یوکرینی صدر ولادیمیر زیلینسکی کا دورہ یورپ، شاہ چارلس سے ملاقات
اشاعت کی تاریخ: 24th, October 2025 GMT
یوکرین کے صدر ولادیمیر زیلنسکی نے شاہ چارلس سے ملاقات کی ہے، یہ ملاقات جمعے کو یورپی ممالک کے ہونے والے سیاسی سربراہی اجلاس سے قبل ہوئی۔
اس موقع پر یوکرینی صدر کو شاہی سلامی پیش کی گئی اور انہیں گارڈ آف آنر بھی دیا گیا،بعد ازاں بادشاہ نے صدر زیلنسکی کا تعارف میجر جنرل جیمز باوڈر اور ایکوئری لیفٹیننٹ کرنل جونی تھامسن سے کرایا۔ دونوں رہنما قلعے کے اندر نجی ملاقات کے لیے داخل ہوئے۔ یہ زیلنسکی کا برطانیہ میں پہلا شاہی استقبال اور بادشاہ سے تیسری باضابطہ ملاقات تھی۔
یہ بھی پڑھیں: شاہ چارلس کا وہ عمل جو 500 برسوں میں کسی برطانوی فرمانروا نے نہیں کیا!
ونڈزر کی یہ دعوت ایسے موقع پر دی گئی جب زیلنسکی یورپی ممالک کے دورے پر ہیں تاکہ اپنی دفاعی کوششوں کے لیے مزید فنڈز اور ہتھیار حاصل کرسکیں۔
جمعے کو ہونے والے کولیشن آف دی ولینگ اجلاس میں نیٹو سیکریٹری جنرل مارک رٹے، ڈنمارک کی وزیراعظم میٹے فریڈریکسن اور فرانسیسی صدر ایمانویل میکرون بھی شریک ہوں گے۔
بادشاہ چارلس 2022 میں یوکرین پر روسی حملے کے آغاز سے یوکرین کی حمایت میں واضح موقف رکھتے ہیں۔ وہ متعدد تقریبات اور بین الاقوامی دوروں میں یوکرینی عوام کے ساتھ اظہار یکجہتی کرچکے ہیں۔
یہ بھی پڑھیں: یوکرینی صدر کی 5 ماہ میں ڈونلڈ ٹرمپ سے وائٹ ہاؤس میں دوسری ملاقات، اس بار کیا ہوا؟
گزشتہ برس امریکی صدر ڈونلڈ ٹرمپ کے ساتھ ایک ضیافت میں بادشاہ نے کہا تھا کہ یورپ ایک بار پھر جبر کے خطرے سے دوچار ہے اور ہم اپنے اتحادیوں کے ساتھ یوکرین کی حمایت میں کھڑے ہیں۔
رپورٹس کے مطابق سینڈرنگھم میں رواں سال مارچ میں بادشاہ کی زیلنسکی سے ملاقات کو ذاتی سطح پر اظہارِ حمایت قرار دیا گیا تھا، جو امریکی دورے کے بعد صدر زیلنسکی کے لیے حوصلہ افزا ثابت ہوئی۔
اطلاعات کے مطابق امریکی صدر نے بعد ازاں یوکرین کی کامیابی کے امکانات پر اعتماد کا اظہار کیا اور روسی آئل کمپنیوں پر نئی پابندیاں عائد کیں تاکہ ماسکو کو مذاکرات کی میز پر واپس لایا جاسکے۔
اجلاس میں برطانوی وزیر اعظم کیئر اسٹارمر طویل فاصلے کے ہتھیاروں کی فراہمی اور یوکرین کے لیے 100 اضافی ایئر ڈیفنس میزائلز کی تیز تر ترسیل کا اعلان کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
یوکرین.
ذریعہ
ذریعہ: WE News
پڑھیں:
اڈیالہ جیل، بانی پی ٹی آئی اور بشریٰ بی بی کی 40 منٹ طویل ملاقات
راولپنڈی: اڈیالہ جیل میں بانی پاکستان تحریک انصاف (پی ٹی آئی) اور ان کی اہلیہ بشریٰ بی بی(bushra bibi) کے درمیان ہفتہ وار ملاقات کرائی گئی، جو تقریباً 40 منٹ تک جاری رہی۔
جیل ذرائع کے مطابق ملاقات جیل کے کانفرنس روم میں ہوئی جہاں دونوں نے ایک دوسرے کی خیریت دریافت کی اور مختلف امور پر تبادلہ خیال کیا۔ ملاقات جیل حکام کی نگرانی میں مقررہ ضابطوں کے مطابق کرائی گئی۔
دوسری جانب ملاقات کے دن کے باوجود بانی پی ٹی آئی سے کسی وکیل یا خاندان کے دیگر افراد کی ملاقات نہ ہو سکی۔ جیل ذرائع کے مطابق معمول کی ملاقاتوں کے حوالے سے سیکیورٹی اور انتظامی اقدامات برقرار رہے۔
ادھر وزیراعلیٰ خیبر پختونخوا سہیل آفریدی کی جانب سے نامزد نمائندے اور صوبائی حکومت کے بعض عہدیدار بھی اظہارِ یکجہتی کے لیے اڈیالہ جیل پہنچے، تاہم انہیں بھی بانی پی ٹی آئی سے ملاقات کی اجازت نہ مل سکی۔
مزید پڑھیں:فورسز کی بلوچستان کے مختلف علاقوں میں کارروائیاں، 17 دہشتگرد ہلاک، آئی ایس پی آر
اسی دوران بانی پی ٹی آئی کی بہنیں علیمہ خان، نورین نیازی اور عظمیٰ خان بھی اڈیالہ جیل پہنچیں، تاہم پولیس نے انہیں فیکٹری ناکے سے آگے جانے کی اجازت نہیں دی۔ ذرائع کے مطابق سیکیورٹی وجوہات کی بنا پر انہیں جیل تک رسائی نہیں دی گئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