پاکستان کے خلاف کوئی بھی جارحیت کرے تو ہم پاک فوج کے ساتھ کھڑے ہوں گے، سہیل آفریدی
اشاعت کی تاریخ: 19th, October 2025 GMT
وزیراعلیٰ خیبرپختونخوا سہیل آفریدی نے کہا ہے کہ افغانستان سمیت جو بھی پاکستان پر حملہ کرے گا اس کو جواب ملے گا۔
وزیراعلیٰ خیبرپختونخوا سہیل آفریدی نے اتوار کو پشاور میں صحافیوں سے غیر رسمی گفتگو کرتے پاکستان کی مسلح افواج کے لیے صوبائی حکومت کی غیر متزلزل حمایت کا اعادہ کیا۔
انہوں نے کہا کہ پاکستان کے خلاف کوئی بھی جارحیت کرے تو ہم پاک فوج کے ساتھ کھڑے ہونگے، صوبے سے 8 لاکھ افغان مہاجرین واپس گئے اور 12 لاکھ مہاجرین اب بھی ہیں جن کو باعزت بھجوائیں گے۔
وزیراعلی خیبر پختونخوا سہیل آفریدی نے صحافیوں سےغیر رسمی بات چیت کرتے ہوئے کہا کہ یہ صوبہ ہم سب کا ہے اور گذشتہ حکومت میں وہ میڈیا کے محاذ پر تھوڑے کمزور تھے تاہم جو غلطیاں ہوں ان پر تنقید ضرور کریں لیکن صوبہ کو نقصان نہ پہنچے۔
وزیراعلی نے کہا کہ انہیں کسی کے خلاف نہیں اتارا گیا، ہم تو قانون کی حکمرانی چاہتے ہیں، عدالتوں میں جنگ لڑرہے ہیں، انصاف نہ ملا تو احتجاج ہی کرینگے۔
وزیر اعلی نے پاک افغان حالیہ صورتحال پر تبصرہ کرتے ہوئے کہا کہ افغانستان سمیت جو بھی حملہ کرے گا اس کو جواب ملے گا، کے پی سے 8 لاکھ افغان مہاجرین واپس گئے، صوبے میں 12 لاکھ مہاجرین اب بھی موجود ہیں انہیں باعزت طریقے سے بھجوایا جائیگا، افغان مہاجرین کی واپسی کاعمل تیز کرنے کے لیے تھری فور ونڈو آپریشن کیا جائے گا۔
ایک سوال کے جواب میں وزیر اعلی کا کہنا تھا کہ وہ حکومت چلانے نہیں تبدیلی کے لیے آئے ہیں اور بانی پی ٹی آئی سے ملاقات کا وقت نہ ملا تو مشاورت سے کابینہ کی تشکیل کی جائے گی تاہم چیف سیکرٹری اور آئی جی فی الحال یہی رہیں گے اور انکی تمام توجہ امن وامان ترقیاتی کاموں اور گڈ گورننس پر ہے۔
وزیراعلیٰ کے پی نے کہا کہ کابینہ کے اہل اور نا اہل ارکان کے بارے میں بانی کو بتاؤنگا جبکہ بانی پی ٹی آئی نے صرف مزمل اسلم کو کابینہ کے لیے کںفرم کیا ہے، بحثیت ورکر پارٹی تنظیم اور وزیراعلی کے طور پر صرف بانی کو جوابدہ ہوں۔
وزیراعلی خیبر پختونخوا نے کہا کہ ایڈوائزری کونسل کے قیام کی بات نہ تو پارٹی میں ہوئی نہ کسی نے بات کی اور سول پاورز ایکشن ان ایڈ کے خاتمے کا فیصلہ کابینہ کے پہلے اجلاس میں کیا جائے گا۔
ذریعہ
ذریعہ: Daily Mumtaz
کلیدی لفظ: سہیل ا فریدی نے کہا کہ کے لیے
پڑھیں:
امریکا، اسرائیل کو جارحیت کے دوران ایرانی فضائی دفاع نے بھاری نقصان پہنچایا، ایرانی کمانڈر
ایران کی ایئرڈیفنس کے جوائنٹ ہیڈکوارٹرز کے کمانڈر بریگیڈیئر جنرل علی رضا الہامی نے کہا ہے کہ امریکا اور اسرائیل کو جنگ بندی سے قبل جارحیت کے دوران فضائی جنگی صلاحیت اور آلات کو بڑا نقصان پہنچایا۔
ایرانی میڈیا کی رپورٹ کے مطابق بریگیڈیئر جنرل علی رضا الہامی نے ایک انٹرویو میں کہا کہ امریکا اور اسرائیل کو جنگ کے دوران جدید ڈرونز سمیت جنگی آلات کی مد میں کروڑ ڈالر کا نقصان پہنچایا۔
علی رضا الہامی نے کہا کہ امریکا اور اسرائیل کو پہنچنے والے نقصانات سے انہیں ایران کے اندر اپنے اہداف کی نشان دہی اور نشانہ بنانے کی صلاحیت پر بدترین اثر پڑا اور اس کے نتیجے میں فضائی کارروائی کی صلاحیت محدود ہوگئی۔
انہوں نے کہا کہ ایران نے منفرد اور مؤثر جواب کے لیے ڈسپرشن، الیکٹرونک ڈسپشن اور درست نشانہ پر حملوں جیسی ذہین حکمت عملیوں کا استعمال کیا گیا، دشمن کے فضائی حملوں کے اثرات کو نمایاں طور پر کم کر دیا اور اس کی ڈرون صلاحیتوں کو بھی کمزور کر دیا۔
کمانڈر نے کہا کہ ایرانی ایئرڈیفنس نے امریکا اور اسرائیل کے ایئرکرافٹ، ایم کیو-9 ریپر، ہرمیس 900، آربیٹر، لیوکاس اور ہیرمس 450 اور جنگی لڑاکا طیاروں کی فلیٹ کا مقابلہ کرنے کے لیے ریڈار ڈیٹا پروسیسنگ اور دیگر ٹیکنالوجی کا استعمال کیا، دشمن کو اپنے فائر پاور اور جدید ٹیکنالوجی پر انحصار تھا۔
علی رضا الہامی نے کہا کہ ایران کے جدید اور مربوط فضائی دفاعی نیٹ ورک نے حملہ آور دشمنوں کی فضائی قوت کو ایسا بھاری نقصان پہنچایا جو فضائی جنگوں کی تاریخ کے بدترین نقصانات میں شمار ہوتے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