جماعت اسلامی کے رہنمائوں کی عبدالعزیز ناغڑ کے انتقال پر تعزیت
اشاعت کی تاریخ: 2nd, December 2025 GMT
data-id="863a0a8" data-element_type="widget" data-widget_type="theme-post-content.default">
حیدرآ باد(اسٹاف رپورٹر)جماعت اسلامی ضلع حیدرآباد کے امیر حافظ طاہر مجید، نائب امیر عبدالقیوم شیخ، ڈپٹی جنرل سیکرٹری عبدالباسط خان اور سلیم خان نے پاکستا ن پیپلز پارٹی یوسی 43کے چیئرمین عبدالعزیز ناغڑ کے انتقال پر ان کے بیٹے عبدالقدیر ناغڑ سے ان کی رہائشگاہ پر تعزیت کی اور افسوس کا اظہار کرتے ہوئے کہا ہے کہ مرحوم عبدالعزیز ناغڑ ایک مخلص عوام دوست رہنما تھے۔ انہوں نے مرحوم کے لیے دعائے مغفرت اور لواحقین کے لیے صبرو جمیل کی دعا بھی کی۔
ذریعہ: Jasarat News
پڑھیں:
کراچی میں املاک پر قبضوں کے خلاف جماعت اسلامی خاموش نہیں رہے گی، امیر جماعت اسلامی
data-id="863a0a8" data-element_type="widget" data-widget_type="theme-post-content.default">
کراچی: امیر جماعت اسلامی کراچی منعم ظفر خان نے کہا ہے کہ کراچی میں املاک پر قبضوں کے خلاف جماعت اسلامی خاموش نہیں رہے گی۔
پریس کانفرنس سے خطاب کرتے ہوئے منعم ظفر خان نے کہا کہ 21-22-23 نومبر کو اجتماع ہوا جس میں کراچی سے چترال تک پیغام پہنچا۔ یہ اجتماع ملک کے محروم طبقات کا ترجمان ثابت ہوا۔ ملک میں اس بات کی ضرورت ہے کہ آئین کی بالادستی قائم ہو۔
انہوں نے کہا کہ بااختیار بلدیاتی نظام بھی ہونا چاہیے۔ بلدیاتی اداروں کو آئینی اورمالیاتی سہولیات بھی میسر ہونا ضروری ہے۔ وڈیرہ شاہی اور ظلم کے خلاف مہم کا آغاز کردیا ہے جو احتجاج دھرنوں کی صورت میں نظر آئے گی۔
منعم ظفر خان کا کہنا تھا کہ 17 سالوں سے سندھ میں تعلیم پر قدغن لگارہی ہے اور تعلیم مکاؤ پالیسی پر کاربند ہے ۔نجکاری کے نام پر سودے بازی کررہی ہے، جامعات کی خود مختاری پر بھی حملہ کیا گیا ۔ پیپلزپارٹی جمہوریت کہتے کہتے نہیں تھکتی مگر جمہوری روایات کی خلاف ورزی جارہی ہے۔ 60 کی دہائی میں اس کا پودا لگا یا گیا اس کا تحفظ کیا جانا چاہیے۔
امیر جماعت اسلامی کراچی نے کہا کہ چند افراد کی خواہش پر اداروں کو تقسیم کرنے کی تیاری کی جارہی ہے ۔ طلبہ کے مستقبل سے کھیلاجاریا ہے۔ من پسند افراد کو نوازنے کے لیے یہ سب کام کیے جا رہے ہیں اور اس میں کسی سے مشاورت تک نہیں کی گئی ۔ بل اسمبلی میں لایا گیا جس کے تحت بیوروکریٹ وائس چانسلر لگ سکتاہے۔
انہوں نے کہا کہ اداروں کی نجکاری پبلک پرائیوٹ پاٹنر شپ کرنا آپ کا کام ہے۔ باوقار ادارے کو خواہشات کی بھینٹ چڑہایاجاریا ہے۔ پاکستان میں 2 کروڑ 62 لاکھ بچے اسکول جانے سے محروم ہیں جن میں 78 لاکھ کی تعداد سندھ کی ہے ۔ تعلیم پر جی ڈی پی کا 0.1 فیصد خرچ کیا جارہاہے۔ طبقات میں تقسیم کرکے غریبوں کے بچوں پر تعلیم کے دروازے پہلے ہی بند کردیے گئے ہیں۔
منعم ظفر خان نے کہا کہ یہ سب کرکے پاکستان کا مستقبل کیسے سنبھلے گا؟ تعلیم کے بغیر ترقی ممکن نہیں۔ 1700 ایکٹر پر مشتمل جامعہ کراچی کا کیا حال کردیا گیا ہے۔ وزیراعلی سندھ کی ذمے داری ہے کہ پوائنٹ بسوں کی تعداد بڑھائی جائے۔ طلبہ میں شعور بیداری پیدا ہونے کا خوف حکومت کو اسٹوڈنٹ یونین کے الیکشن کرانے سے روکتا ہے۔ سندھ حکومت کی تعلیم کے میدان میں عدم دلچسپی کا خمیازہ پورا سندھ بھگت رہا ہے۔
انہوں نے کہا کہ ہم جامعہ کراچی، طلبہ و اساتذہ کے ساتھ ہیں اور سائنس و ٹیکنالوجی کے شعبے کو الگ کرنے کے خلاف ان کا ساتھ دیں گے۔ یہاں پارکوں کو بھی نشانہ بنایا جارہا ہے پبلک پرائیوٹ پاٹنر شپ کے نام پر قبضے کیے جارہے ہیں ۔
انہوں نے کہا کہ گلشن اقبال میں وکلا کے بھیس میں قبضہ کرنے کی کوشش کی گئی مگر جماعت اسلامی کے کارکنان اور اہل علاقہ کی مزاحمت پر وہ بھاگ نکلے۔ کراچی کی عوام کو بیدار ہونا ہوگا ۔ کراچی میں املاک پر قبضوں کے خلاف جماعت اسلامی خاموش نہیں رہے گی۔
وزیراعظم شہباز شریف کل 2روزہ دورے پربحرین جائیں گے