سابق ڈپٹی میئر لاہور نذیر سواتی انتقال کر گئے‘ اسلام پورہ میں نماز جنازہ‘ سپردخاک
اشاعت کی تاریخ: 10th, October 2025 GMT
لاہور (این این آئی) وزیراعظم کے پولیٹیکل سیکرٹری مراد خان سواتی کے والد ،مسلم لیگ (ن) کے رہنما اور سابق ڈپٹی میئر لاہور نذیر خان سواتی انتقال کر گئے‘ جن کو نماز جنازہ کی ادائیگی کے بعد مقامی قبرستان میں سپرد خاک کر دیا گیا۔ مرحوم کی نمازِ جنازہ نہرو پارک، اسلام پورہ میں ادا کی گئی۔ نماز جنازہ ڈاکٹر راغب نعیمی نے پڑھائی۔ جس میں وفاقی وزیر رانا مبشر اقبال، صوبائی وزراء میں خواجہ عمران نذیر، خواجہ سلمان رفیق، بلال یاسین، وزیر اعظم کے پولیٹیکل سیکرٹری مراد خان، کوآرڈینیٹر ٹو وزیر اعظم سید توصیف شاہ، معاون خصوصی برائے وزیر اعلیٰ ذیشان ملک، طلحہ برکی، ممبران اسمبلی ماجد ظہور، عمران علی گورائیہ، چوہدری نواز لدھڑ، میاں عمران جاوید، غیاث الدین بابر، رانا اشرف، ملک ریاض، رانا راشد منہاس، سابقہ عوامی نمائندے میاں طارق، رائو شہاب الدین، کرنل (ر) مبشر جاوید، مرزا جاوید، وحید عالم خان سمیت مختلف سیاسی و سماجی رہنمائوں،عزیز و اقارب اور اہلِ علاقہ کی کثیر تعداد نے شرکت کی۔ مسلم لیگ (ن) کے نائب صدر و سابق وزیر اعلیٰ پنجاب حمزہ شہباز شریف نے نذیر خان سواتی کی وفات پر تعزیت کا اظہار کیا ہے۔ انہوں نے کہا کہ نذیر خان سواتی جیسے سینئر کارکنان کسی بھی سیاسی پارٹی کے لئے اثاثے کی حیثیت رکھتے ہیں، ان کی پارٹی اور اپنے ملک کے لئے بے لوث خدمت کا جذبہ قابل رشک تھا، اللہ تعالی سے ان کو جنت الفردوس میں اعلیٰ مقام اور لواحقین کو صبر جمیل عطا فرمائے۔
.ذریعہ: Nawaiwaqt
کلیدی لفظ: خان سواتی
پڑھیں:
تمام مذہبی برادریوں کے حقوق آئین کے تحت محفوظ ہیں: اعظم نذیر تارڑ
اسلام آباد(آئی این پی )وفاقی وزیر برائے انسانی حقوق سینیٹر اعظم نذیر تارڑ نے کہا ہے کہ ملک میں تمام مذہبی برادریوں کے حقوق آئینِ پاکستان کے تحت محفوظ ہیں۔وفاقی وزیر قانون سے نیدرلینڈز کے سفیر ہائی ایکسی لینسی رابرٹ یان سیگرٹ نے ملاقات کی۔ ملاقات میں انسانی حقوق کے فروغ اور تحفظ سے متعلق جاری اقدامات پر تبادلہ خیال اور دوطرفہ تعاون کو مزید مضبوط بنانے پر گفتگو کی گئی۔وزارت انسانی حقوق سے جاری اعلامیہ کے مطابق وفاقی وزیر نے سفیر کا خیرمقدم کیا اور پاکستان کی انسانی حقوق کے شعبے میں ترجیحات کی تکمیل کیلئے نیدرلینڈز کی مستقل معاونت اور دلچسپی کو سراہا۔ دونوں فریقین نے مساوات، شمولیت اور تمام شہریوں کی فلاح و بہبود کے فروغ کے مشترکہ عزم کا اعادہ کیا۔سفیر نے انسانی حقوق کے ایجنڈے پر عملدرآمد کے حوالے سے پاکستان کی کاوشوں کو سراہا اور آئینی ضمانتوں، خصوصا مذہبی آزادی اور عقائد کی آزادی کے فروغ کیلئے حکومتی عزم کی تعریف کی۔ اس موقع پر وفاقی وزیر نے پاکستان کے متنوع اور شمولیتی سماج کا حوالہ دیتے ہوئے بتایا کہ ملک میں تمام مذہبی برادریوں کے حقوق آئینِ پاکستان کے تحت محفوظ ہیں۔وفاقی وزیر نے نیشنل ایکشن پلان برائے انسانی حقوق پر پیش رفت سے بھی آگاہ کیا، جو پالیسی اصلاحات، انصاف تک رسائی میں بہتری، بین الاقوامی معاہدوں پر عملدرآمد اور انسانی حقوق کے اداروں کے تقویت جیسے اقدامات کا احاطہ کرتا ہے۔
پولیس کی جوابی فائرنگ، ایک ڈاکو زخمی حالت میں گرفتار