غزہ میں ہلاک شدہ یرغمالیوں کی لاشیں اسرائیل لانے کے لیے ہر ممکن اقدام کریں گے، مارکو روبیو
اشاعت کی تاریخ: 25th, October 2025 GMT
امریکی وزیرِ خارجہ مارکو روبیو نے کہا ہے کہ وہ غزہ میں موجود تمام ہلاک شدہ یرغمالیوں کی لاشیں واپس اسرائیل لانے کے لیے ہر ممکن اقدام کریں گے۔
اپنے دورہ اسرائیل کے دوران یرغمال بنائے گئے 2 امریکی نژاد اسرائیلی شہریوں کے اہلخانہ سے ملاقات کے بعد روبیو نے کہا کہ ہم حماس کی قید میں ہلاک ہونے والے تمام افراد کو نہیں بھولیں گے اور ان کی باقیات کی واپسی تک چین سے نہیں بیٹھیں گے۔
یہ بھی پڑھیں: کئی ممالک غزہ فورس میں شامل ہونے کو تیار، مگر اسرائیل کی منظوری لازمی، مارکو روبیو
انہوں نے کہا کہ امریکی شہری ایتائے چین اور اومر نیوٹرا کے خاندانوں سے ملاقات کر کے ان کے دکھ کو محسوس کیا، اور وعدہ کیا کہ تمام یرغمالیوں کے اجساد واپس لائے جائیں گے۔
ہوسٹیجز اینڈ مسنگ فیملیز فورم نے امریکی وزیرِ خارجہ کے بیان کا خیر مقدم کرتے ہوئے کہا کہ 13 یرغمالیوں کی لاشیں اب بھی غزہ میں ہیں، چین، جو اسرائیلی فوج میں 19 سال کی عمر میں خدمات انجام دے رہا تھا، 7 اکتوبر 2023 کو حماس کے حملے میں ہلاک ہوا اور اس کی لاش غزہ لے جائی گئی۔
یہ بھی پڑھیں: جنگ بندی کے بعد غزہ پر اسرائیلی حملوں میں 93 فلسطینی شہید
اسی طرح نیوٹرا، 21 سالہ امریکی نژاد اسرائیلی رضاکار فوجی بھی اسی روز ہلاک ہوا۔
امریکہ کی ثالثی میں ہونے والے جنگ بندی معاہدے کے تحت تمام 20 زندہ یرغمالیوں کو فلسطینی گروپوں نے رہا کردیا ہے، جب کہ 15 ہلاک شدہ یرغمالیوں کی لاشیں اسرائیل واپس پہنچ چکی ہیں۔
تاہم 13 دیگر یرغمالیوں کی لاشیں اب بھی غزہ میں موجود ہیں، اس معاہدے کے تحت اسرائیل نے تقریباً 2 ہزار قیدی اور درجنوں فلسطینیوں کی لاشیں بھی واپس کی ہیں۔
یہ بھی پڑھیں: غزہ میں بھوک کا بحران بدستور سنگین، جنگ بندی کے باوجود انسانی المیہ برقرار
جنگ بندی کے باوجود اتوار کے روز اسرائیل نے غزہ میں فضائی حملے کیے جن میں درجنوں فلسطینی جاں بحق ہوئے۔ اسرائیلی فوج کے مطابق حملے اس وقت کیے گئے جب اس کے دستوں پر حملہ ہوا جس میں دو فوجی مارے گئے۔ بعد ازاں اسرائیل نے جنگ بندی پر دوبارہ عملدرآمد کی تصدیق کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسرائیل امریکا حماس غزہ فلسطین قیدی لاشیں مارکو روبیو مغوی وزیرخارجہ.
ذریعہ
ذریعہ: WE News
کلیدی لفظ: اسرائیل امریکا فلسطین لاشیں مارکو روبیو مغوی یرغمالیوں کی لاشیں مارکو روبیو
پڑھیں:
سعودیہ کی ابراہم معاہدوں میں شمولیت مشرقِ وسطیٰ میں تاریخی پیش رفت ہوگی، نیتن یاہو
عالمی خبر رساں ادارے کے مطابق اسرائیلی وزیراعظم کا اپنے بیان میں کہنا تھا کہ سعودی عرب کی ابراہم معاہدوں میں شمولیت نہ صرف اسرائیل اور عرب دنیا کے تعلقات میں ایک نئے باب کا آغاز کرے گی بلکہ پورے خطے میں استحکام، تعاون اور امن کے امکانات بھی بڑھ جائیں گے۔ اسلام ٹائمز۔ اسرائیلی وزیراعظم بنیامین نیتن یاہو نے کہا ہے کہ اگر سعودی عرب ابراہم معاہدوں میں شامل ہو جاتا ہے تو یہ مشرقِ وسطیٰ میں امن کے لیے ایک "تاریخی جست" ثابت ہوگی۔ عالمی خبر رساں ادارے کے مطابق نیتن یاہو نے اپنے بیان میں کہا کہ سعودی عرب کی ابراہم معاہدوں میں شمولیت نہ صرف اسرائیل اور عرب دنیا کے تعلقات میں ایک نئے باب کا آغاز کرے گی بلکہ پورے خطے میں استحکام، تعاون اور امن کے امکانات بھی بڑھ جائیں گے۔
اسرائیلی وزیراعظم کا یہ بیان امریکی صدر ڈونلڈ ٹرمپ کی جانب سے سعودی عرب کے مجوزہ سول جوہری معاہدے کو اسرائیل سے تعلقات معمول پر لانے سے مشروط کیے جانے کے بعد سامنے آیا ہے۔ صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر کہا تھا کہ امریکا اور سعودی عرب کے درمیان مجوزہ سول جوہری معاہدے کی حتمی منظوری اس وقت تک نہیں دی جائے گی جب تک سعودی عرب ابراہم معاہدوں میں شامل نہیں ہو جاتا۔
ٹرمپ نے یہ بھی واضح کیا تھا کہ مجوزہ معاہدہ صرف پُرامن اور غیر فوجی مقاصد کے لیے ہوگا اور اس کے تحت سعودی عرب کو یورینیئم افزودگی کی اجازت نہیں دی جائے گی۔واضح رہے کہ ایک روز قبل جب اس مجوزہ جوہری معاہدے کی ابتدائی منظوری کا اعلان کیا گیا تھا تو صدر ٹرمپ نے اسے سعودی عرب اور اسرائیل کے تعلقات معمول پر لانے کی شرط سے منسلک نہیں کیا تھا، تاہم بعد ازاں انہوں نے واضح کیا کہ دونوں معاملات ایک دوسرے سے وابستہ ہیں۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم