پنجاب حکومت کا سرکاری سکولوں میں دوبارہ ٹیچر انٹرنز بھرتی کرنے کا فیصلہ
اشاعت کی تاریخ: 10th, October 2025 GMT
لاہور ( اُردو پوائنٹ اخبارتازہ ترین۔ 10 اکتوبر 2025ء ) پنجاب حکومت نے سرکاری سکولوں میں دوبارہ ٹیچر انٹرنز بھرتی کرنے کا فیصلہ کرلیا۔ تفصیلات کے مطابق پنجاب بھر کے سرکاری اسکولوں میں مزید ٹیچر انٹرنز بھرتی کرنے کا فیصلہ کیا گیا ہے، اس سلسلے میں ساڑھے 12 ہزار کے قریب ایس ٹی آئیز کی بھرتی کا اشتہار اگلے ہفتے دیا جائے گا، پہلے سے کام کرنے والے انٹرنز ٹیچرز کے کنٹریکٹ میں 8 ماہ کی توسیع کی گئی تھی۔
بتایا گیا ہے کہ محکمہ سکول ایجوکیشن پنجاب مستقبل میں کوئی مستقل ٹیچر نہ رکھنے پر غور کر رہا ہے، سکولوں میں تیچرز کی ضروریات پوری کرنے کے لیے ٹیچر انٹرنز کا پول بنا کر ضرورت پڑنے پر وہاں سے ٹیچر رکھے جائیں گے، اور مزید 12 ہزار 500 ٹیچرز کے بعد انٹرنز کی تعداد 25 ہزار ہو جائے گی، محکمہ سکول ایجوکیشن کی طرف سے ٹیچر انٹرنز کو تنخواہ ماہانہ بنیاد پر دی جائے گی، انٹرنز ٹیچر کو سبجیکٹ سپیشلسٹ کی بنیاد پر اسکولوں میں رکھا جائے گا، ٹیچنگ لائسنس سسٹم کے اجراء کے بعد ٹیسٹ پاس کرنے والے انٹرنز کو مستقل کرنے پر غور ہوگا۔(جاری ہے)
دوسری طرف پنجاب حکومت کا سرکاری اداروں میں ملازمین کی مستقلی کے حوالے سے نیا فیصلہ سامنے آیا ہے، پنجاب حکومت نے کنٹریکٹ پر بھرتی ملازمین کو مستقل کرنے والا قانون منسوخ کرنے کا فیصلہ کرلیا، پنجاب میں اب کوئی بھی ملازم اس قانون کے تحت مستقل نہیں ہو سکے گا کیوں کہ حکومت نے پنجاب ریگولیشن آف سروس ایکٹ 2019ء کو منسوخ کرنے کی منظوری دیدی، پنجاب حکومت مستقبل میں بنیادی تنخواہ کی بنیاد پر کنٹریکٹ پر بھرتی نہیں کرے گی، کنٹریکٹ ملازمین آئندہ یکمشت تنخواہ کی بنیاد پر بھرتی ہوں گے۔ .ذریعہ: UrduPoint
کلیدی لفظ: تلاش کیجئے کرنے کا فیصلہ پنجاب حکومت ٹیچر انٹرنز بنیاد پر
پڑھیں:
وفاقی حکومت کا سونے کی درآمد و برآمد پر پابندی ختم کرنے کا فیصلہ
وفاقی حکومت نے سونے کی درآمد و برآمد پر عائد پابندی ختم کرنے کا فیصلہ کیا ہے۔
وزارتِ تجارت نے اس حوالے سے ہدایات جاری کرتے ہوئے بین الاقوامی سطح پر سونے کی تجارت سے متعلق معطل شدہ ایس آر او کو بحال کر دیا ہے۔ حکومت نے قیمتی دھات اور زیورات کی درآمد و برآمد کے فریم ورک میں بھی اہم ترامیم کی ہیں۔
یہ بھی پڑھیے: ملکی تاریخ میں سونے کی قیمتوں میں تیسری بڑی کمی، فی تولہ کتنا سستا ہوا؟
یاد رہے کہ سونے کی تجارت پر پابندی مئی 2025 میں اس وقت عائد کی گئی تھی جب ملک میں سونے کی اسمگلنگ کی شکایات سامنے آئی تھیں۔ وزارتِ تجارت نے 6 مئی کو 60 دن کے لیے متعلقہ ایس آر او معطل کیا تھا، تاہم کئی ماہ تک کوئی نمایاں کیس رپورٹ نہ ہونے کے باعث کابینہ نے سونے کی درآمد و برآمد دونوں پر پابندی ختم کرنے کی منظوری دے دی۔
پاکستان بیورو آف اسٹیٹکس کے اعداد و شمار کے مطابق جون اور جولائی 2025 میں سونے کی درآمد صفر رہی، جبکہ مئی میں صرف 9 کلوگرام سونا جس کی مالیت 9 لاکھ 27 ہزار ڈالر تھی درآمد ہوا، جو زیادہ تر وہی مال تھا جو ایس آر او معطلی سے قبل بھیجا گیا تھا۔
اس کے برعکس، جولائی 2024 میں سونے کی درآمد 22 لاکھ ڈالر کی ریکارڈ سطح تک پہنچ گئی تھی۔
یہ بھی پڑھیے: عالمی اور مقامی مارکیٹ میں سونے کی قیمت مستحکم
فیڈریشن آف پاکستان چیمبرز آف کامرس اینڈ انڈسٹری (FPCCI) کے صدر، عاطف اکرام شیخ نے وزیرِ اعظم شہباز شریف سے ایس آر او 760 کی فوری بحالی کی درخواست کی تھی۔ ان کا کہنا تھا کہ متعدد ایکسپورٹرز پہلے ہی قانونی معاہدوں کے تحت سونا حاصل کر کے اسے زیورات کی شکل میں ڈھال چکے تھے، مگر ایس آر او کی اچانک معطلی سے سپلائی چین متاثر ہوئی اور بین الاقوامی خریداروں کے اعتماد کو نقصان پہنچا۔
تاجر برادری نے حکومت کے اس فیصلے کا خیرمقدم کیا ہے، اور توقع ظاہر کی ہے کہ اس سے زیورات کی برآمدات اور قیمتی دھاتوں کی قانونی تجارت کو ایک بار پھر تقویت ملے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امپورٹ ایکسپورٹ پابندی سونا
عوام کے مسائل کو وسائل کے اندر رہ کر حل کرنا ہے: فیصل راٹھور