لاہور سے اسلام آباد موٹروے ہر قسم کی ٹریفک کیلئے بند کردی گئی
اشاعت کی تاریخ: 10th, October 2025 GMT
لاہورسے اسلام آباد موٹروے ہر قسم کی ٹریفک کیلئے بند کردی گئی ہے۔ تفصیلات کے مطابق اسلام آباد سےلاہور آنےوالی موٹروے بھی ٹریفک کیلئے بند کردی گئی ہے۔ ذرائع کے مطابق بابوصابو اورٹھوکرنیاز بیگ سے موٹروے پر انٹری بند کردی گئی ہے۔ اسلام آباد میں موٹروے پر آنے والے تمام راستے بند کردیے گئے ہیں۔ اسی طرح جی ٹی روڈبھی مختلف مقامات سےٹریفک کیلئے بند کردی گئی ہے۔ مریدکے،چناب نگر، گجرات سے جی ٹی روڈ کو رکاوٹیں لگا کر بند کردیا گیا ہے۔ جہلم پل، چکوال موڑ بھی ٹریفک کیلئے بند کردیا گیا ہے۔ شہراقتدار میں ایکسپریس وے،فیض آباد، راول ڈیم،زیرو پوائنٹ بند کردیا گیا ہے۔ ریڈزون،ڈی چوک، نادرا چوک بھی ٹریفک کیلئے بند ہے۔ بری امام،کٹی پہاڑی،ٹیکسلا، کشمیرچوک بھی بند ہے۔ دوسری جانب لاہور میں اورنج لائن ٹرین سروس بھی کل سے عارضی طور پر معطل ہے۔
.ذریعہ: Nawaiwaqt
کلیدی لفظ: ٹریفک کیلئے بند کردی گئی بند کردی گئی ہے
پڑھیں:
اسلام آباد ہائیکورٹ کی ممکنہ منتقلی‘ بھرپور مزاحمت کریں گے: وکلاء
اسلام آباد (وقائع نگار) اسلام آباد ہائی کورٹ کی ممکنہ منتقلی سے متعلق خبروں پر اسلام آباد ہائی کورٹ بار نے شدید تحفظات کا اظہار کرتے ہوئے واضح کیا کہ عدلیہ کی کسی بھی عمارت یا ادارے کو بغیر مشاورت منتقل کرنے کی کوشش کی گئی تو بھرپور مزاحمت کی جائے گی۔ ہائی کورٹ بار کے صدر واجد علی گیلانی نے پریس کانفرنس سے خطاب کرتے ہوئے کہا کہ 1960 میں اسلام آباد دارالحکومت بنا تو میلوڈی میں ایک ہی عدالت کام کرتی تھی، مگر آج اسلام آباد میں سپریم کورٹ، ہائی کورٹ اور سیشن کورٹس کے ساتھ سو سے زائد ڈسٹرکٹ ججز عوام کو انصاف فراہم کر رہے ہیں۔ انہوں نے کہا کہ آئین پاکستان اور عوام کے ٹیکسوں سے تعمیر ہونے والی عمارتیں کسی بھی ایڈمنسٹریٹو فیصلے کی بجائے آئینی تقاضوں کے تحت استعمال ہونی چاہئیں۔ بار صدر نے وفاقی آئینی عدالت کی موجودہ عمارت کے حوالے سے کہا کہ اسے فی الحال ہائی کورٹ کی جانب سے عارضی جگہ فراہم کی گئی ہے، مگر حتمی طور پر اسے سپریم کورٹ کی عمارت میں منتقل ہونا ہے۔ ہائی کورٹ بار کے سیکرٹری منظور احمد ججہ نے کہا کہ ہائیکورٹ کی ممکنہ منتقلی کی بات ایک نجی چینل کی خبر سے نکلی۔ اگر کبھی ایسا فیصلہ کیا گیا تو وکلا برادری سخت مزاحمت کرے گی۔ دیوار سے لگانے کی کوشش کی گئی تو بھرپور احتجاج ہو گا۔ نائب صدر اسلام آباد ہائی کورٹ بار افتخار باجوہ نے اعلان کیا کہ اگر ہائی کورٹ کی عمارت کو کہیں اور منتقل کرنے کی کوشش کی گئی تو وکلا شاہراہ دستور پر احتجاج کریں گے۔ دریں اثناء اسلام آباد ہائی کورٹ کی منتقلی کے معاملہ پر اسلام آباد بار ایسوسی ایشن کی ایگزیکٹو باڈی کا اجلاس زیرصدارت چوہدری نعیم علی گوجر‘ جنرل سیکرٹری عبد الحلیم بوٹو کی طرف سے اسلام آباد ہائی کورٹ کی جی ٹین منتقلی کا معاملہ زیر بحث لایا گیا۔ کابینہ نے حکومت کے اس اقدام کو خوش آئند قرار دیتے ہوئے کہا کہ جہاں اس سے وکلاء کو اپنے فرائض کی انجام دہی میں آسانی ہوگی، وہیں سائلین کو بھی حصول انصاف میں آسانی ہو گی۔ کابینہ نے مزید یہ بھی کہا کہ اس معاملہ کو جنرل باڈی اجلاس میں بھی زیر بحث لانا چاہئے۔
عوام کے مسائل کو وسائل کے اندر رہ کر حل کرنا ہے: فیصل راٹھور