کوئٹہ، بہشت زینب (ع) میں شہید میجر سبطین حیدر کی تدفین
اشاعت کی تاریخ: 9th, October 2025 GMT
میجر سبطین حیدر شہید کا جنازہ علمدار روڈ میں امام بارگاہ نچاری سے برآمد ہوا، جس میں عوام الناس کیساتھ ساتھ سیاسی و عسکری شخصیات بھی شامل تھیں۔ اسلام ٹائمز۔ ڈیرہ اسماعیل خان میں دہشتگردوں کا مقابلہ کرتے ہوئے شہید ہونے والے میجر سبطین حیدر کی تدفین کوئٹہ میں بہشت زینب (س) ہزارہ قبرستان میں کر دی گئی۔ اس موقع پر وزیراعلیٰ بلوچستان سرفراز بگٹی، گورنر بلوچستان شیخ جعفر مندوخیل، صوبائی وزراء اور عسکری قیادت بھی موجود تھی۔ تفصیلات کے مطابق کوئٹہ سے تعلق رکھنے والے میجر سبطین حیدر شہید کا جنازہ علمدار روڈ میں امام بارگاہ نچاری سے برآمد ہوا، جس میں عوام الناس کے ساتھ ساتھ سیاسی و عسکری شخصیات بھی شامل تھیں۔ اس موقع پر وزیراعلیٰ سرفراز بگٹی، گورنر بلوچستان شیخ جعفر مندوخیل اور آئی جی ایف سی بلوچستان نارتھ نے بھی جنازے کو کندھا دیا۔ میجر سبطین حیدر کی نماز جنازہ بزرگ عالم دین علامہ محمد جمعہ اسدی نے پڑھائی، جبکہ ان کی تلقین امام جمعہ علامہ سید ہاشم موسوی نے پڑھی۔ ان کی تدفین فوجی اعزاز کے ساتھ بہشت زینب (س) ہزارہ قبرستان میں شہدائے کوئٹہ کے مقبروں کے پاس ہوئی۔
.ذریعہ: Islam Times
پڑھیں:
ڈیرہ اسماعیل خان: سیکیورٹی فورسز کا آپریشن، 7 بھارتی سرپرستی یافتہ دہشتگرد ہلاک، میجر سبطین حیدر شہید
8 اکتوبر 2025 کو سیکیورٹی فورسز نے ڈیرہ اسماعیل خان کے علاقے درابن میں خفیہ اطلاع پر دہشتگردوں کی موجودگی کی اطلاع پر انٹیلی جنس بیسڈ آپریشن (IBO) کیا۔
آئی ایس پی آر کے مطابق آپریشن کے دوران سیکیورٹی فورسز کی مؤثر کارروائی سے 7 بھارتی سرپرستی یافتہ خوارج ہلاک ہوئے۔ ہلاک دہشتگرد بھارت کی پشت پناہی یافتہ تنظیم فتنۃ الخوارج سے تعلق رکھتے تھے اور سیکیورٹی فورسز، قانون نافذ کرنے والے اداروں اور معصوم شہریوں پر مختلف دہشتگرد حملوں میں ملوث تھے۔
مزید پڑھیں: قلات: سیکیورٹی فورسز نے مزید 4 دہشتگرد ہلاک کردیے، کل تعداد 8 ہوگئی
آپریشن کے دوران شدید فائرنگ کے تبادلے میں میجر سبطین حیدر (عمر 30 سال، ضلع کوئٹہ کے رہائشی) نے جامِ شہادت نوش کیا۔ میجر سبطین حیدر بہادری سے اپنی ٹیم کی قیادت کر رہے تھے اور ملک و قوم کے دفاع میں اپنی جان قربان کر دی۔
علاقے سے اسلحہ اور گولہ بارود بھی برآمد کیا گیا ہے۔ مزید دہشتگردوں کی تلاش کے لیے علاقے کی کلیئرنس آپریشن جاری ہے۔
مزید پڑھیں: خیبرپختونخوا: سیکیورٹی فورسز نے بھارتی حمایت یافتہ 9 دہشتگرد ہلاک کردیے
ترجمان آئی ایس پی آر کے مطابق پاکستان کی سیکیورٹی فورسز ملک سے بھارتی سرپرستی یافتہ دہشتگردی کے مکمل خاتمے کے لیے پرعزم ہیں، اور شہدا کی قربانیاں ہمارے عزم کو مزید مضبوط بناتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی ایس پی آر دہشتگرد ہلاک ڈیرہ اسماعیل خان
پاکستان خطے میں ایک عظیم ملک کے طور پر ابھر رہا ہے۔ گورنر سندھ