راولپنڈی کے ایسے جیولرز جو آج بھی اپنے گاہکوں کو سستا سونا دے رہے ہیں
اشاعت کی تاریخ: 23rd, October 2025 GMT
کچھ دن پہلے کی بات ہے، امی کے پاس بیٹھی تھی کہ سونے کی بڑھتی قیمتوں پر بات شروع ہوئی، باتوں باتوں میں امی نے بتایا کہ آج سے کئی دہائیاں پہلے پاکستان میں سونا مہنگا ہونے کے باوجود من مرضی کے زیور بن ہی جاتے تھے۔ پھر دیکھتے ہی دیکھتے یہ اتنا مہنگا ہو گیا کہ اب شاید ہی متوسط طبقے کی کوئی خاتون اپنا پسندیدہ زیور آسانی سے خرید سکے۔
امی کی باتوں کے بعد میں نے سونے کی بڑھتی قیمتوں پر تحقیق کی تو پتا چلا کہ پاکستان میں ایک سال میں سونے کی قیمت دگنی ہو گئی ہے۔
اور اس وقت پاکستان میں فی تولہ سونا 4 لاکھ 44 ہزار روپے اور 10 گرام سونا 3 لاکھ 81 ہزار 430 روپے میں فروخت ہو رہا ہے۔
اگر ستمبر 2024 کا موازنہ کیا جائے، تو اس وقت فی تولہ سونا 2 لاکھ 66 ہزار روپے تھا۔ یعنی صرف ایک سال میں قیمت تقریباً دو گنا بڑھ چکی ہے۔
یہ اضافہ اس متوسط طبقے کے لیے تباہ کن ثابت ہو رہا ہے جس کی آمدنی اتنی تیزی سے نہیں بڑھی۔
قیمتوں کا جائزہ لینے کے دوران کسی نے مجھے بتایا کہ سونے کی اتنی زیادہ مہنگائی کے باوجود کچھ جیولرز آج بھی اپنے گاہکوں کو مارکیٹ ریٹ سے کم پر زیورات دینے کے لیے رستے نکال لیتے ہیں۔
یہ جاننے کے لیے میں نے راولپنڈی کے صرافہ بازار کا رخ کیا۔ جہاں ایک جیولر محمد عدنان نے مجھے بتایا کہ سونے کی قیمت بڑھنے کے بعد جیولرز کے لیے بھی مشکلات شروع ہو گئیں ہیں، کیونکہ بازار میں سونے کے خریدار کم ہو گئے ہیں۔
’اس صورتِ حال کو مد نظر رکھتے ہوئے ہم نے گاہکوں کو کچھ ریلیف دینے کا فیصلہ کیا اور انہیں ہول سیل ریٹ پر سونا فروخت کرنا شروع کر دیا۔ بناوٹ کے چارجز جو جیولرز لیتے ہیں، وہ بھی ختم کر دیے۔ اور اب ہم مارکیٹ ریٹ سے تقریباً 25 فیصد کم قیمت پر سونا فروخت کر رہے ہیں۔‘
’ ہم نے سوچا کہ اگر منافع کم بھی ہو، مگر گاہک واپس آ جائیں تو کاروبار زندہ رہے گا۔ اب جہاں 100 روپے کماتے تھے، 50 بھی مل جائیں تو شکر ہے۔‘
عدنان کے مطابق اگر مارکیٹ میں ایک سادہ انگوٹھی 1 لاکھ 20 ہزار روپے میں فروخت ہو رہی ہے تو وہی ان کے ہاں 90 ہزار روپے میں دستیاب ہے۔
اس پالیسی کے بعد ان کے گاہکوں میں نمایاں اضافہ ہوا ہے۔ عدنان کہتے ہیں کہ لوگ کہتے ہیں کہ آپ کے ہاں ریٹ بہتر ہے۔
ایک اور جیولر کے مطابق، راولپنڈی کے صرافہ بازار میں تقریباً 30 فیصد دکاندار اب بناوٹ کے چارجز نہیں لے رہے، تاکہ خریداروں کو کم قیمت پر زیورات مل سکیں اور ان کا کاروبار بھی چلتا رہے۔
’زیادہ نہ سہی منافع کم ہی ہو، مگر ہو تو سہی۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سونا سونا مہنگا سونے کا بلند ریٹ سونے کی قیمت سونے کے زیورات.
ذریعہ
ذریعہ: WE News
کلیدی لفظ: سونا مہنگا سونے کا بلند ریٹ سونے کی قیمت سونے کے زیورات ہزار روپے سونے کی کے لیے
پڑھیں:
بحرین نے اپنے شہریوں کو ایران اور عراق کے سفر سے روک دیا
اپنے ایک جاری بیان میں بحرینی وزارت داخلہ کا کہنا تھا کہ اس حکم کی مخالفت کرنے والوں کیخلاف سخت تادیبی کارروائی انجام دی جائے گی۔ اسلام ٹائمز۔ آج "بحرین" کی وزارت داخلہ نے نام نہاد علاقائی سیکورٹی خدشات کا حوالہ دیتے ہوئے، اپنے شہریوں کو تا حکم ثانوی "ایران" اور "عراق" کے سفر سے روک دیا۔ مذکورہ ملک کی وزارت داخلہ نے کہا کہ اس حکم کی مخالفت کرنے والوں کے خلاف سخت تادیبی کارروائی انجام دی جائے گی۔ بحرین نے الزام لگایا کہ اس نے یہ فیصلہ ایرانی جارحیت کے نتیجے میں پیدا ہونے والی موجودہ سیکیورٹی صورتحال کے پیش نظر کیا۔ جس کا مقصد ملک کی سلامتی کو برقرار رکھنا اور بحرینی شہریوں کی حفاظت کو یقینی بنانا ہے۔ حالانکہ یہ بات روز روشن کی طرح عیاں ہے کہ جنگِ رمضان کے دوران ایران کے خلاف کھلی امریکی و صیہونی جارحیت میں بحرین برابر کا شریک ہے۔ خطے کا سب سے بڑا امریکی اڈہ بھی اسی ملک میں موجود ہے۔ ان اڈوں کے خلاف ایران کی جوابی کاری ضربوں نے بحرین کو شدید متاثر کیا۔ جس کی وجہ سے اُسے اقتصادی مشکلات کا سامنا ہے۔ مزید برآں کہ درست سفارتی فیصلوں کی بجائے "منامہ" اپنی ہٹ دھرمی پر قائم ہے۔ جس سے اُسے مزید سنگین نتائج بھگتنا پڑ سکتے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