اسٹیٹ بینک کے زرمبادلہ کے ذخائر 14 ملین ڈالر سے تجاوز کرگئے
اشاعت کی تاریخ: 23rd, October 2025 GMT
اسٹیٹ بینک آف پاکستان (ایس بی پی) کے زرمبادلہ کے ذخائر میں معمولی اضافہ ریکارڈ کیا گیا ہے۔
جمعرات کو جاری کردہ اعداد و شمار کے مطابق، 17 اکتوبر 2025 تک مرکزی بینک کے غیر ملکی زرمبادلہ کے ذخائر 14 ملین ڈالر بڑھ کر 14.45 ارب ڈالر کی سطح پر پہنچ گئے۔
یہ بھی پڑھیں: گزشتہ مالی سال میں اسٹیٹ بینک کا خالص منافع کتنا رہا؟ رپورٹ جاری
اسٹیٹ بینک کے اعلامیے میں کہا گیا کہ ہفتہ ختم ہونے تک یعنی 17 اکتوبر تک مجموعی ملکی زرمبادلہ کے ذخائر 19.
FX reserves held by SBP up by US$14mn to US$14.46bn for the week ending Oct 17, 2025. pic.twitter.com/GMgUv4dksb
— Topline Securities Ltd (@toplinesec) October 23, 2025
گزشتہ ہفتے کے دوران بھی ذخائر میں 21 ملین ڈالر کا اضافہ ہوا تھا، جو اس بات کا اشارہ ہے کہ اگرچہ شرحِ اضافہ محدود ہے، تاہم ذخائر میں بتدریج بہتری کا سلسلہ جاری ہے۔
پاکستان کے زرمبادلہ کے ذخائر میں اتار چڑھاؤ گزشتہ کئی ماہ سے جاری ہے۔
مزید پڑھیں: رواں مالی سال میں شرح نمو 4.25 فیصد تک جانے کا امکان، گورنر اسٹیٹ بینک
حکومت اور اسٹیٹ بینک کی جانب سے درآمدات میں اعتدال، ترسیلاتِ زر میں بہتری، اور عالمی مالیاتی اداروں کی جانب سے قسطوں کی وصولی جیسے عوامل ذخائر کو مستحکم رکھنے میں کردار ادا کر رہے ہیں۔
تاہم، بیرونی قرضوں کی ادائیگیوں اور تیل کی بلند قیمتوں کے باعث ذخائر پر دباؤ برقرار ہے۔
ماہرین کے مطابق، اسٹیٹ بینک کے ذخائر میں معمولی اضافہ اگرچہ خوش آئند ہے، لیکن پاکستان کے لیے پائیدار معاشی استحکام کے لیے برآمدات میں اضافہ، سرمایہ کاری کی بحالی، اور مالیاتی نظم و ضبط ناگزیر ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹیٹ بینک برآمدات ذخائر ڈالر زرمبادلہ سرمایہ کاری شرحِ اضافہ عالمی مالیاتی اداروں غیرملکی کمرشل بینکوں مالیاتی نظم و ضبط معاشی استحکام
ذریعہ
ذریعہ: WE News
کلیدی لفظ: اسٹیٹ بینک برا مدات ڈالر زرمبادلہ سرمایہ کاری شرح اضافہ عالمی مالیاتی اداروں غیرملکی کمرشل بینکوں مالیاتی نظم و ضبط معاشی استحکام زرمبادلہ کے ذخائر اسٹیٹ بینک بینک کے
پڑھیں:
سونے کی قیمت میں اضافہ، فی تولہ سونا 4 لاکھ 33 ہزار 836 روپے ہوگیا
کراچی: پاکستان میں سونے کی قیمت میں اضافہ مسلسل دوسرے روز بھی جاری رہا، جس کے بعد مقامی صرافہ بازاروں میں فی تولہ سونا 4 ہزار 600 روپے مہنگا ہو گیا۔
آل پاکستان صرافہ جیمز اینڈ جیولرز ایسوسی ایشن کے مطابق اضافے کے بعد 24 قیراط فی تولہ سونے کی نئی قیمت 4 لاکھ 33 ہزار 836 روپے مقرر کی گئی ہے۔
ایسوسی ایشن کے مطابق 10 گرام سونے کی قیمت میں بھی 3 ہزار 944 روپے کا اضافہ ریکارڈ کیا گیا، جس کے بعد نئی قیمت 3 لاکھ 71 ہزار 944 روپے ہو گئی۔
دوسری جانب چاندی کی قیمت میں بھی معمولی اضافہ دیکھا گیا۔ فی تولہ چاندی 7 روپے اضافے کے بعد 6 ہزار 403 روپے جبکہ 10 گرام چاندی 6 روپے مہنگی ہو کر 5 ہزار 489 روپے کی سطح پر پہنچ گئی۔
یاد رہے کہ گزشتہ روز بھی سونے کی قیمت میں نمایاں اضافہ ہوا تھا، جب فی تولہ سونا 4 ہزار 700 روپے مہنگا ہو کر 4 لاکھ 29 ہزار 236 روپے تک پہنچ گیا تھا، جبکہ 10 گرام سونے کی قیمت 4 ہزار 29 روپے اضافے کے بعد 3 لاکھ 68 ہزار روپے ہوگئی تھی۔
عالمی مارکیٹ میں بھی قیمتی دھاتوں کے نرخ بڑھنے کا رجحان برقرار ہے۔ بین الاقوامی مارکیٹ میں فی اونس سونے کی قیمت 46 ڈالر اضافے کے بعد 4 ہزار 114 ڈالر ریکارڈ کی گئی، جبکہ چاندی کی عالمی قیمت 0.07 ڈالر اضافے سے 59.24 ڈالر فی اونس تک پہنچ گئی۔
ماہرین کا کہنا ہے کہ عالمی منڈی میں سونے کی قیمتوں میں اضافے، امریکی ڈالر کی نقل و حرکت، شرح سود اور جغرافیائی کشیدگی جیسے عوامل مقامی مارکیٹ پر بھی براہِ راست اثر انداز ہوتے ہیں، جس کے باعث پاکستان میں سونے کی قیمتوں میں مسلسل اتار چڑھاؤ دیکھا جا رہا ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع