نائیجیریا میں آئل ٹینکر پھٹ گیا، 39 افراد ہلاک
اشاعت کی تاریخ: 22nd, October 2025 GMT
افریقی ملک نائجیریا میں آئل ٹینکر اچانک دھماکے سے پھٹ گیا جس کے نتیجے میں کم از کم 39 افراد ہلاک ہو گئے۔
برطانوی خبر رساں ادارے بی بی سی کے مطابق یہ حادثہ نائیجریا کی وسطی ریاست نائجز میں پیش آیا جس میں کم از کم 39 افراد ہلاک ہوئے جب کہ 60 شدید جھلس کر زخمی ہو گئے۔
رپورٹ میں بتایا گیا ہے کہ آئل ٹینکر ڈرائیور سے بے قابو ہو کر سڑک پر الٹ گیا اور اس میں سے آئل نکل کر بہنے لگا۔ یہ دیکھ کر اردگرد کے لوگ وہاں جمع ہو گئے اور تیل اکٹھا کرنے پہنچے ہی تھے کہ اچانک آئل ٹینکر تیز دھماکے سے پھٹ گیا اور ٹینکر سمیت جہاں جہاں تیل پھیلا تھا، وہاں آگ لگ گئی۔
آگ نے قریب کھڑے افراد کو بھی اپنے گھیرے میں لے لیا اور اسپتال حکام کے مطابق کئی لاشیں ناقابل شناخت ہیں جب کہ زخمیوں میں سے متعدد افراد کی حالت تشویشناک ہے، جس کی وجہ سے اموات میں اضافہ ہو سکتا ہے۔
نائجر ریاست کے گورنر محمد عمرو باگو نے اس واقعے کو “تشویشناک، بدقسمتی اور افسوسناک” قرار دیتے ہوئے مرنے والے افراد لواحقین سے تعزیت اور گہرے دکھ کا اظہار کیا ہے۔۔
نائجیریا میں سڑکوں کی حالت انتہائی خستہ حال ہے، جس کے باعث یہاں گاڑیوں کا سلپ ہونا معمول بن چکا ہے اور یہ حادثہ بھی خراب سڑک کے باعث پیش آیا ہے۔
واضح رہے کہ رواں برس جنوری میں پٹرول سے لدا ٹرک الٹ گیا تھا جس کے نتیجے میں 86 افراد ہلاک اور 70 سے زائد زخمی ہوئے تھے۔ جب کہ گزشتہ سال اکتوبر میں میں آئل ٹینکر دھماکے سے پھٹ گیا تھا جس میں 153 افراد اپنی جان سے گئے تھے۔
.
ذریعہ
ذریعہ: Al Qamar Online
کلیدی لفظ: افراد ہلاک ا ئل ٹینکر پھٹ گیا
پڑھیں:
مستونگ میں نامعلوم افراد کی فائرنگ سے سیشن جج عبد الحکیم کاکڑ جاں بحق
ولی خان کے علاقے میں نامعلوم افراد نے سیشن جج کی گاڑی پر فائرنگ کردی۔ڈی پی او اللہ بخش بلوچ کے مطابق فائرنگ سے سیشن جج عبدالحکیم کاکڑ اور ان کا گن مین جاں بحق ہوگئے جبکہ ایڈیشنل سیشن جج طارق لاشاری سمیت 2 افراد شدید زخمی ہیں۔ڈی پی او کا بتانا ہے کہ سیشن جج اور ایڈیشنل سیشن جج کوئٹہ سے سیشن کورٹ مستونگ آرہے تھے، واقعے کے بعد علاقے کی ناکہ بندی کردی گئی ہے۔
پاکستان نے ورلڈ کپ 2028 کیلیے براہ راست کوالیفائی کر لیا