ہجومی تشدد کے ذریعے دلت خاندان کو ڈرایا جا رہا ہے، راہل گاندھی
اشاعت کی تاریخ: 17th, October 2025 GMT
کانگریس لیڈر نے کہا کہ بی جے پی کی حکومت نے ضلع انتظامیہ کے ذریعے ہری اوم کے اہل خانہ کو ان سے ملاقات نہ کرنے کی دھمکی دی، زبردستی ایک ویڈیو بنایا گیا۔ اسلام ٹائمز۔ کانگریس کے رکن پارلیمنٹ راہل گاندھی آج رائے بریلی کے ہجومی تشدد میں مارے گئے ہری اوم والمیکی کے اہل خانہ سے ملنے فتح پور پہنچے۔ راہل گاندھی نے متاثرہ کے آبائی گاؤں تراب علی کا پوروا میں ہری اوم کے والدین، بھائی اور بہن سے ملاقات کی۔ ملاقات کے دوران راہل گاندھی نے اہل خانہ کو تسلی دی اور انصاف کا یقین دلایا۔ میٹنگ سے باہر نکلتے ہی راہل گاندھی کو میڈیا نے گھیر لیا۔ میڈیا سے خطاب کرتے ہوئے راہل گاندھی نے کہا کہ ہری اوم کے خاندان کو ڈرایا جا رہا ہے، انہیں ان کے گھر تک محدود رکھا جا رہا ہے راہل گاندھی نے کہا کہ بی جے پی کی حکومت نے ضلع انتظامیہ کے ذریعے ہری اوم کے اہل خانہ کو ان سے ملاقات نہ کرنے کی دھمکی دی، زبردستی ایک ویڈیو بنایا گیا۔ ہری اوم کے اہل خانہ نے ملاقات کے دوران یہ معلومات شیئر کیں۔ راہل گاندھی نے کہا کہ گھر والے مجھ سے ملتے ہیں یا نہیں یہ اہم نہیں ہے، اہم بات یہ ہے کہ قصورواروں کے خلاف سخت ترین کارروائی کی جائے۔
درحقیقت جمعہ کی صبح ہری اوم کے بھائی شیوم والمیکی کی طرف سے ایک ویڈیو جاری کیا گیا، جس میں انہوں نے کہا کہ راہل گاندھی کو یہاں سیاست نہیں کرنا چاہیئے۔ ہم حکومت اور اس کے اقدامات سے مطمئن ہیں۔ راہل گاندھی جب ہری اوم کے گھر والوں سے بات کر رہے تھے، ہری اوم کی ماں اچانک رو پڑیں۔ راہل گاندھی نے ان کا ہاتھ پکڑ کر تسلی دی۔ راہل گاندھی نے جب ہری اوم کے والد کی خیریت دریافت کی تو وہ جذباتی ہو گئے اور راہل کے سامنے ہاتھ جوڑ کر رونے لگے۔ راہل گاندھی نے انہیں گلے لگایا اور ہر ممکن مدد کا یقین دلایا۔
راہل گاندھی کے فتح پور دورے اور ہری اوم کے اہل خانہ سے ملنے کی وجہ سے پولیس کی بھاری نفری تعینات تھی۔ راہل گاندھی کے فتح پور دورے سے ایک دن قبل احتجاج کے طور پر شہر بھر میں پوسٹر لگائے گئے تھے۔ راہل گاندھی جمعہ کی صبح دہلی سے خصوصی پرواز سے کانپور ایئرپورٹ پہنچے۔ وہاں سے انہوں نے سڑک کے ذریعے فتح پور کے تراب علی کا پوروا گاؤں کا سفر کیا، جو ہری اوم والمیکی کا آبائی گاؤں ہے۔ ہری اوم والمیکی فتح پور کا رہنے والا تھا۔ 2 اکتوبر کی رات، رائے بریلی کے جمنا پور گاؤں کے قریب، لوگوں نے اسے چور سمجھ کر لاٹھیوں سے مارا، جس سے اس کی موت ہوگئی۔ اس واقعے کی ایک ویڈیو وائرل ہوئی، جس میں ہری اوم کو راہل گاندھی کا نام لیتے ہوئے سنا گیا۔
ذریعہ
ذریعہ: Islam Times
