سلمان خان کے ساتھی اداکار اور باڈی بلڈر ورندر گھمن کا اچانک انتقال، وجہ کیا بنی؟
اشاعت کی تاریخ: 10th, October 2025 GMT
بھارت کے نامور باڈی بلڈر اور اداکار ورندر سنگھ گھمن 42 برس کی عمر میں دل کا دورہ پڑنے سے انتقال کر گئے۔ ان کی وفات امرتسر کے فورٹیس اسپتال میں ہوئی، جہاں وہ ایک معمولی بائسپس سرجری کے لیے داخل ہوئے تھے۔ گھمن کے اہل خانہ اور منیجر نے ان کی وفات کی تصدیق کرتے ہوئے بتایا کہ انہیں ابتدائی طور پر کندھے میں درد کی شکایت تھی، جس کے بعد وہ اسپتال لائے گئے تھے۔
ورندر سنگھ گھمن کا شمار بھارت کے مایہ ناز باڈی بلڈرز میں ہوتا تھا۔ ان کا تعلق پنجاب کے ضلع گرداسپور سے تھا۔ انہوں نے 2009 میں ’مسٹر انڈیا‘ کا اعزاز حاصل کیا، جبکہ ’مسٹر ایشیا‘ مقابلے میں دوسری پوزیشن حاصل کر کے بین الاقوامی سطح پر بھی اپنی صلاحیتوں کا لوہا منوایا۔
یہ بھی پڑھیں: ’باپ بننا چاہتا ہوں اور بنوں گا بھی‘، سلمان خان نے خواہش کا اظہار کردیا
گھمن کو دنیا کا پہلا مکمل سبزی خور (ویجیٹیرین) پیشہ ور باڈی بلڈر ہونے کا اعزاز بھی حاصل تھا، جس پر وہ فخر محسوس کرتے تھے۔ ان کا ماننا تھا کہ اعلیٰ درجے کی جسمانی فٹنس گوشت کھائے بغیر بھی ممکن ہے، اور وہ نوجوانوں کو اسی طرزِ زندگی کو اپنانے کی ترغیب دیتے تھے۔
2013 میں ہالی ووڈ کے لیجنڈری اداکار اور باڈی بلڈر آرنلڈ شوارزینیگر نے گھمن کو ایشیا میں اپنی مصنوعات کا برانڈ ایمبیسیڈر مقرر کیا، جو ان کے کیریئر کا ایک اہم سنگ میل تھا۔
یہ بھی پڑھیں: ’آپ بھی عمرہ ادا کریں‘، عمرہ کے بعد راکھی ساونت کا سلمان خان کو پیغام
ورندر سنگھ گھمن نے 2012 میں پنجابی فلم ’کبڈی ونس اگین‘ سے فلمی دنیا میں قدم رکھا۔ اس کے بعد وہ 2014 میں ہندی فلم ’روئر: ٹائیگرز آف دی سندربنز‘ اور 2019 میں ’مر جاواں‘ میں بھی جلوہ گر ہوئے۔ ان کی آخری فلمی پیشکش 2023 کی بلاک بسٹر فلم ’ٹائیگر 3‘ تھی، جس میں انہوں نے سلمان خان کے ساتھ کام کیا۔
ورندر سنگھ گھمن سوشل میڈیا پر خاصے متحرک تھے اور انسٹاگرام پر ان کے ایک ملین سے زائد فالوورز تھے۔ وہ باقاعدگی سے اپنی ورزش کی ویڈیوز، فٹنس ٹپس اور نوجوانوں کے لیے حوصلہ افزا پیغامات شیئر کرتے تھے۔ وہ نہ صرف ایک کامیاب ایتھلیٹ بلکہ ایک متاثر کن رول ماڈل بھی تھے۔
یہ بھی پڑھیں: شاہ رخ خان اور سلمان خان کے ساتھ فلم کرنے کے لیے عامر خان نے شرط رکھ دی
