بجلی کے بلوں میں پھر اضافہ، نیپرا نے ماہانہ فیول ایڈجسٹمنٹ کی منظوری دے دی
اشاعت کی تاریخ: 15th, October 2025 GMT
نیشنل الیکٹرک پاور ریگولیٹری اتھارٹی (نیپرا) نے اگست 2025 کے لیے فیول کاسٹ ایڈجسٹمنٹ (FCA) کے تحت 8 پیسے فی یونٹ اضافے کی منظوری دے دی ہے۔ یہ اضافہ اکتوبر کے بلوں میں شامل کیا جائے گا۔
نیپرا کی جانب سے منگل کے روز جاری نوٹیفکیشن کے مطابق یہ ایڈجسٹمنٹ پورے ملک کے صارفین پر لاگو ہوگی، جس میں کے-الیکٹرک کے صارفین بھی شامل ہیں۔ اتھارٹی نے وضاحت کی کہ اضافہ حکومتی پالیسی گائیڈ لائنز کے مطابق کیا گیا ہے۔
سی پی پی اے کی 19 پیسے اضافے کی درخواست مستردسنٹرل پاور پرچیزنگ ایجنسی (CPPA) نے اگست کے لیے 19 پیسے فی یونٹ اضافے کی درخواست دی تھی، تاہم نیپرا نے مکمل اضافہ منظور کرنے کے بجائے صرف 8 پیسے فی یونٹ اضافہ منظور کیا۔
اتھارٹی کے مطابق یہ اضافہ معمول کی ماہانہ فیول لاگت ایڈجسٹمنٹ کا حصہ ہے جو ایندھن کی قیمتوں اور بجلی کی پیداواری لاگت میں اتار چڑھاؤ کی عکاسی کرتا ہے۔
مہنگی بجلی سے صارفین پر مزید دباؤاگرچہ اضافہ معمولی ہے، تاہم ماہرین کے مطابق یہ صارفین کے لیے مزید مالی دباؤ کا باعث بنے گا، خاص طور پر ایسے وقت میں جب توانائی کی مجموعی لاگت پہلے ہی بلند سطح پر ہے۔
یہ بھی پڑھیں:حکومت کا بڑا ریلیف پیکج، سیلاب زدہ علاقوں کے 25 لاکھ سے زیادہ گھروں کے بجلی بل معاف
گزشتہ ماہ بھی نیپرا نے 19 پیسے فی یونٹ اضافے کی منظوری دی تھی، جو تمام بجلی تقسیم کار کمپنیوں پر لاگو ہوئی تھی۔ تاہم یہ اضافہ لائف لائن صارفین، پری پیڈ میٹرز اور الیکٹرک گاڑی چارجنگ اسٹیشنز پر لاگو نہیں کیا گیا تھا۔
عوامی سماعت اور نیپرا کا مؤقفنیپرا نے اس سلسلے میں عوامی سماعت اپنے ہیڈکوارٹرز میں منعقد کی، جس کی صدارت اتھارٹی کے چیئرمین نے کی۔ سماعت میں سی پی پی اے، وزارتِ توانائی، کاروباری برادری، صحافیوں اور عوامی نمائندوں نے شرکت کی۔
نیپرا کے مطابق تمام فریقین کی آرا سنی گئیں اور جمع کردہ اعداد و شمار کی مزید جانچ کے بعد تفصیلی فیصلہ جاری کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بجلی بل نیپرا ہیڈکوارٹر.
