زرین خان آن لائن ہراسانی سے پریشان، ویڈیو پیغام وائرل
اشاعت کی تاریخ: 16th, October 2025 GMT
بالی ووڈ کی اداکارہ زرین خان نے سوشل میڈیا پر بڑھتی آن لائن ہراسانی پر شدید تشویش کا اظہار کرتے ہوئے ردعمل دیا ہے۔
بھارتی میڈیا کے مطابق 38 سالہ اداکارہ نے انسٹاگرام پر ایک ویڈیو پیغام میں کہا کہ وہ جب بھی کوئی پوسٹ شیئر کرتی ہیں، انہیں فحش، غیر مہذب اور ذومعنی تبصرے موصول ہوتے ہیں۔
انہوں نے بتایا کہ چاہے پوسٹ خوشگوار ہو، ذاتی تجربات سے متعلق ہو یا کسی افسوسناک واقعے کی، ہر بار انہیں مایوس کن صورتحال کا سامنا کرنا پڑتا ہے۔ زرین نے سوال کیا کہ کیا ان کے فالوورز بھی ایسی ہراسانی کا شکار ہیں، اداکارہ نے سوال اُٹھایا کہ آخر اس رویے کی وجہ کیا ہے؟
View this post on InstagramA post shared by Zareen Khan ????????✨???????? (@zareenkhan)
سلمان خان کی ساتھی اداکارہ زرین خان کی ویڈیو پر متعدد مداحوں اور سوشل میڈیا صارفین نے ان کے حق میں آواز اٹھائی، جبکہ کئی نے سوشل میڈیا پر بڑھتی بدتمیزی پر تشویش کا اظہار کیا۔ کچھ صارفین نے زرین کو مشورہ دیا کہ وہ ٹرولز کو نظر انداز کریں۔
واضح رہے کہ زرین نے 2010 میں سلمان خان کے ساتھ فلم ’ویر‘ سے ڈیبیو کیا تھا کہا جارہا تھا کہ انہیں کترینہ سے مشابہت کی وجہ سے سلمان کی جانب سے ان کے مدمقابل لایا گیا ہے۔ زرین خان نے ’ہاؤس فل 2‘، ’ہیٹ اسٹوری 3‘ اور ’اکسر 2‘ میں اداکاری کی، جبکہ ان کی آخری فلم ’ہم بھی اکیلے تم بھی اکیلے‘ 2021 میں ریلیز ہوئی تھی۔
.ذریعہ: Express News
پڑھیں:
خالد خورشید نے نون لیگ کو چینلج کر دیا، اہم ویڈیو پیغام
سابق وزیر اعلیٰ گلگت بلتستان و پی ٹی آئی کے صوبائی صدر خالد خورشید نے وفاقی وزیر پلاننگ احسن اقبال کے گلگت میں کیے گئے خطاب کے ردعمل میں چیلنج کرتے ہوئے کہا ہے کہ اگر ان کے دعوے درست ثابت ہوئے تو میں سیاست چھوڑ دوں گا۔ متعلقہ فائیلیںاسلام ٹائمز۔ سابق وزیر اعلیٰ گلگت بلتستان و پی ٹی آئی کے صوبائی صدر خالد خورشید نے وفاقی وزیر پلاننگ احسن اقبال کے گلگت میں کیے گئے خطاب کے ردعمل میں چیلنج کرتے ہوئے کہا ہے کہ اگر ان کے دعوے درست ثابت ہوئے تو میں سیاست چھوڑ دوں گا۔ ایک ویڈیو پیغام میں سابق وزیر اعلیٰ کا کہنا تھا کہ امیر مقام اور احسن اقبال الیکشن ہارے ہوئے فارم 47 کے ذریعے غیر قانونی طور پر آئے ہوئے ہیں۔ انہوں نے چیلج کرتے ہوئے کہا کہ وفاق میں جب نواز شریف کی حکومت تھی اور جی بی میں حفیظ الرحمن وزیر اعلیٰ تھے، اس وقت پی ایس ڈی پی فنڈ میں جی بی کا حصہ صرف ایک ارب روپے تھا۔ نواز کی حکومت گرنے کے بعد عمران خان وزیر اعظم بنے تو انہوں ںے دس ارب روپے کر دیا، اس وقت حفیظ الرحمن وزیر اعلیٰ تھے۔ جب میں وزیر اعلیٰ بنا تو خان صاحب نے بیس ارب روپے کر دیا۔ ساری ایلوکیشن خان صاحب نے دیا، وفاق میں رجیم چینج کے بعد وفاق نے پی ایس ڈی پی کی مد میں صرف 70 کروڑ روپے رکھے۔ خالد خورشید نے کہا کہ اگر عمران خان دور کے ایلوکیشن سے ہٹ کر ایلوکیشن دکھا دے تو میں سیاست چھوڑ دوں گا۔ ان کا کہنا تھا کہ گلگت بلتستان میں نگران حکومت بن چکی، لوٹوں کا دور ختم ہوا، اب عوامی عدالت انشاء اللہ لوٹوں کو اور ووٹ چوروں کو ان کے کیفرِکردار تک پہنچائے گی۔نگران وزیر اعلیٰ کو نئے منصب کی مبارک باد دیتا ہوں اور امید کرتا ہوں کہ آنے والے الیکشن صاف اور شفاف کروائیں گے اور پی ٹی آئی کو الیکشن میں بھرپور شریک ہونے دینگے اور کسی بھی حلقہ میں کسی طرح کی حکومتی اور ریاستی اداروں کو مداخلت نہیں کرنے دینگے۔
سوئی ناردرن گیس کمپنی کاایل پی جی سلنڈرزپراجیکٹ کےتحت سپلائی کاآغاز