سری لنکا کے سیلاب متاثرین کے لیے امدادی سامان روانہ، مشکل کی گھڑی میں ساتھ کھڑے ہیں، وزیراعظم
اشاعت کی تاریخ: 2nd, December 2025 GMT
پاکستان نے تباہ کن طوفان اور شدید سیلاب سے متاثرہ سری لنکا کے عوام کی مدد کے لیے فوری اقدام کیا ہے۔
نیشنل ڈیزاسٹر مینجمنٹ اتھارٹی (این ڈی ایم اے) نے 200 ٹن امدادی سامان بحری جہاز کے ذریعے سری لنکا روانہ کردیا ہے جبکہ متاثرین کے لیے امدادی کارروائیاں بلا تعطل جاری ہیں۔
مزید پڑھیں: سری لنکا کے لیے پاکستان کی انسانی امداد تاخیر کا شکار، بھارت کی جزوی کلیئرنس غیر مؤثر
این ڈی ایم اے کے اسلام آباد میں قائم گودام پر سامان روانگی کی تقریب منعقد ہوئی، جس میں وزیر مملکت برائے خزانہ اظہر بلال کیانی اور سری لنکن ہائی کمشنر نے شرکت کی۔
وزیر مملکت اظہر کیانی نے کہاکہ سری لنکا کے متاثرین کی مدد کے لیے ہر ممکن کوشش کی جا رہی ہے اور این ڈی ایم اے ہر وقت آفات کے تباہ کن اثرات سے نمٹنے کے لیے سرگرم ہے۔
سری لنکن ہائی کمشنر نے فوری امداد فراہم کرنے پر پاکستانی حکومت اور عوام کا شکریہ ادا کیا۔
پاکستان کی جانب سے سمندری راستے بھیجے گئے امدادی سامان کو سری لنکا پہنچنے میں قریباً 8 دن لگیں گے۔ امدادی پیکج میں خیمے، کمبل، رضائیاں، لائف جیکٹس، کشتیاں، پمپس، راشن اور ادویات شامل ہیں۔
دوسری جانب وزیراعظم شہباز شریف کی زیر صدارت سری لنکا میں سمندری طوفان سے متاثرہ علاقوں میں پاکستان کی جانب سے امدادی کاروائیوں پر جائزہ اجلاس ہوا۔
وزیراعظم نے اجلاس میں گفتگو کرتے ہوئے کہاکہ مشکل کی اس گھڑی میں سری لنکا کی حکومت اور عوام کے ساتھ کھڑے ہیں۔
وزیراعظم نے سری لنکا میں امدادی کاروائیوں کےحوالے سے متعلقہ اداروں کو بھرپور معاونت کی ہدایت کی۔
انہوں نے کہاکہ سرچ اینڈ ریسکیو مرحلے کے بعد پاکستان متاثرہ علاقوں کی بحالی اور تعمیر نو میں بھی بھرپور کردار ادا کرے گا۔
دریں اثنا وزیراعظم شہباز شریف کو آج شام ڈیموکریٹک سوشلسٹ ریپبلک آف سری لنکا کے صدر انورا کمارا ڈسانائیکے نے ٹیلی فون کیا۔
وزیراعظم نے سری لنکا میں سمندری طوفان دتوا سے ہونے والے تباہ کن جانی نقصان اور بڑے پیمانے پر ہونے والی تباہی پر اپنے گہرے دکھ کا اظہار کیا۔
وزیراعظم نے ان مشکل حالات میں امدادی کارروائیوں پر سری لنکا کے حکام، فوج اور ریسکیو ٹیموں کے فوری ردعمل کو سراہا۔
وزیراعظم نے سری لنکا کے صدر کو آگاہ کیا کہ پاکستان سری لنکا کی عوام کی مدد کے لیے فوری طور پر انسانی بنیادوں پر امداد بھیج رہا ہے تاکہ اس قدرتی آفت سے ہونے والی تباہی سے نکلنے میں مدد مل سکے۔
سری لنکن صدر نے اس مشکل وقت میں سری لنکن قوم کے ساتھ اظہار یکجہتی کے ساتھ ساتھ فراخدلانہ انسانی امداد کی فراہمی پر وزیراعظم کا شکریہ ادا کیا۔
مزید پڑھیں: پاک بحریہ کی جانب سے سری لنکا میں امدادی کارروائیاں جاری
انہوں نے اس بات کو سراہا کہ پاکستان ان اولین ممالک میں شامل ہے جنہوں نے سمندری طوفان کے تناظر میں امدادی کارروائیوں میں حصہ لیا۔
اپنی گزشتہ ملاقاتوں کا ذکر کرتے ہوئے، دونوں رہنماؤں نے تمام شعبوں میں دوطرفہ تعاون کو مزید بہتر بنانے کے لیے اپنے مشترکہ عزم کا بھی اظہار کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امدادی سامان روانہ پاکستان سری لنکا سری لنکن صدر شہباز شریف وزیراعظم پاکستان وی نیوز.
