7 دہشتگر کر دیٔے، فائرنگ کے تبادلہ میں ایک میجر شہید ہو گئے،صدر آصف علی زرداری ،وزیراعظم شہبازشریف اور وفاقی وزیر داخلہ محسن نقوینے شہید میجر کو خراج عقیدت جبکہ دہشتگردوں کو ہلاک کرنے پر فورسز کو خرج تحسین پیش کیا ہے ۔ پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے ڈی آئی خان کے علاقے درابن میں انٹیلی جنس معلومات پر آپریشن کیا ،فائرنگ کے تبادلے میں 7دہشتگرد ہلاک ہو گئے جبکہ پاک فوج کا میجر سبطین حیدر شہید ہو گیا ۔پاک فوج کے ترجمان نے بتایا کہ ہلاک دہشتگرد دہشت گردی کی متعدد کارروائیوں میں ملوث تھے، مارے گئے دہشت گردوں سے اسلحہ اور گولہ بارود برآمد ہوا، علاقے میں کلیٔرنس آپریشن جاری ہے۔ترجمان پاک فوج کی جانب سے یہ بھی بتایا گیا کہ فائرنگ کے تبادلے میں شہید ہونے والے میجر سبطین حیدر کا تعلق کوئٹہ سے تھا، میجر سبطین نے بہادری سے دستے کی قیادت کرتے ہوئے جامِ شہادت نوش کیا۔آئی ایس پی آر کے مطابق سکیورٹی فورسز بھارتی حمایت یافتہ دہشت گردوں کے خاتمے کے لیے پرعزم ہیں، پاک فوج کے بہادر سپوتوں کی قربانیاں قوم کے حوصلے بلند کر رہی ہیں۔صدرمملکت آصف علی زرداری نے ڈیرہ اسماعیل خان میں دوران آپریشن جام شہادت نوش کرنیوالے میجر سبطین حیدکو خراج عقیدت پیش کیاجبکہ دہشتگردوں کو ہلاک کرنے پر سکیورٹی فورسز کو خراج تحسین بھی پیش کیا ہے۔ وزیرِاعظم محمد شہباز شریف نے ڈیرہ اسماعیل خان میں سات خارجیوں کو جہنم رسید کرنے پر سکیورٹی فورسز کی پذیرائی کی اور دشمن کے ناپاک عزائم کو خاک میں ملاتے ہوئے جام شہادت نوش کرنے والے میجر سبطین حیدر کو خراج عقیدت پیش کیا۔وزیرِاعظم نے شہید کی بلندی درجات اور ان کے اہل خانہ کے لیے صبر کی دعا کی۔شہباز شریف نے کہا کہ افواج پاکستان کے بہادر افسران و جوان دن رات ارض وطن حفاظت میں مصروف عمل ہیں، پوری قوم کو اپنی بہادر افواج کے افسران و جوانوں پر فخر ہے۔وزیراعظم نے اس عزم کا اظہار کیا کہ دہشت گردی کے عفریت کے ملک سے مکمل خاتمے تک اس کے خلاف جنگ جاری رکھیں گے، پوری قوم افواج کے شانہ بشانہ ہے۔ وفاقی وزیرداخلہ محسن نقوی نے بھارتی سپانسرڈ دہشتگردوں کے خلاف دلیری سے لڑتے ہوئے جام شہادت نوش کرنے والے میجر سبطین حیدر کو زبردست الفاظ میں خراج عقیدت پیش کیا۔انہوں نے کہا کہ میجر سبطین حیدر نے جان دے کر بھارتی سپانسرڈ دہشتگردوں کے مذموم عزائم کو خاک میں ملایا، شہید میجر سبطین حیدر نے اپنے خون سے شجاعت اور جرات کی تاریخ لکھی، قوم کو میجر سبطین جیسے سپوتوں پر ناز ہے، سلیوٹ کرتے ہیں۔
.
ذریعہ
ذریعہ: Juraat
کلیدی لفظ: ڈیرہ اسماعیل خان میں سکیورٹی فورسز کو خراج عقیدت شہادت نوش پیش کیا پاک فوج
پڑھیں:
مستونگ: سیشن جج اور گن مین قاتلانہ حملے میں شہید، ایڈیشنل سیشن جج شدید زخمی
ویب ڈیسک : مستونگ میں ہونے والے قاتلانہ حملے میں سیشن جج مستونگ عبدالحکیم کاکڑ اور گن مین شہید ہو گئے جبکہ ایڈیشنل سیشن جج طارق لاشاری شدید زخمی ہوئے۔
حکومت بلوچستان نے مستونگ حملے کی شدید مذمت کرتے ہوئے دہشت گردوں کے خلاف فیصلہ کن کارروائی کا حکم دے دیاہے۔ معاون وزیر اعلیٰ بلوچستان شاہد رند کا کہنا ہے کہ سیشن جج عبدالحکیم کاکڑ اور ان کے گن مین کی شہادت انتہائی افسوسناک اور قابلِ مذمت ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
معاون وزیر اعلیٰ بلوچستان شاہد رند کے مطابق وکلاء اور ججز کو نشانہ بنانا ایک گہری سازش کا حصہ ہے،دہشت گردوں اور ان کے سہولت کاروں کو کسی صورت نہیں چھوڑا جائے گا۔
وزیراعلیٰ بلوچستان سرفراز بگٹی نے مستونگ حملے میں زخمی ایڈیشنل سیشن جج طارق لاشاری سے رابطہ کرکے ان کی خیریت دریافت کی اوران کی مکمل صحت یابی کے لیے نیک تمناؤں کا اظہار کیاہے۔
وزیراعلیٰ بلوچستان میر سرفراز بگٹی نے زخمی ایڈیشنل سیشن جج سے گفتگو کرتے ہوئے کہاکہ قانون کے محافظوں پر حملہ ناقابل برداشت ہے، ملوث عناصر کو کیفر کردار تک پہنچایا جائے گا،حکومت عدلیہ اور قانون نافذ کرنے والے اداروں کے ساتھ ہر قدم پر کھڑی ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
ٹی20 ورلڈ کپ 2026: پاکستان نے سپر 8 کے لیے جگہ پکی کر لی