پی ٹی آئی انجام کی طرف بڑھ رہی ہے،عمران خان کیخلاف غداری کا مقدمہ چل سکتا ہے،رانا ثنا اللہ
اشاعت کی تاریخ: 8th, December 2025 GMT
data-id="863a0a8" data-element_type="widget" data-widget_type="theme-post-content.default">
وزیراعظم شہباز شریف کے مشیر اور سینیٹر رانا ثنا اللہ نے کہا ہے کہ بانی پاکستان تحریک انصاف عمران خان کے خلاف غداری کا مقدمہ قائم ہونے کا امکان واضح طور پر موجود ہے اور اُن کا سیاسی انجام ایم کیو ایم لندن اور اس کے بانی الطاف حسین سے مختلف نہیں ہوگا۔
نجی ٹی وی چینل سے بات کرتے ہوئے رانا ثنا اللہ نے کہا کہ ڈی جی آئی ایس پی آر نے حالیہ پریس کانفرنس میں جو دوٹوک مؤقف پیش کیا، وہ ریاست کی واضح پوزیشن ہے اور حکومت اس موقف کی مکمل تائید کرتی ہے۔ ان کے مطابق پی ٹی آئی کو بارہا تنبیہ کی گئی ہے کہ ریاستی امور کو مذاق نہ بنایا جائے، ورنہ سنگین نتائج بھگتنا ہوں گے۔
انہوں نے کہا کہ عمران خان کی اپنی بہن سے ملاقات کے بعد سامنے آنے والا ٹوئٹ فیصلہ کن ثابت ہوا، جس کے بعد یہ امکان مزید تقویت پکڑ گیا ہے کہ غداری کا مقدمہ چل سکتا ہے۔
رانا ثنا اللہ کے مطابق جلسوں میں دیے جانے والے بیانات کا مضبوط جواب دیا جائے گا اور ایسے طرزِ عمل کے ذریعے پی ٹی آئی خود اپنے انجام کی طرف بڑھ رہی ہے۔
وزیراعظم کے مشیر نے مزید کہا کہ مستقبل قریب میں پی ٹی آئی کے اندر واضح تقسیم سامنے آئے گی، جو ’’پاکستان تحریک انصاف‘‘ اور ’’اڈیالہ تحریک انصاف‘‘ کی صورت میں دکھائی دے گی۔ ان کے مطابق پارٹی کی بڑی تعداد موجودہ قیادت کے ’’غیر ذمہ دارانہ رویے‘‘ کا حصہ نہیں بنے گی۔
جعفر ایکسپریس حملے پر گفتگو کرتے ہوئے رانا ثنا اللہ نے الزام عائد کیا کہ دہشت گردوں کے بیانیے کو بھارت، افغانستان اور پی ٹی آئی سے وابستہ میڈیا نے یکساں طور پر آگے بڑھایا، جو خود ایک بڑا سوالیہ نشان ہے۔
ذریعہ
ذریعہ: Jasarat News
کلیدی لفظ: رانا ثنا اللہ پی ٹی آئی
پڑھیں:
عمران خان اور بشریٰ بی بی کی ملاقات کرا دی گئی
اڈیالا جیل راولپنڈی میں بانی پی ٹی آئی اور ان کی زوجہ محترمہ کی ملاقات کانفرنس روم میں کرائی گئی، ملاقات 50 منٹ تک جاری رہی۔ دوسری جانب بانی پی ٹی آئی سے ملاقات کیلئے آئے وکلاء اور فیملی ارکان میں سے کسی بھی شخص کو ملاقات کی اجازت نہ مل سکی۔ اسلام ٹائمز۔ اڈیالا جیل راولپنڈی میں عمران خان اور بشریٰ بی بی کی ملاقات کروا دی گئی۔ جیل ذرائع کے مطابق ملاقات کانفرنس روم میں کرائی گئی، ملاقات 50 منٹ تک جاری رہی۔ دوسری جانب بانی پی ٹی آئی سے ملاقات کیلئے آئے وکلاء اور فیملی ارکان میں سے کسی بھی شخص کو ملاقات کی اجازت نہ مل سکی۔ وزیر اعلیٰ کے پی سہیل آفریدی، شفیع جان، مینا خان آفریدی فیکڑی ناکے پر موجود رہے، بانی کی تینوں بہنیں کارکنان کی کثیر تعداد کے ہمراہ فیکٹری ناکے پر موجود رہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