ذریعہ
ذریعہ: WE News
کلیدی لفظ: امدادی سامان روانہ پاکستان سری لنکا شہباز شریف وزیراعظم پاکستان وی نیوز سری لنکا میں سری لنکا کے کے لیے
پڑھیں:
مردان قتل کیس: ملزمان مغوی بچوں کو چارسدہ روڈ پر چھوڑ کر فرار، تحقیقات جاری
مردان میں خاتون سمیت 3 افراد کے بہیمانہ قتل کے مقدمے میں اہم پیشرفت سامنے آئی ہے، جہاں واردات کے بعد مقتولین کے 2 بچوں کو ساتھ لے جانے والے ملزمان بچوں کو چارسدہ روڈ پر چھوڑ کر فرار ہو گئے۔
میڈیا رپورٹس کے مطابق مردان کے علاقے شیخ ملتون میں گزشتہ روز پیش آنے والے افسوسناک واقعے میں مسلح ملزمان نے خاتون سمیت 3 افراد کو قتل کر دیا تھا۔ واردات کے بعد ملزمان مقتولین کے 2 کمسن بچوں اور گاڑی کو بھی اپنے ساتھ لے گئے تھے، جس پر علاقے میں شدید خوف و ہراس پھیل گیا تھا۔
یہ بھی پڑھیں:مردان، خواجہ سرا کو چھری کے وار سے قتل کردیا گیا
پولیس حکام کا کہنا ہے کہ بعد ازاں ملزمان دونوں بچوں کو چارسدہ روڈ پر چھوڑ کر نامعلوم مقام کی جانب فرار ہو گئے۔ بچوں کے محفوظ مل جانے پر اہل خانہ نے اطمینان کا اظہار کیا ہے، تاہم ملزمان تاحال قانون کی گرفت میں نہیں آ سکے۔
پولیس کے مطابق واقعے کے مختلف پہلوؤں سے تحقیقات کی جا رہی ہیں اور ملزمان کی گرفتاری کے لیے سرچ آپریشن اور چھاپوں کا سلسلہ جاری ہے۔ تفتیشی ٹیمیں شواہد اکٹھے کرنے کے ساتھ ساتھ ملزمان کے فرار کے راستوں کا بھی سراغ لگا رہی ہیں۔
یہ بھی پڑھیں:پشاور: 8 سالہ بچی مبینہ زیادتی کے بعد قتل، لاش ہمسائے کے صندوق سے برآمد
حکام کا کہنا ہے کہ قتل کی اس واردات کے محرکات اور پس منظر کا جائزہ لیا جا رہا ہے جبکہ واقعے میں استعمال ہونے والی گاڑی اور دیگر شواہد کی مدد سے ملزمان تک پہنچنے کی کوشش کی جا رہی ہے۔ پولیس نے امید ظاہر کی ہے کہ جدید تفتیشی ذرائع اور دستیاب شواہد کی مدد سے ملزمان کو جلد گرفتار کر لیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
قتل مردان
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