فیض آباد احتجاج کے باعث اسلام آباد میں ہیوی ٹریفک کا داخلہ بند، ٹریفک ڈائیورشن پلان جاری
اشاعت کی تاریخ: 10th, October 2025 GMT
اسلام آباد میں فیض آباد کے مقام پر ممکنہ لا اینڈ آرڈر کی صورتحال کے پیش نظر اسلام آباد ٹریفک پولیس نے تفصیلی ٹریفک ڈائیورشن پلان جاری کر دیا ہے۔
ترجمان ٹریفک پولیس کے مطابق اسلام آباد میں ہر قسم کی ہیوی ٹریفک کا داخلہ اگلے حکم تک بند رہے گا، جبکہ چھوٹی گاڑیوں کے لیے مختلف متبادل راستے تجویز کیے گئے ہیں تاکہ شہریوں کو مشکلات کا سامنا نہ ہو۔
نوٹیفکیشن کے مطابق فیض آباد کے چاروں اطراف سے ٹریفک کے بہاؤ میں تبدیلی کی گئی ہے۔ اہم ڈائیورشن پوائنٹس درج ذیل ہیں:
راول ڈیم چوک سے فیض آباد کی جانب دونوں اطراف ٹریفک بند ہوگی۔
مزید پڑھیں: ٹی ایل پی احتجاج کے باعث راولپنڈی، اسلام آباد میں تعلیمی ادارے بند، انتظامیہ کا تاخیر سے اعلان
بہارہ کہو، مری اور اسلام آباد سے راولپنڈی جانے والے شہری پارک روڈ، کیپٹن نعیم طفیل شہید چوک (ترامری)، لہتراڑ روڈ اور ایکسپریس ہائی وے استعمال کریں۔ ائیرپورٹ جانے والے کشمیر چوک اور سری نگر ہائی وے کا رخ کریں۔
گارڈن فلائی اوور اور کھنہ پل سے فیض آباد جانے والی ٹریفک کے لیے بھی ڈائیورشن دی گئی ہے۔ کورال سے آنے والے لہتراڑ روڈ اور پارک روڈ استعمال کریں۔
نائنتھ ایونیو اور آئی جے پی روڈ سے فیض آباد جانے والی ٹریفک کو بھی متبادل راستوں پر موڑا گیا ہے۔ شہریوں کو ہدایت دی گئی ہے کہ وہ سری نگر ہائی وے، راول ڈیم چوک، پارک روڈ، اور گولڑہ موڑ کے راستے راولپنڈی یا اسلام آباد آمد و رفت کریں۔
مزید پڑھیں: ٹی ایل پی مارچ، اسلام آباد کے راستوں پر کنٹینرز پہنچا دیے گئے
اسلام آباد ٹریفک پولیس کے مطابق ایف ایٹ، ایف نائن، ایف ٹین، ایف الیون، جی ٹین، جی الیون اور دیگر سیکٹرز کے رہائشی سری نگر ہائی وے براستہ گولڑہ موڑ راولپنڈی جا سکتے ہیں۔
پولیس نے شہریوں سے اپیل کی ہے کہ وہ غیر ضروری سفر سے گریز کریں اور ٹریفک اپڈیٹس کے لیے آئی ٹی پی ریڈیو 92.
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد ترجمان ٹریفک پولیس ٹریفک ڈائیورشن پلان جاری ٹی ایل پی فیض آباد ہیوی ٹریفک کا داخلہ بند،ذریعہ: WE News
کلیدی لفظ: اسلام آباد ترجمان ٹریفک پولیس ٹی ایل پی فیض آباد ہیوی ٹریفک کا داخلہ بند ٹریفک پولیس اسلام آباد فیض آباد ہائی وے کے لیے
پڑھیں:
اسلام آباد: مطلوب ڈکیت گینگ کی پولیس پر فائرنگ، 1 ڈکیت ہلاک، 2 زخمی
— فائل فوٹواسلام آباد کے تھانہ سنبل کی حدود میں مبینہ طور پر بین الصوبائی ڈکیت گینگ نے پولیس پر فائرنگ کردی۔ فائرنگ کے واقعے میں ایک مبینہ ڈکیت ہلاک جبکہ 2 زخمی ہوگئے۔
اسلام آباد پولیس کے ترجمان کا کہنا ہے کہ ملزمان 70 سے زائد سنگین وارداتوں میں پنجاب اور اسلام آباد پولیس کو مطلوب تھے۔
ترجمان کا کہنا ہے کہ تھانہ سنبل پولیس گرفتار ملزمان کی نشاندہی پر ساتھیوں اور مال مسروقہ کی برآمدگی کے لیے جا رہی تھی۔
پولیس نے دعویٰ کیا کہ ملزمان کے ساتھیوں نے راستے میں پولیس ٹیم پر فائرنگ شروع کردی، تاہم پولیس افسران بلٹ پروف جیکٹ اور حفاظتی اقدامات کی بدولت محفوظ رہے۔
ترجمان کا کہنا ہے کہ ساتھی ملزمان کی فائرنگ سے گرفتار ملزمان میں رحمٰن، عظمت اور عادل زخمی ہوئے۔ زخمی ملزمان کو طبی امداد کے لیے اسپتال منتقل کیا گیا تاہم ایک زخمی ملزم رحمٰن دم توڑ گیا۔
پولیس ترجمان کا کہنا ہے کہ ملزمان سے بھیکی شیخو پورہ سنبل اور گولڑہ تھانوں سے چھینی گئی 3 موٹر سائیکل برآمد ہوئیں، ملزمان سے اسلحہ برآمد کرکے ان کے ساتھیوں کی تلاش کے لیے سرچ آپریشن جاری ہے۔
شیخ حسینہ واجد نے عدالتی فیصلے کو سیاسی اور جانبدار قرار دے دیا