پنجاب کے سابق ڈپٹی وزیر اعلیٰ اور رکنِ پارلیمان سکھجندر سنگھ رندھاوا نے گھمن کی وفات پر افسوس کا اظہار کرتے ہوئے کہا کہ ورندر سنگھ گھمن کی اچانک وفات دل کو گہرا صدمہ دینے والی خبر ہے۔ انہوں نے اپنی محنت، نظم و ضبط اور لگن سے نہ صرف پنجاب بلکہ پورے ملک کا نام روشن کیا۔ اللہ تعالیٰ ان کے درجات بلند فرمائے اور اہلِ خانہ کو صبرِ جمیل عطا فرمائے۔
گھمن کی ناگہانی موت نے نہ صرف کھیلوں اور فلمی صنعت بلکہ ان کے لاکھوں مداحوں کو بھی افسردہ کر دیا ہے۔ ایک مثالی ایتھلیٹ، کامیاب اداکار اور اخلاقی قدروں کے علمبردار کے طور پر ورندر سنگھ گھمن کی یادیں ہمیشہ زندہ رہیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اداکار کا انتقال باڈی بلڈر اور اداکار ورندر سنگھ گھمن بالی ووڈ سلمان خان.
ذریعہ
ذریعہ: WE News
کلیدی لفظ: اداکار کا انتقال باڈی بلڈر اور اداکار ورندر سنگھ گھمن بالی ووڈ ورندر سنگھ گھمن باڈی بلڈر گھمن کی کے لیے
پڑھیں:
فرانس؛ جیفری ایپسٹین کا قریبی ساتھی بھی پراسرار حالت میں مردہ پایا گیا
بدنام زمانہ جنسی اسکینڈل کے سرغنہ جیفری ایپسٹین کی طرح اس کا مبینہ ساتھی اور فرانسیسی ماڈل اسکاؤٹ ڈینیئل سیاد اپنے گھر میں مردہ حالت میں پائے گئے۔
عالمی خبر رساں ادارے کے مطابق فرانس میں ماڈل ڈینیئل سیاد کے خلاف جنسی زیادتی، انسانی اسمگلنگ اور خواتین کو دھوکے سے جنسی استحصال کے نیٹ ورک میں شامل کرنے کے الزامات کی تحقیقات جاری تھیں تاہم ان پر ابھی تک باقاعدہ فردِ جرم عائد نہیں کی گئی تھی۔
فرانس میں مردہ پائے گئے ماڈل اسکأٹ ڈینیئل سیاد کی موت ایسے وقت میں ہوئی ہے جب متعدد خواتین کو جنسی استحصال کے نیٹ ورک میں پھانسنے اور انسانی اسمگلنگ سے متعلق سنگین الزامات کی تحقیقات جاری تھیں۔
فرانسیسی پراسیکیوٹر نے بتایا کہ 69 سالہ ڈینیئل سیاد کی لاش پیرس کے نواحی علاقے کولومب میں واقع ان کی رہائش گاہ سے برآمد ہوئی۔ موت کی وجوہات جاننے کے لیے باضابطہ تحقیقات شروع کر دی ہیں۔
لاش کو پوسٹ مارٹم کے لیے اسپتال منتقل کردیا گیا۔ فرانزک ٹیسٹس بھی کرائے جائیں گے تاکہ موت کی وجہ معلوم کی جاسکے۔
ڈینیئل سیاد پر الزام تھا کہ وہ ماڈلنگ کے شعبے سے وابستہ نوجوان خواتین کا تعارف جیفری ایپسٹین سے کراتا تھا۔
متعدد متاثرہ خواتین کا کہنا ہے کہ سیاد نے انہیں ایپسٹین سے ملوایا جس کے بعد وہ مبینہ طور پر جنسی استحصال کا شکار ہوئیں۔
سیاد کے وکیل کا کہنا ہے کہ اگر پوسٹ مارٹم سے دل کا دورہ موت کی وجہ ثابت ہوتا ہے تو اس میں کئی برسوں سے جاری قانونی دباؤ، ذہنی تناؤ اور غیر یقینی صورتحال کا بھی کردار ہو سکتا ہے۔