کلیدی لفظ: ہری اوم کے اہل خانہ راہل گاندھی نے ایک ویڈیو نے کہا کہ کے ذریعے فتح پور
پڑھیں:
آزاد کشمیر انتخابات: استحکام پاکستان پارٹی اور مسلم کانفرنس میں انتخابی اتحاد، سیٹ ایڈجسٹمنٹ پر اتفاق
آزاد کشمیر قانون ساز اسمبلی کے انتخابات سے قبل اہم سیاسی پیشرفت سامنے آئی ہے جہاں استحکام پاکستان پارٹی (آئی پی پی) اور آل جموں و کشمیر مسلم کانفرنس نے انتخابی اتحاد اور مختلف حلقوں میں سیٹ ایڈجسٹمنٹ کے اصولی فارمولے پر اتفاق کر لیا ہے۔
یہ بھی پڑھیں: آزاد کشمیر میں انتخابی عمل سبوتاژ کرنے کی کوششیں ناکام بنائیں گے، چیف الیکشن کمشنر کا واضح پیغام
یہ اتفاق رائے استحکام پاکستان پارٹی آزاد کشمیر کے صدر اور سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان ملاقات کے دوران ہوا۔
ملاقات میں آزاد کشمیر کی مجموعی سیاسی صورتحال، آئندہ قانون ساز اسمبلی کے انتخابات اور دونوں جماعتوں کے درمیان انتخابی تعاون پر تفصیلی تبادلہ خیال کیا گیا۔
دونوں رہنماؤں نے مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی جبکہ انتخابات کے بعد بھی مشترکہ حکمت عملی کے تحت آگے بڑھنے پر اتفاق کیا گیا۔
مزید پڑھیے: تنویر الیاس کے قافلے پر حملہ، وزیراعظم آزاد کشمیر فیصل ممتاز راٹھور کی شدید مذمت
ملاقات میں فیصلہ کیا گیا کہ دونوں جماعتوں کی مشترکہ رابطہ کمیٹی جلد مختلف حلقوں میں امیدواروں کی حمایت اور سیٹ ایڈجسٹمنٹ سے متعلق حتمی اعلان کرے گی۔
سیاسی مبصرین کے مطابق اس اتحاد کو آزاد کشمیر کے انتخابات میں ایک اہم پیشرفت قرار دیا جا رہا ہے کیونکہ دونوں جماعتیں مشترکہ حکمت عملی کے ذریعے انتخابی میدان میں اپنا اثر و رسوخ بڑھانے کی کوشش کر رہی ہیں۔
مزید پڑھیں: آزاد کشمیر میں آئندہ حکومت استحکام پاکستان پارٹی کی ہوگی، تنویر الیاس کا دعویٰ
ملاقات کے موقع پر سابق معاون خصوصی سردار امتیاز شاہین، مسلم کانفرنس یوتھ ونگ کے چیئرمین سردار عثمان عتیق، کھائیگلہ پونچھ سے مسلم کانفرنس کے نامزد امیدوار ڈاکٹر عرفان اشرف، سابق امیدوار اسمبلی سردار منظور ایڈووکیٹ، سابق ڈی جی ہیلتھ سردار محمود خان، پولیٹیکل ایڈوائزر سردار افتخار رشید، ممبر میونسپل کارپوریشن باغ سردار شجاع منگول ایڈووکیٹ، سابق پولیٹیکل سیکرٹری سردار شبریز صابر، پیر عبدالقادر، سردار عفان عتیق، راجہ عبدالجبار اور اسٹاف آفیسر سردار حفیظ خان بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آل جموں و کشمیر مسلم کانفرنس کے صدر و سابق وزیراعظم سردار عتیق احمد خان استحکام پاکستان پارٹی آزاد کشمیر تنویر الیاس اور سرادر عتیق احمد کی ملاقات سابق وزیراعظم سردار تنویر الیاس خان
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا