وزیرِاعلیٰ خیبر پختونخوا سہیل آفریدی وزیرِ اعظم شہباز شریف کے شکر گزار کیوں؟
اشاعت کی تاریخ: 16th, October 2025 GMT
وزیرِاعلیٰ خیبر پختون خوا سہیل آفریدی—فائل فوٹو
وزیرِاعلیٰ خیبر پختون خوا سہیل آفریدی کا کہنا ہے کہ وہ وزیرِ اعظم شہباز شریف کے شکر گزار ہیں۔
راولپنڈی میں میڈیا سے گفتگو کرتے ہوئے انہوں نے کہا کہ وزیرِ اعظم میاں شہباز شریف کا شکریہ ادا کرتا ہوں کہ انہوں نے مجھے مبارک باد دی۔
سہیل آفریدی نے کہا کہ گزشتہ روز وفاقی اور پنجاب حکومت کو خط لکھا تھا کہ میں پی بانیٔ پی ٹی آئی سےملاقات کرنا چاہتا ہوں، مگر کوئی جواب ہمیں نہیں ملا۔
وزیرِ اعظم شہباز شریف اور خیبر پختون خوا کے وزیرِ اعلیٰ سہیل آفریدی کے درمیان ٹیلیفونک رابطہ ہوا ہے۔
انہوں نے کہا کہ فون پر گفتگو کے دوران وزیرِ اعظم شہباز شریف کو بتایا کہ کے پی ساڑھے 4 کروڑ عوام کا صوبہ ہے، وزیرِ اعظم سے کہا کہ مجھے اپنے لیڈر سے ملاقات کی اجازت دی جائے، وزیرِ اعظم نے کہا کہ میں پتہ کرتا ہوں پھر آپ کو بتاتا ہوں۔
وزیرِاعلیٰ خیبر پختونخوا سہیل آفریدی نے کہا کہ ہم اپنے لیڈر سے ملاقات کے لیے ہر آئینی و قانونی راستہ اپنائیں گے، ہم نے پہلے بھی آئینی اور قانونی راستہ اختیار کیا، اب بھی کریں گے۔
ان کا کہنا ہے کہ پی ٹی آئی پر الزام لگایا جاتا ہے کہ یہ احتجاجی سیاست کرتے ہیں، جب ہمیں عدالتوں سے انصاف نہ ملے تو پُرامن احتجاج ہمارا حق ہے، پی ٹی آئی نے ہمیشہ پُرامن احتجاج کیا ہے، یہ آپشن اب بھی کھلا ہے۔
سہیل آفریدی کا کہنا ہے کہ ایڈوائزری کونسل بنانی ہو گی تو میں خود بناؤں گا، میں وزیرِ اعلیٰ ہوں، قائدِ اعظم بانیٔ پاکستان ہیں، سب سے پہلے پاکستان ہے، اس کے بعد باقی چیزیں ہیں۔
وزیرِاعلیٰ خیبر پختونخوا نے یہ بھی کہا کہ وزیرِ اعلیٰ بننے کے دن سے بانیٔ پی ٹی آئی کی رہائی کے اقدامات شروع کیے ہیں، صوبائی کابینہ کے لیے بانی سے مشاورت کروں گا، اپنی بھی تجاویز دوں گا۔
.
ذریعہ
ذریعہ: Jang News
کلیدی لفظ: اعظم شہباز شریف سہیل ا فریدی پی ٹی ا ئی وزیر اعلی نے کہا کہ
پڑھیں:
کے پی اسمبلی کا منظور شدہ بلدیاتی حکومت کا نیا ترمیمی بل آئین و قانون سے متصادم ہے، الیکشن کمیشن
الیکشن کمیشن نے خیبر پختونخوا اسمبلی کا منظور شدہ بلدیاتی حکومت کا نیا ترمیمی بل آئین و قانون سے متصادم قرار دے دیا۔
اسلام آباد سے الیکشن کمیشن کے خط کے مطابق خیبر پختونخوا اسمبلی کی جانب سے کی جانے والی ترمیم آئین اور قانون سے متصادم ہے۔
الیکشن کمیشن آف پاکستان کے ایڈیشنل ڈائریکٹر جنرل چوہدری ندیم قاسم کی جانب سے چیف سیکریٹری خیبر پختونخوا کو تحریر کیے گئے خط کے مطابق خیبر پختونخوا اسمبلی نے بلدیاتی حکومت کا نیا ترمیمی بل 6 جولائی کو منظور کیا۔
الیکشن کمیشن کے خط کے مطابق گورنر کے پی نے بلدیاتی حکومت کے نئے ترمیمی بل کی توثیق کر دی ہے، ترمیم کے مطابق ضلع میں ویلیج اور نیبر ہڈ کونسل کی آبادی 30 سے 40 ہزار کے درمیان ہوگی، ترمیم کے مطابق الیکشن کمیشن حکومت سے مشاورت سے کوئی تبدیلی کر سکے گا۔
خط کے مطابق الیکشن ایکٹ اور آئین کے مطابق بلدیاتی حکومتوں کے الیکشن کے لیے حلقہ بندی کرنا الیکشن کمیشن کا اختیار ہے، حلقہ بندی کے معاملے پر حکومت سے مشاورت بھی آئین کی روح کے خلاف ہے۔
الیکشن کمیشن کے خط کے مطابق الیکشن کمیشن کے لیے اس ترمیم کے تحت 30 سے 40 ہزار کی آبادی کے لیے حلقہ بندی کرنا قابل عمل نہیں۔
خط کے متن کے مطابق آئین کے تحت کوئی قانون الیکشن کمیشن کے اختیارات نہیں لے سکتا، اتنی تاخیر سے یہ ترمیم کرنا بظاہر بلدیاتی انتخابات میں تاخیر کا حربہ ہے۔
الیکشن کمیشن کے خط کے مطابق خیبر پختونخوا حکومت اس معاملے پر معاونت کرے تاکہ بلدیاتی انتخابات کا انعقاد کیا جا سکے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی