ہتھنی کی اپنے پھنسے بچے کو بچانے کی دل چھو لینے والی ویڈیو وائرل
اشاعت کی تاریخ: 16th, October 2025 GMT
سوشل میڈیا پر ایک ویڈیو تیزی سے وائرل ہو رہی ہے جس میں ایک ہتھنی سڑک کنارے پھنسے ہوئے اپنے بچے کو بچاتے ہوئے دیکھی جا سکتی ہے۔ یہ مختصر، 17 سیکنڈ کی ویڈیو بھارتی فاریسٹ سروسز کے افسر پروین کسوّان نے شیئر کی ہے۔
یہ بھی پڑھیں: موسیقی کی دلدادہ ہتھنی نے اپنے ردعمل سے سب کو حیران کردیا
ویڈیو میں ایک ننھا ہاتھی سڑک کے کنارے پھنسا ہوا ہے اور اوپر چڑھنے کی کوشش کررہا ہوتا ہے۔ کچھ دیر بعد ماں ہاتھی اور ایک اور ہاتھی اس کی مدد کے لیے آگے بڑھتے ہیں اور اسے دھکیل کر سڑک پر چڑھا دیتے ہیں۔
پروین کسوّان نے ویڈیو شیئر کرتے ہوئے لکھا کہ ماں اور بچے کا یہ ساتھ ناقابلِ فراموش ہے، کوئی کسی کو پیچھے نہیں چھوڑتا۔ ویڈیو میں دیکھا جا سکتا ہے کہ سڑک کے دوسری جانب لوگ صبر سے کھڑے انتظار کر رہے ہیں تاکہ ہاتھیوں کا جھنڈ بخیر و خوبی گزر جائے۔
That mother calf duo.
— Parveen Kaswan, IFS (@ParveenKaswan) October 16, 2025
ویڈیو کے سوشل میڈیا پر وائرل ہونے کے بعد صارفین نے ماں ہاتھی کی محبت اور جانوروں کے خلوص کو سراہا۔ ایک صارف نے لکھا کہ فطرت ہمیں صبر اور حفاظت کا بہترین سبق سکھاتی ہے۔ ایک اور نے کہا کہ ماں، خالہ اور بچے کے درمیان یہ بندھن دل کو چھو لینے والا ہے۔
کچھ صارفین نے مزاحیہ انداز میں کہا کہ جس طرح ہاتھیوں نے سڑک جلدی پار کی، لگتا تھا جیسے وہ ٹریفک روکنا نہیں چاہتے، ان میں تو انسانوں سے زیادہ سلیقہ ہے۔
یہ بھی پڑھیں: سفاری پارک میں ہتھنی سونیا کی موت کیسے ہوئی؟ پوسٹ مارٹم رپورٹ میں اہم انکشاف
یاد رہے کہ گزشتہ ہفتے پروین کسوّان نے ایک اور ویڈیو شیئر کی تھی جس میں 15 دن کے ایک ننھے ہاتھی کے بچے کو سیلابی پانی سے بچایا گیا تھا۔ تاہم بچاؤ کے بعد جب اہلکاروں نے اسے اس کی ماں سے ملانے کی کوشش کی تو ماں نے اسے قبول کرنے سے انکار کر دیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بھارت پروین کسوان فاریسٹ سروسز ہتھنی ویڈیو وائرل
ذریعہ
ذریعہ: WE News
کلیدی لفظ: بھارت پروین کسوان فاریسٹ سروسز ہتھنی ویڈیو وائرل
پڑھیں:
تیسرے آپریشن کیلئے آنے والی خواتین کا مانع حمل کا آپریشن کیا جائےگا: وزیر صحت سندھ
کراچی(ڈیلی پاکستان آن لائن)وزیر صحت سندھ ڈاکٹر عذرا فضل پیچوہو کا کہنا ہے کہ بچوں کی پیدائش کے دوران آپریشن سے خواتین کی شرح اموات بڑھی ہے۔
نجی ٹی وی چینل جیو نیوز کے مطابق جناح پوسٹ گریجویٹ میڈیکل سینٹر میں ’’ماں رہے سلامت‘‘ کے عنوان سےفیملی پلاننگ سمٹ کا انعقاد کیا گیا۔
فیملی پلاننگ سمٹ سے خطاب کرتے ہوئے وزیر صحت سندھ ڈاکٹر عذرا فضل پیچوہو کا کہنا تھا کہ سندھ ملک میں سب سے آگے ہے، ہم نے ماں اور بچے کی صحت کے لیے بہت سے قوانین بنائے ہیں۔
ڈاکٹر عذرا پیچوہو نے کہا کہ آپریشن سے بچوں کی پیدائش سے خواتین کی شرح اموات بڑھی ہے، ہم اس پر کام کررہے ہیں اور بہت جلد آپ کو اس کے نتائج نظر آئیں گے۔
افغان سرزمین سے دہشت گردی پاکستان کیلئے بڑا سکیورٹی چیلنج ہے: اسحاق ڈار
وزیر صحت سندھ عذرا فضل پیچوہو کا کہنا تھا تیسرے آپریشن کیلئے آنے والی خواتین کا مانع حمل کا آپریشن کیا جائےگا۔
مزید :
بھارت سے جنگ اور افغانستان میں کارروائی خارج ازامکان نہیں، وزیردفاع