غزہ سے اسرائیلی یرغمالیوں کی رہائی آج شروع ہوگی، تمام تیاریاں مکمل
اشاعت کی تاریخ: 13th, October 2025 GMT
غزہ: فلسطینی تنظیم حماس آج 20 اسرائیلی یرغمالیوں کی رہائی کا عمل شروع کرے گی، جبکہ معاہدے کے مطابق اسرائیلی مغویوں کی رہائی کے فوراً بعد فلسطینی قیدیوں کو بھی آزاد کیا جائے گا۔
عرب میڈیا کے مطابق اسرائیلی حکومت نے تصدیق کی ہے کہ وہ 28 دیگر یرغمالیوں کی لاشیں وصول کرنے کی تیاری کر رہی ہے، جن کی موت کی تصدیق ہوچکی ہے۔
ترجمان اسرائیلی حکومت کے مطابق، فلسطینی قیدیوں کی رہائی اسی وقت ممکن ہوگی جب غزہ سے یرغمالیوں کو اسرائیل کے حوالے کر دیا جائے۔
دوسری جانب حماس کے سیاسی بیورو کے سینئر رکن غازی حماد نے الزام لگایا ہے کہ اسرائیل فلسطینی قیدیوں کی فہرست میں بار بار تبدیلیاں کر رہا ہے، جس سے عمل میں تاخیر ہو رہی ہے۔
غازی حماد نے الجزیرہ سے گفتگو میں کہا کہ اگر عالمی دباؤ کم ہوا تو اسرائیلی وزیراعظم نیتن یاہو دوبارہ جارحیت پر اتر سکتے ہیں۔ انہوں نے عرب ممالک اور ثالثی کردار ادا کرنے والے ممالک سے اپیل کی کہ غزہ امن معاہدے پر مکمل عملدرآمد یقینی بنائیں۔
انہوں نے مزید بتایا کہ حماس مصر، قطر اور ترکی کے ساتھ مسلسل رابطے میں ہے اور معاہدے کے تحت یرغمالیوں کی رہائی کی تمام تیاریاں مکمل کر چکی ہے، تاہم اسرائیل کی جانب سے دستاویزات کی تصدیق میں تاخیر نے رکاوٹیں پیدا کر دی ہیں۔
.
ذریعہ
ذریعہ: Express News
کلیدی لفظ: یرغمالیوں کی کی رہائی
پڑھیں:
پنجاب حکومت کا سرکاری ملازمین اور پنشنرز کو جولائی کی ادائیگیاں قبل از وقت کرنے کا فیصلہ
پنجاب حکومت (Punjab Government)نے یکم اور 2 اگست کو ہفتہ اور اتوار کی سرکاری تعطیلات کے پیش نظر صوبے کے سرکاری ملازمین اور پنشنرز کو جولائی کی تنخواہیں، الاؤنسز اور پنشن مقررہ تاریخ سے قبل ادا کرنے کا فیصلہ کر لیا ہے۔
محکمہ خزانہ پنجاب کے مطابق تمام سرکاری ملازمین کو جولائی کی تنخواہیں اور واجب الاؤنسز 31 جولائی کو ادا کیے جائیں گے، جبکہ صوبے کے تمام پنشنرز کو بھی اسی روز جولائی کی پنشن جاری کر دی جائے گی۔
محکمہ خزانہ نے بتایا کہ اس سلسلے میں گورنر پنجاب (Governor of Punjab) نے 31 جولائی کو تنخواہوں، الاؤنسز اور پنشن کی قبل از وقت ادائیگی کی منظوری دے دی ہے تاکہ تعطیلات کے باعث ادائیگی میں کسی قسم کی تاخیر نہ ہو۔
مزیدپڑھیں:دفتری نظم و ضبط کی پابندی کی ہدایت ،نیاسرکلرجاری
فیصلے پر عملدرآمد کے لیے محکمہ خزانہ نے اکاؤنٹنٹ جنرل پنجاب (Accountant General Punjab)، تمام ضلعی ٹریژری دفاتر اور ڈسٹرکٹ اکاؤنٹس افسران کو باضابطہ ہدایات جاری کر دی ہیں۔ اس کے ساتھ متعلقہ بینکوں کو بھی ہدایت کی گئی ہے کہ وہ 31 جولائی کو سرکاری ملازمین کی تنخواہوں اور پنشنرز کی پنشن کی بروقت ادائیگی کے لیے تمام ضروری انتظامات مکمل کریں۔
حکام کے مطابق یکم اور 2 اگست کو ہفتہ اور اتوار کی تعطیلات کے باعث یہ فیصلہ کیا گیا ہے تاکہ سرکاری ملازمین اور پنشنرز کو بروقت ادائیگی یقینی بنائی جا سکے اور انہیں مالی معاملات میں کسی قسم کی دشواری کا سامنا نہ کرنا پڑے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی