بھارتی کرکٹر سے 5 کروڑ بھتہ طلب،2 ملزمان گرفتار
اشاعت کی تاریخ: 9th, October 2025 GMT
نئی دہلی: بھارتی ٹیم کے اسٹار کرکٹر،بلے باز رنکو سنگھ سے متعلق ایک سنسنی خیز خبر سامنے آئی ہے۔ ممبئی پولیس کی کرائم برانچ نے بتایا ہے کہ انہیں انڈر ورلڈ گینگ داﺅد ابراہیم کی ’ڈی-کمپنی‘ کے نام سے 5 کروڑ روپے کے تاوان کی دھمکی ملی ہے۔ اس خبر کے منظر عام پر آنے کے بعد ان کے مداحوں میں تشویش دیکھی جا رہی ہے۔ رنکو کے خاندان نے فوری طور پر پولیس میں شکایت درج کروائی۔
پولیس کی تحقیقات میں معلوم ہوا کہ اس سال فروری سے اپریل کے درمیان رنکو کی پروموشنل ٹیم کو تین مرتبہ دھمکی آمیز پیغامات موصول ہوئے تھے۔ ممبئی کرائم برانچ نے اس معاملے میں دو ملزمان کو گرفتار کیا ہے۔پوچھ گچھ میں ایک ملزم نے اعتراف کیا کہ اس نے دھمکی دینے کے لیے ’ڈی-کمپنی‘ کا نام لیا تھا۔ پولیس اب دونوں ملزمان سے مزید معلومات حاصل کر رہی ہے تاکہ اس معاملے کے دیگر پہلو سامنے آ سکیں۔
حال ہی میں رنکو سنگھ ایشیا کپ کے فائنل میں پاکستان کے خلاف شاندار کارکردگی کے باعث شہ سرخیوں میں تھے۔ اسی دوران دھمکی ملنے سے رنکو سنگھ اور ان کے خاندان کے تحفظ کے حوالے سے تشویش بڑھ گئی ہے۔ ملزمان کی شناخت محمد دلشاد اور محمد نوید کے طور پر ہوئی ہے۔ یہ دونوں ملزمان پہلے بھی سابقہ رکن اسمبلی بابا صدیقی کے بیٹے ذیشان صدیقی سے 10 کروڑ روپے کی تاوان طلب کرنے کے معاملے میں گرفتار ہو چکے ہیں۔
.
ذریعہ: Al Qamar Online
پڑھیں:
کراچی میں بھتہ خور اسلحہ سمیت گرفتار
ترجمان رینجرز نے کہا کہ ملزم 2019ء سے لیاری گینگ وار عبدالصمد کے فرنٹ مین کے ساتھ منسلک ہے۔ اسلام ٹائمز۔ شہر قائد کے علاقے نیو کراچی میں رینجرز نے کارروائی کرتے ہوئے بھتہ خوری میں ملوث ملزم کو گرفتار کرکے اسلحہ برآمد کر لیا۔ اس حوالے سے ترجمان رینجرز کا کہنا ہے کہ گرفتار ملزم کا تعلق کاٹھیاواری گروپ سے ہے۔ ترجمان نے کہا کہ ملزم 2019ء سے لیاری گینگ وار عبدالصمد کے فرنٹ مین کے ساتھ منسلک ہے۔ ان کا کہنا ہے کہ بھتہ خوری میں ملوث مزید ملزمان کی گرفتاری کیلئے چھاپے مارے جا رہے ہیں۔
آزاد کشمیر: وزیراعظم چوہدری انوار الحق کے خلاف تحریک عدم اعتماد پیش، ووٹنگ جاری