ذریعہ
ذریعہ: WE News
کلیدی لفظ: بجلی بل نیپرا ہیڈکوارٹر پیسے فی یونٹ نیپرا نے اضافے کی کے مطابق کے لیے
پڑھیں:
پاسداران انقلاب کی برطانیہ کو وارننگ، کویت میں امریکی الیکٹرانک وارفیئر کا یونٹ تباہ
ایران کی سپاہ پاسدارانِ انقلاب نے اعلان کیا ہے کہ آپریشن "نصر 2" کی 26 ویں لہر کے دوران مشترکہ حملوں میں کویت کے العدیری فوجی اڈے پر قائم امریکی الیکٹرانک وارفیئر کے خصوصی یونٹ کو تباہ کر دیا۔ اسلام ٹائمز۔ ایران کی سپاہ پاسدارانِ انقلاب نے اعلان کیا ہے کہ آپریشن "نصر 2" کی 26 ویں لہر کے دوران مشترکہ حملوں میں کویت کے العدیری فوجی اڈے پر قائم امریکی الیکٹرانک وارفیئر کے خصوصی یونٹ کو تباہ کر دیا۔ بیان کے مطابق اس یونٹ سے وابستہ ایک مرکز کو بھی نشانہ بنایا گیا، جس کے نتیجے میں متعدد اہلکار ہلاک یا زخمی ہوئے، جبکہ اڈے کے فضائی ٹریفک کنٹرول ٹاور کو بھی نقصان پہنچا۔ پاسدارانِ انقلاب کے شعبۂ تعلقاتِ عامہ کی جانب سے جاری بیان میں کہا گیا کہ یہ کارروائی جارح کو سزا دینے کے سلسلے کی کڑی ہے اور امریکی فوج کی ان کارروائیوں کا جواب ہے، جن میں جمعرات کی صبح امام حسینؑ کے روضے کی جانب جانے والے زائرین کے راستے کو نشانہ بنایا گیا۔ بیان کے مطابق امریکی حملے میں عراق کی سرحد پر واقع شلمچہ بارڈر کراسنگ پر دو افراد جاں بحق اور 11 زخمی ہوئے۔
سپاہ پاسداران انقلاب نے اپنے بیان میں برطانیہ کو تنبیہ کرتے ہوئے کہا کہ ایران کیخلاف استعمال ہونے والا برطانوی اڈہ جائز ہدف تصور ہو گا۔ بیان کے مطابق امریکی فوج نے گزشتہ روز بحرِ ہند میں موجود اپنے بحری بیڑے کے کروز میزائل ختم ہونے کے بعد برطانیہ کے فیئرفورڈ فضائی اڈے سے اڑنے والے B-1 بمبار طیاروں کا استعمال کیا۔ پاسدارانِ انقلاب نے ایک بار پھر ایرانی وزارتِ خارجہ کے مؤقف کو دہراتے ہوئے کہا کہ ایران پر حملے کے لیے استعمال ہونے والا ہر فوجی اڈہ ایک جائز ہدف تصور کیا جائے گا۔ بیان کے اختتام پر برطانیہ کی حکومت کو خبردار کرتے ہوئے کہا گیا کہ وہ خطے کے عوام کی مشکلات کی بنیادی ذمہ دار ہے اور اسلامی ممالک کی تقسیم، قتلِ عام، آمرانہ حکومتوں کے قیام، فلسطین پر قبضے کی منصوبہ بندی اور اسرائیل کے قیام میں اس کا کردار تاریخ کا حصہ ہے۔ بیان میں یہ بھی الزام عائد کیا گیا کہ برطانیہ نے ایران کے خلاف حالیہ امریکی اور اسرائیلی حملوں میں بھی نمایاں کردار ادا کیا۔
یاد رہے کہ اس سے قبل آج ہی ایرانی وزارتِ خارجہ نے برطانوی حکومت کے اس فیصلے کی مذمت کی تھی، جس کے تحت امریکہ کو ایران کے خلاف فوجی حملوں کی تیاری کے لیے برطانوی فوجی اڈوں اور تنصیبات کے استعمال کی اجازت دی گئی۔ وزارتِ خارجہ نے کہا کہ ان حملوں کی تیاری یا ان پر عمل درآمد میں کسی بھی قسم کا تعاون جارحیت اور جنگی جرائم میں شراکت کے مترادف ہوگا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا