یورپی یونین تقسیم در تقسیم کا شکار ہو چکی ہے، برطانوی میڈیا
اشاعت کی تاریخ: 10th, October 2025 GMT
معروف برطانوی اخبار نے اعلان کیا ہے کہ ڈنمارک میں منعقدہ یورپی یونین کے رہنماؤں کے حالیہ سربراہی اجلاس میں سیاسی تنازعات اور خفیہ منصوبوں کے سوا دیکھنے کو کچھ نہیں ملا اسلام ٹائمز۔ معروف برطانوی اخبار دی گارڈین نے یورپی یونین میں گہری تقسیم اور دھڑے بندیوں کی خبر دی ہے۔ اس حوالے سے پال ٹیلر کے قلم سے تحریر شدہ ایک مقالہ نشر کرتے ہوئے دی گارڈین نے لکھا کہ ڈنمارک میں منعقدہ یورپی یونین کے حالیہ سربراہی اجلاس میں صرف اور صرف سیاسی تنازعات و خفیہ منصوبوں کا ہی مشاہدہ کیا گیا ہے۔
اس مقالے میں تاکید کی گئی ہے کہ گذشتہ ہفتے کی ملاقاتیں کہ جو یورپی ہتھیاروں (کے ذخائر) کی تجدید کے لئے اہم ترجیحات پر اتفاق رائے تک پہنچنے کے لئے بلائی گئی تھیں، علاقائی جنگوں، سیاسی تنازعات اور پوشیدہ ایجنڈوں کی شرمناک نمائش میں بدل کر رہ گئیں کہ جو "یورپ کے متحدہ دفاع" کی کوششوں میں بدترین رکاوٹ ہے۔ گارڈین نے وضاحت کرتے ہوئے لکھا کہ یورپی یونین کے رہنماؤں کے درمیان یہ گفتگو، کسی اسکینڈل میں بدل چکی ہے کہ جس نے یورپ کی گہری کمزوری اور تقسیم در تقسیم کو عیاں کر کے رکھ دیا ہے۔
واضح رہے کہ یورپی یونین کا غیر رسمی سربراہی اجلاس یکم اور 2 اکتوبر کو کوپن ہیگن میں منعقد ہوا جس میں یوکرینی جنگ اور یورپی یونین کی اجتماعی سلامتی کے ساتھ ساتھ روس کی جانب سے "یورپی یونین کی ہوائی حدود کی مبینہ خلاف ورزی" پر "ممکنہ ردعمل" کے حوالے سے غور و خوض کیا گیا تھا۔
ذریعہ
ذریعہ: Islam Times
کلیدی لفظ: یورپی یونین
پڑھیں:
حضرت داتا گنج بخش ؒ کا سالانہ عرس; انتظامات کے حوالے سے خصوصی اجلاس
سٹی 42: خصوصی مشیر وزیر اعلیٰ علی ڈارکی زیر صدارت خصوصی اجلاس ہوا۔ جس میں علی ڈار نے داتاؒ دربار عرس کیلئے انتظامات کا تفصیلی جائزہ لیا
صوبائی وزیر بلال یاسین، وائس چیئرمین ایل ڈی اے میاں مرغوب احمد شریک ہوئے ۔ سیکرٹری اوقاف ڈاکٹر احسان بھٹہ، ڈپٹی کمشنر لاہور محمد علی اعجاز،ڈی آئی جی آپریشنز فیصل کامران، ڈی جی ایل ڈی اے طاہر فاروق و دیگر شریک ہوئے ۔
بریفنگ میں بتایا گیا کہ حضرت داتا گنج بخش ؒ کا تین روزہ سالانہ عرس 2 تا4 اگست کو منعقد ہوگا،خطیب داتا ؒدربار مولانا ندیم مختار نے سیرت و صوفی کانفرنسز سے متعلق آگاہ کیا۔محافل، قرأت اور نعت خوانی کے مقابلوں کے انعقاد سے متعلق بریفنگ دی گئی۔
علی ڈار نے کہا داتاؒ دربار تعمیراتی منصوبہ عہد ساز اور تاریخی نوعیت کا حامل ہے،عرس میں دنیا بھر سے زائرین حاضری کی سعادت حاصل کریں گے،زیرِ تعمیر انڈر پاس اور متعلقہ سڑکیں عرس سے قبل کھولی جائیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا