لاہور: گھروں میں کام کے بہانے وارداتیں کرنے والا خطرناک گروہ گرفتار
اشاعت کی تاریخ: 22nd, November 2025 GMT
لاہور پولیس نے ایک خطرناک گروہ گرفتار کر لیا جو گھروں میں کام کرنے کے بہانے داخل ہو کر شہریوں کو زخمی کرتا اور لوٹ مار کرتا تھا۔
پولیس کے مطابق ایس ایچ او ڈیفنس اے خرم شہزاد کی قیادت میں ٹیم نے کارروائی کرتے ہوئے تین رکنی گروہ کو حراست میں لیا۔ گرفتار شدگان میں سمسون، آکاش اور تنویر شامل ہیں۔
ایس پی کینٹ اخلاق اللہ تارڑ نے بتایا کہ ملزم سمسون ڈیفنس کے علاقے میں گھروں میں کام کرتا تھا اور اپنے ساتھیوں آکاش اور تنویر کے ساتھ واردات کی منصوبہ بندی کرتا تھا۔ چند روز قبل ملزمان نے بزرگ شہریوں کو چاقو کے وار سے زخمی کیا اور خاندان کو زیپ ٹائز اور ڈکٹ ٹیپ سے باندھ دیا، تاہم شور مچانے پر فرار ہو گئے۔
سی سی ٹی وی فوٹیج میں برقعہ پہنے ایک ملزم سمیت گروہ کو فرار ہوتے دیکھا گیا، جس کے بعد جدید ٹیکنالوجی کی مدد سے انہیں گرفتار کیا گیا۔ گرفتار ملزمان کے قبضے سے چاقو، ڈکٹ ٹیپ، زیپ ٹائز اور ماسک بھی برآمد ہوئے ہیں۔
ایس پی کینٹ نے شہریوں سے اپیل کی ہے کہ اپنے ملازمین کی پس منظر کی تصدیق متعلقہ تھانے سے لازمی کروائیں تاکہ ایسی وارداتوں سے بچا جا سکے۔
ذریعہ: Daily Mumtaz
پڑھیں:
کراچی؛ سرسید پولیس اور اسٹریٹ کرمنلز کے درمیان مبینہ مقابلہ، دو ملزمان گرفتار
کراچی:سرسید تھانے کی حدود میں پولیس اور اسٹریٹ کرمنلز کے درمیان مقابلہ ہوا جس کے نتیجے میں دو ملزمان احمد ولد ظفراللہ اور جاوید ولد غلام فرید کو گرفتار کرلیا گیا۔
ترجمان ایس ایس پی ڈسٹرکٹ سینٹرل کے مطابق ملزمان کے قبضے سے ایک غیر قانونی 30 بور پستول بمعہ راؤنڈز اور گلستانِ جوہر کی حدود سے چھینی گئی موٹر سائیکل برآمد کرلی گئی ہے۔
پولیس حکام کے مطابق گرفتار ملزم احمد کا سابقہ ریکارڈ بھی سامنے آیا ہے، جو اس سے قبل 3 مختلف مقدمات میں ملوث پایا گیا ہے تاہم مزید تفتیش کا سلسلہ جاری ہے۔
پاکستان بمقابلہ بھارت: بلائنڈ ویمنز کرکٹ میں نیا مقابلہ آج تیار