اساتذہ قوم کے معمار ، رہنما اورسماجی تبدیلی کے علمبردار ہیں،الطاف حسین
اشاعت کی تاریخ: 20th, October 2025 GMT
data-id="863a0a8" data-element_type="widget" data-widget_type="theme-post-content.default">
251020-11-11
ٹنڈوآدم ( نمائندہ جسارت ) اساتذہ قوم کے معمار ، رہنما اور سماجی تبدیلی کے علمبردار ہیں۔ وہ نئی نسل کے دلوں میں ایمان، علم اور کردار کی روشنی پیدا کرکے ملک و ملت کے مستقبل کو سنوارتے ہیں اور قوم میں شاہین صفت نوجوان تیار کرتے ہیں جو ملک و قوم اور دفاع وطن کیلئے اپنی خدمات پیش کرتے ہیں۔ان خیالات کا اظہار مرکزی صدر تنظیم اساتذہ پاکستان ڈاکٹر الطاف حسین لنگڑیال نے تنظیم اساتذہ پاکستان صوبہ سندھ کے تحت ایس ایس ٹی پبلک اسکول راشد آباد ٹنڈوالہیار میں دو روزہ سندھ تعلیمی کانفرنس کے شرکاء سے اختتامی خطاب میں کیا۔ ڈاکٹر الطاف حسین لنگڑیال نے کہا کہ تنظیم اساتذہ پاکستان 1969 میں اسی مقصد کے ساتھ وجود میں آئی کہ ملک میں ایسا نظام تعلیم رائج کیا جائے جو اسلامی نظریہ حیات اور تربیت نبوی صلی اللہ علیہ وآلہ وسلم کے منہج پر مبنی ہو انہوں نے مزید کہا کہ تنظیم اساتذہ پاکستان محض ایک تنظیم نہیں بلکہ ایک تحریک تربیت و تعمیر ملت ہے، جو تعلیم کے ذریعے ایک باکردار، با اخلاق اور خدمت گذار معاشرہ تشکیل دینا چاہتی ہے ڈاکٹر الطاف حسین لنگڑیال نے کانفرنس شرکاء سے کہا کہ تنظیم اساتذہ پاکستان ملک بھر میں اساتذہ کے حقوق کے تحفظ ، عزت و وقار کے فروغ اور اسلامی نظام تعلیم کے قیام کے لیے سرگرم عمل ہے۔ انہوں نے صوبائی ذمہ داران اور کانفرنس کے منتظمین کو شاندار و کامیاب دو روزہ تعلیمی کانفرنس منعقد کرنے پر مبارک باد دی۔ *سابق صدر تنظیم اساتذہ پاکستان* و چیئرمین آفاق پاکستان ڈاکٹر میاں محمد اکرم نے کانفرنس شرکاء سے خطاب کرتے ہوئے کہا آج ہماری قوم کو سب سے بڑا تہذیبی اور فکری چیلنج درپیش ہے۔ مغربی افکار، مادیت اور ثقافتی یلغار نے ہماری نوجوان نسل کی فکری سمت کو متاثر کیا ہے۔انہوں نے کہا کہ ضرورت اس امر کی ہے کہ دینی ، اخلاقی اور قومی تعلیم کو فروغ دے کر طلبہ و طالبات میں اپنی تہذیبی شناخت اور اسلامی اقدار کا شعور بیدار کیا جائے۔ کانفرنس سے ماہر تعلیم، و چیئرمین مجلس فکر تنظیم اساتذہ پاکستان راؤ جلیل احمد نے شرکاء سے خطاب کرتے ہوئے کہا علامہ اقبال صرف ایک شاعر یا مفکر نہیں بلکہ ایک بیداری کا پیغام اور عملی زندگی کا منشور تھے۔
ذریعہ: Jasarat News
کلیدی لفظ: تنظیم اساتذہ پاکستان الطاف حسین شرکاء سے کہا کہ
پڑھیں:
حکومت و فوج کیخلاف اور کالعدم تنظیم کے حق میں سوشل میڈیا پوسٹس کرنا پولیس اہلکار کو مہنگا پڑ گیا
لاہور(ویب ڈیسک)پنجاب حکومت و پاک فوج کےخلاف اور کالعدم تنظیم کے حق میں سوشل میڈیا پر پوسٹیں اپ لوڈ کرنا پولیس اہلکار کو مہنگا پڑ گیا۔
سماجی رابطوں کی ویب سائٹ پر ملکی مفاد کے خلاف پوسٹس کرنے پر پولیس اہل کار کے خلاف مقدمہ درج کرلیا گیا ہے۔ ایف آئی آر کے مطابق سوشل میڈیا پرعقیل نورکے اکاؤنٹ سے پنجاب حکومت اور پاک فوج کے خلاف جب کہ ایک کالعدم تنظیم کے حق میں مختلف پوسٹیں اپ لوڈ کی گئیں۔
مقدمے میں مزید کہا گیاہے کہ پولیس کی جانب سے اکاؤنٹ کی تحقیقات کی گئیں تو معلوم ہوا کہ اکاؤنٹ محمد عقیل نور کانسٹیبل کا ہے اور وہ کافی عرصہ سے پوسٹیں سوشل میڈیا پر اپ لوڈ کررہا ہے، جو ایس ڈی پی او مسلم ٹاؤن کے دفتر میں کمپیوٹر آپریٹر تعینات ہے۔
تھانہ گلشن اقبال میں کانسٹیبل عقیل نور کے خلاف 155Cکے تحت مقدمہ درج کرکے تحقیقات شروع کر دی گئی ہیں۔
اسلام آباد :وزیر پیٹرولیم علی پرویز ملک سے کویت کے سفیر نصر عبدالرحمن جاصر المطیری ملاقات کررہے ہیں