پھینکے ہوئے آلو اب بنیں گے بیوٹی کریم کا خزانہ، سائنسدانوں کی حیران کن تحقیق
اشاعت کی تاریخ: 1st, December 2025 GMT
سائنس اور صحت کی دنیا میں آلو ایک نیا موضوع بن گئے ہیں۔ اس بار یہ نہ تو کھانے کی میز پر دھوم مچا رہے ہیں اور نہ ہی کسی ڈائیٹ پلان میں جگہ بنا رہے ہیں، بلکہ جدید تحقیق بتا رہی ہے کہ بیوٹی انڈسٹری میں انقلاب لانے والا ٹاپ اسکن کیئر اجزا آلو کے پھینکے ہوئے حصوں سے حاصل ہوسکتا ہے۔
اسکاٹ لینڈ کی یونیورسٹی آف ابردین کے سائنسدانوں نے آلو کے اُن پتوں اور ٹہنیوں، جنہیں عام طور پر فصل کی کٹائی کے بعد پھینک دیا جاتا ہے، کو قیمتی اسکن کیئر انگریڈیئنٹس میں بدلنے کا طریقہ ڈھونڈ لیا ہے۔
ان ’’اسکریپ‘‘ حصوں میں سولانیسول نامی کمپاؤنڈ پایا جاتا ہے، جو موجودہ بیوٹی پروڈکٹس میں استعمال ہونے والے Coenzyme Q10 اور Vitamin K2 جیسی اینٹی ایجنگ اور موئسچرائزنگ پروڈکٹس کی تیاری کا بنیادی جز ہے۔
اب تک سولانیسول کا بڑا ذریعہ تمباکو تھا، مگر نئی تحقیق کے مطابق آلو اس کا محفوظ، سستا اور ماحول دوست متبادل بن سکتے ہیں۔ رپورٹس کے مطابق اسکاٹ لینڈ میں آلو کے بیجوں کی کاشت سالانہ 12,800 ہیکٹر سے زائد رقبے پر ہوتی ہے، اور اگر یہی فضلہ استعمال کیا جائے تو بیوٹی انڈسٹری کےلیے یہ ’’گیم چینجر‘‘ ثابت ہوسکتا ہے۔
گریمپین گروورز کی پروجیکٹ لیڈ سوفیا الیکسیو نے اسے ’’آلو کی صنعت کےلیے اہم سنگ میل‘‘ قرار دیا، جبکہ یونیورسٹی کی پروفیسر ہیذر ولسن نے کہا کہ یہ ریسرچ اس بات کی بہترین مثال ہے کہ کس طرح ’’زرعی فضلہ سونے میں بدلا جاسکتا ہے‘‘ اور دیہی معیشت کو بھی فائدہ پہنچایا جاسکتا ہے۔
ٹک ٹاک پر آلو کا میک اپ ٹرینڈ
دلچسپ بات یہ ہے کہ سوشل میڈیا صارفین، خاص طور پر بیوٹی ٹاک کی دنیا، پہلے ہی چہرے پر آلو لگانے کے تجربات میں مصروف ہیں۔
ٹک ٹاک پر صارفین آلو کے ٹکڑے آنکھوں کے نیچے رکھ کر ڈارک سرکلز کم کرنے کا دعویٰ کررہے ہیں۔ کوئی اسے پمپل پیچ کے طور پر استعمال کررہا ہے، تو کوئی آلو رگڑ کر چہرے کے داغ دھبے کم کرنے کا نسخہ بتارہا ہے۔
@monamakeupdollPotato slices for dark circles #skincaretips #fyp
♬ original sound - WHO Magazineایک صارف نے ویڈیو میں کہا ’’آلو آنکھوں کے نیچے کنسیلر کی طرح کام کرتا ہے!‘‘ ایک اور نے دعویٰ کیا ’’ڈارک سرکلز اور اسکارنگ میں فوراً کمی آتی ہے۔‘‘
آلو کھانے کے فائدے بھی کم نہیں۔ غذائیت کے ماہرین کے مطابق آلو خصوصاً شکر قندی میں پائے جانے والے بیٹا کیروٹین اور لائکوپین جلد کی چمک میں اضافہ اور سورج کی شعاعوں سے قدرتی تحفظ فراہم کرتے ہیں۔
@melaniesandford18Potatoes are so great for your skin.
