پنجاب بھر میں دفعہ 144 نافذ، 7 روز کی توسیع
اشاعت کی تاریخ: 18th, October 2025 GMT
حکومتِ پنجاب نے سیکیورٹی خدشات اور امن و امان کی صورتحال کے پیشِ نظر صوبے بھر میں دفعہ 144 کے نفاذ میں مزید 7 روز کی توسیع کر دی ہے۔ اب یہ پابندیاں24 اکتوبر 2025 تک برقرار رہیں گی۔
محکمہ داخلہ پنجاب کی جانب سے جاری کردہ نوٹیفکیشن کے مطابق، اس دوران کسی بھی قسم کے احتجاج، جلسے، ریلی، دھرنے یا عوامی اجتماعات کی اجازت نہیں ہوگی۔ چار یا اس سے زائد افراد کا کسی عوامی مقام پر جمع ہونا ممنوع قرار دیا گیا ہے۔
پابندیوں کی تفصیل:ہر قسم کےاسلحے کی نمائش پر مکمل پابندی ہوگی۔لاوڈ اسپیکر صرف اذان اور جمعے کے خطبے کے لیے استعمال کیے جا سکیں گے۔اشتعال انگیز، نفرت انگیز اور فرقہ وارانہ مواد کی اشاعت یا تقسیم پر سخت پابندی عائد کی گئی ہے۔
محکمہ داخلہ کے ترجمان کے مطابق، یہ اقدام دہشت گردی کے ممکنہ خطرات اور امن عامہ کی صورتحال کو مدنظر رکھتے ہوئے کیا گیا ہے۔ ان کا کہنا تھا کہ عوامی احتجاج یا ریلیاں بعض اوقات شرپسند عناصر کے لیےسافٹ ٹارگٹ بن جاتی ہیں، جنہیں وہ ریاست مخالف سرگرمیوں کے لیے استعمال کر سکتے ہیں۔
کون مستثنیٰ ہوگا؟
شادیوں، جنازوں یا تدفین پر لاگو نہیں ہوں گی۔سرکاری فرائض انجام دینے والے اہلکاروں اور عدالتوں کو بھی استثنیٰ حاصل ہوگا۔
کابینہ کمیٹی برائے امن و امان کے 38ویں اجلاس میں اس توسیع کی سفارش کی گئی تھی۔ محکمہ داخلہ نے متعلقہ اداروں کو ہدایت دی ہے کہ عوام کو پابندیوں کے بارے میں بھرپور انداز میں آگاہ کیا جائے تاکہ کسی بھی ناخوشگوار صورتحال سے بچا جا سکے۔
ذریعہ: Daily Mumtaz
پڑھیں:
وفاقی دارالحکومت میں2 ماہ کیلئے دفعہ 144 نافذ کردی گئی
اسلام آباد(نیوزڈیسک) ڈسٹرکٹ مجسٹریٹ کی جانب سے جاری ایک نوٹیفکیشن کے مطابق اسلام آباد کیپیٹل ٹیریٹری میں دو ماہ کے لیے دفعہ 144 نافذ کر دی گئی ہے۔
فوج داری ضابطۂ کارروائی (کریمنل پروسیجر کوڈ) کی دفعہ 144 ایک قانونی شق ہے جو ضلعی انتظامیہ کو یہ اختیار دیتی ہے کہ وہ کسی مخصوص علاقے میں ایک مقررہ مدت کے لیے چار یا اس سے زیادہ افراد کے اجتماع پر پابندی عائد کر سکے۔
نوٹیفکیشن، جو 18 نومبر کی تاریخ کا ہے اور ڈان نیوز کے پاس موجود ہے، کے مطابق یہ حکم اس وجہ سے نافذ کیا گیا کہ “معاشرے کے بعض طبقات اسلام آباد کیپیٹل ٹیریٹری کے دائرہ اختیار میں غیر قانونی اجتماعات منعقد کرنے کا ارادہ رکھتے ہیں۔”
نوٹیفکیشن میں یہ واضح نہیں کیا گیا کہ کون سے غیر قانونی اجتماعات متوقع تھے۔
حکم کے مطابق اسلام آباد ضلع کی ریونیو حدود، بشمول ریڈ زون، میں ہر قسم کے پانچ یا اس سے زیادہ افراد کے اجتماع، جلوس، ریلیوں اور مظاہروں پر پابندی عائد کر دی گئی ہے۔
نوٹیفکیشن میں مزید کہا گیا ہے کہ “امنِ عامہ، سکون اور قانون و نظم و ضبط کی بحالی کے لیے اس قسم کی غیر قانونی سرگرمیوں پر قابو پانا ضروری ہے۔”
نوٹیفکیشن کے مطابق یہ حکم فوری طور پر نافذ العمل ہوگا اور دو ماہ تک نافذ رہے گا، اور یہ حکم 18 جنوری 2026 کو ختم کر دیا جائے گا۔
کراچی، وکلاء کی وزیراعلیٰ ہاؤس کی جانب ریلی، پولیس سے جھڑپ