جمادی الاول کا چاند دیکھنے کے لیے زونل کمیٹیوں کے اجلاس آج ہوں گے
اشاعت کی تاریخ: 23rd, October 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: جمادی الاول 1447 ہجری کے چاند کی رویت کے لیے زونل کمیٹیوں کے اجلاس آج منعقد کیے جائیں گے۔
نجی ٹی وی کی رپورٹ کے مطابق وزارت مذہبی امور کی جانب سے بتایا گیا ہے کہ مرکزی اجلاس وفاقی دارالحکومت میں وزارت کے کوہسار بلاک میں واقع چھت یا کمیٹی روم میں ہوگا، جہاں رویت کے سلسلے میں موصول ہونے والی شہادتوں کا جائزہ لیا جائے گا۔
وزارت کے مطابق چاند کی رویت کے لیے دیگر زونل کمیٹیوں کے اجلاس بھی آج ہی تمام صوبائی دارالحکومتوں، بشمول کراچی، لاہور، پشاور اور کوئٹہ میں بیک وقت منعقد ہوں گے۔ ان اجلاسوں میں مقامی سطح پر موسم کی صورتِ حال اور ممکنہ شہادتوں پر غور کیا جائے گا۔
کمیٹی کے اراکین مغرب کے بعد چاند دیکھنے کا عمل شروع کریں گے اور اگر ملک کے کسی حصے سے قابلِ اعتماد شہادتیں موصول ہوئیں تو جمادی الاول کا آغاز کل سے کیا جائے گا۔ بصورتِ دیگر اسلامی مہینہ مکمل 30 دنوں پر مشتمل ہوگا۔
رویت ہلال کمیٹی کی جانب سے تمام زونل دفاتر کو ہدایت کی گئی ہے کہ وہ شہادتوں کی تصدیق کے لیے جدید ٹیکنالوجی اور ریکارڈنگ کے استعمال کو یقینی بنائیں تاکہ چاند کی رویت کے عمل میں شفافیت برقرار رکھی جا سکے۔
اجلاس کے بعد وزارتِ مذہبی امور کی جانب سے سرکاری اعلامیہ جاری کیا جائے گا، جس میں بتایا جائے گا کہ ملک بھر میں جمادی الاول 1447 ہجری کا آغاز کس تاریخ سے ہوگا۔
.
ذریعہ
ذریعہ: Jasarat News
کلیدی لفظ: جمادی الاول کے اجلاس رویت کے جائے گا کے لیے
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
ٹی20 ورلڈ کپ 2026: پاکستان نے سپر 8 کے لیے جگہ پکی کر لی