شاید مستقبل میں جھریاں کم کرنے والا سیرم، ڈارک سرکلز ختم کرنے والی کریم یا چمک بڑھانے والا ماسک… سب کچھ آلو سے ہی تیار ہو۔
یوں لگتا ہے کہ ’’فارم ٹو فیس‘‘ کا نیا زمانہ شروع ہونے والا ہے اور اس میں آلو مرکزی کردار نبھانے کےلیے تیار ہے۔
ذریعہ: Express News
کلیدی لفظ: آلو کے
پڑھیں:
جیا بچن کا اپنی نواسی کو شادی سے متعلق حیران کن مشورہ
MUMBAI:جیا بچن بالی ووڈ کی مشہور اداکارہ اور سیاسی رہنما بھی ہیں اور وہ بعض اوقات متنازع بیانات کی وجہ سے بھی خبروں میں رہتی ہیں، چاہے بات فلم انڈسٹری کی ہویا سیاست کی، اور ایسا ہی ایک بیان انہوں نے اپنی نواسی نویا نویل نندا کو شادی سے متعلق مشورے پر دیا ہے۔
بھارتی میڈیا کی رپورٹ کے مطابق جیا بچن نے وی دا ویمن ایونٹ میں انٹرویو کے دوران ایک سوال پر کہا کہ آج کے دور میں شادی کا تصور پرانا ہو چکا ہے اور یہ بھی مشورہ دیا کہ ان کی نواسی نویا نویل نندا، جو ایک ہفتے میں 28 سال کی ہو جائیں گی، کو شادی نہیں کرنی چاہیے۔
انہوں نے کہا کہ آج کی نوجوان خواتین جانتی ہیں کہ بچوں کی پرورش کیسے بہتر طریقے سے کی جائے اور آج کے بچے پہلے سے کہیں زیادہ ذہین ہوتے جا رہے ہیں۔
جیا بچن نے کہا کہ انہیں لگتا ہے کہ شادی ایک پرانا تصور ہے اور وہ نہیں چاہتیں کہ ان کی نواسی نویا نویلی نندا شادی کرے۔
رپورٹ کے مطابق جیا بچن سے جب شادی کی قانونی حیثیت کے بارے میں سوال کیا گیا تو انہوں نے بے فکری سے کہا کہ ’بس زندگی کا مزہ لو‘، اسی دوران ان سے پوچھا گیا کہ اگر ان کی نواسی نویا نندا ان کی طرح شادی کے بعد اپنا کیریئر چھوڑ دیں تو کیا انہیں اعتراض ہو گا تو انہوں نے جواب دیا کہ’میں نہیں چاہتی کہ نویا شادی کرے’۔
جیا بچن سے وضاحت کے لیے پوچھا گیا کہ شادی کو وہ پرانا تصور کیوں سمجھتی ہیں تو انہوں نے دعویٰ کیا کہ آج کے بچے ہر معاملے میں دوسروں سے آگے نکل سکتے ہیں، ان کے لیے شادی کسی میٹھی ڈش کی طرح ہے اور شادی کو دہلی کے لڈو سے تشبیہ دیتے ہوئے کہا کہ ’اگر کھالو تو مشکل میں پڑ جاؤ گے اور اگر نہ کھاؤ تو پچھتاؤ گے‘۔
خیال رہے کہ 27 سالہ نویا نویلی نندا نے آرا ہیلتھ کے نام سے ایک ٹیک پلیٹ فارم کی بنیاد رکھی ہے، وہ جیا بچن اور امیتابھ بچن کی نواسی اور ابھیشک کی بھانجی ہیں، ان کے بھائی اگستیا نندا نے ایک سال قبل اداکاری کی دنیا میں قدم رکھا ہے۔
نویا نویلی نندا کے والد نکھل نندا کا تعلق دہلی سے ہے اور ایک صنعت کار ہیں، نویا نے 2020 میں امریکا سے گریجویشن کی ہے اور بھارت کی ایک یونیورسٹی سے ایم بی اے کر رہی ہیں۔
پاکستان اور سعودی عرب کا پولیس ٹریننگ کے مشترکہ پروگرام پر اتفاق