سینئر سیاستدان چوہدری نثار کا علاج کیلئے بیرون ملک جانے کا فیصلہ
اشاعت کی تاریخ: 25th, October 2025 GMT
راولپنڈی (ڈیلی پاکستان آن لائن) سینئر سیاستدان چوہدری نثار علاج کروانے کیلئے بیرون ملک جانے کی تیاری کر رہے ہیں۔
نجی ٹی وی 92 نیوز نے خاندانی ذرائع کے حوالے سے دعویٰ کیا ہے کہ چوہدری نثار علی خان کافی عرصے سے بیمار ہیں۔ پاکستان میں ان کا علاج ہو رہا ہے لیکن یہاں ان کی مکمل تشخیص نہیں ہو سکی۔ اسی لیے وہ مزید علاج کے لیے وہ جلد بیرونِ ملک روانہ ہوں گے۔
ذرائع کے مطابق وزیراعظم شہباز شریف نے چند روز قبل چوہدری نثار کی عیادت کی تھی۔ وزیراعظم نے انہیں اپنے ہاں مدعو بھی کیا، تاہم خرابیِ صحت کے باعث وہ نہیں جا سکے۔خاندانی ذرائع کا کہنا ہے کہ چوہدری نثار علاج مکمل ہونے کے بعد فوری طور پر وطن واپس آئیں گے۔
سپریم کورٹ نے بیوی پر کسی بھی قسم کے گھریلو تشدد اور خلع سے متعلق درخواست پر اہم فیصلہ سنادیا
مزید :.ذریعہ: Daily Pakistan
کلیدی لفظ: چوہدری نثار
پڑھیں:
منیب بٹ کا روحانی اور خاندانی تربیت سے بھرپور اندازِ فکر مداحوں کے دل جیت گیا
اداکار منیب بٹ کا روحانی اور خاندانی تربیت سے بھرپور اندازِ فکر مداحوں کے دل جیت گیا۔ابھرتے ہوئے اداکار منیب بٹ نے حال ہی میں ایک پوڈکاسٹ میں گفتگو کے دوران اپنی شخصیت کے روحانی اور خاندانی پہلوؤں پر کھل کر بات کی جسے سن کر مداح ان کے ایک نئے اور دل نشین روپ سے روشناس ہوئے۔اداکار نے بتایا کہ ان کا پورا خاندان مذہبی ہے، خصوصاً ان کی والدہ پنج وقتہ نمازی اور تہجد گزار ہیں، بچے کی پہلی درس گاہ ماں کی گود ہوتی ہے اور مجھے ایسی ایمان بھری گود ملی جس نے میری روح تک کو سیراب کر رکھا ہے۔ اپنے مذہبی رجحانات کے حوالے سے منیب بٹ نے کہا کہ وہ اور ان کا خاندان کبھی بھی نیکیوں کی تشہیر کے قائل نہیں کیونکہ اللہ تو سب دیکھ رہا ہے اور نیت تک جانتا ہے، اگر وہ کسی عبادت یا نیک عمل کی ویڈیو شیئر کرتے ہیں تو اس کا مقصد محض یہ ہوتا ہے کہ کوئی ایک شخص بھی اس سے متاثر ہو کر اچھا کام شروع کر دے تو یہ ان کے لیے صدقہ جاریہ بن جائے گا۔روحانیت پر بات کرتے ہوئے کہا کہ لوگ اکثر پوچھتے ہیں اللہ کہاں ہے؟ تو وہ جواب دیتے ہیں کہ اللہ کی مدد تو مشکل آنے سے پہلے پہنچ جاتی ہے۔ مزید برآں منیب بٹ کے اس کھلے، سچے اور مثبت مؤقف کو مداحوں نے بے حد سراہا اور ان کے لیے نیک خواہشات کا اظہاربھی کیا۔
حکومت نے اقوام متحدہ کے امدادی اداروں کو افغانستان میں خوراک پہنچانے کی اجازت دیدی