ایپسٹین کیس سے منسلک متعدد خواتین نے ڈینیئل سیاد کی موت پر افسوس کا اظہار کرتے ہوئے کہا کہ ان کی گواہی سے اس پورے نیٹ ورک کے بارے میں مزید اہم معلومات سامنے آ سکتی تھیں۔
سابق فرانسیسی ماڈل جولیٹ نے دعویٰ کیا کہ 2004 میں سیاد نے ان کا تعارف جیفری ایپسٹین سے کرایا تھا۔ ان کا کہنا تھا کہ سچ تک پہنچنے اور اس نیٹ ورک کے تمام کرداروں کو بے نقاب کرنے کی ایک اہم کڑی ختم ہوگئی۔
اسی طرح سابق سویڈش ماڈل ایبّا کارلسن نے بھی اس امید پر رواں برس فروری میں سیاد کے خلاف شکایت درج کرائی تھی کہ جلد گرفتاریاں ہوں گی اور انصاف ملے گا لیکن ان کی اچانک موت سے یہ امید کمزور پڑگئی ہے۔
خیال رہے کہ ماڈل سیاد کا اپنے خلاف عائد الزامات کی تردید کرتے ہوئے کہنا تھا کہ انھیں ایپسٹین کی مجرمانہ سرگرمیوں کا علم نہیں تھا اور خود بھی وہ اس کے دھوکے کا شکار ہوئے۔
ڈینیئل سیاد کے وکیل مینیا عرب ٹیگرین کا کہنا تھا کہ فرانسیسی تفتیش کاروں نے ابھی تک سیاد سے باقاعدہ پوچھ گچھ نہیں کی تھی لیکن وہ اپنی صفائی پیش کرنے کے لیے تیار تھے۔
عدالتی ریکارڈ کے مطابق امریکی عدالت کی جانب سے جاری کی گئی تقریباً دو ہزار سے زائد دستاویزات میں بھی ڈینیئل سیاد کا نام سامنے آیا تھا۔
ان دستاویزات میں مبینہ طور پر بتایا گیا کہ سیاد مختلف ممالک کے دوروں کے دوران خواتین کی تصاویر اور معلومات ایپسٹین کو بھیجتے تھے۔
2014 کی ایک ای میل جو عدالتی ریکارڈ کا حصہ بنی تھی اس میں سیاد نے اپنی سرگرمیوں کو ماہی گیری سے تشبیہ دیتے ہوئے لکھا تھا کہ بعض اوقات شکار آسانی سے مل جاتا ہے اور بعض اوقات ایک بھی مچھلی ہاتھ نہیں آتی۔
استغاثہ نے اس زبان کو خواتین کی تلاش سے تعبیر کیا جبکہ سیاد نے اس کی مختلف تشریح پیش کی تھی۔
یاد رہے کہ یہ پہلا موقع نہیں کہ جیفری ایپسٹین سے وابستہ کسی اہم شخصیت کی موت نے سوالات کو جنم دیا ہو وہ خود 2019 میں نیویارک کی جیل میں مردہ پائے گئے تھے جہاں وہ جنسی اسمگلنگ کے مقدمے کا سامنا کر رہے تھے۔
امریکی حکام نے جیفری ایپسٹین کی موت کو خودکشی قرار دیا تھا تاہم اس پر آج بھی مختلف سوالات اور سازشی نظریات زیرِ بحث رہتے ہیں۔
اسی طرح ایک اور فرانسیسی ماڈلنگ ایجنٹ اور ایپسٹین کے قریبی ساتھی ژاں لوک برونیل بھی 2022 میں پیرس کی جیل میں مردہ پائے گئے تھے۔ حکام نے ان کی موت کو بھی خودکشی قرار دیا تھا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار