ملک ترقی کی راہ پر گامزن ہے، آنے والے دنوں میں مزید خوش خبریاں ملیں گی: احسن اقبال
اشاعت کی تاریخ: 26th, October 2025 GMT
وفاقی وزیر منصوبہ بندی و ترقی احسن اقبال نے کہا ہے کہ پاکستان اب ترقی کے سفر پر گامزن ہو چکا ہے اور جلد عوام کو مزید خوش خبریاں ملیں گی۔ ان کے مطابق ملک اب مزید انتہا پسندی، نفرت اور انتشار کا متحمل نہیں ہو سکتا، اور ہمیں اجتماعی محنت سے ترقی کی جنگ جیتنی ہے۔
لاہور میں ایک تقریب سے خطاب کرتے ہوئے احسن اقبال نے کہا کہ پاکستان کلمۂ طیبہ کی بنیاد پر حاصل کیا گیا تھا، اور اسلامی نظریات و ناموسِ رسالت کی حفاظت مسلم لیگ (ن) سے بہتر کوئی نہیں کر سکتا۔ ان کا کہنا تھا کہ کسی کو مذہب کے نام پر قوم میں نفرت یا انتشار پھیلانے کی اجازت نہیں دی جا سکتی۔
وفاقی وزیر نے کہا کہ مسلم لیگ (ن) کا نظریہ اتحاد، محبت اور یکجہتی کو فروغ دینا ہے۔ ہمارا ہدف ملک کو جدید اور مضبوط معیشت کی طرف لے جانا ہے تاکہ غربت کا خاتمہ ہو اور ہر شہری خوش حالی سے ہمکنار ہو۔ ان کے مطابق جب بھی ملک مسلم لیگ (ن) کے حوالے ہوا ہے، ترقی ہوئی ہے، اور جب چھینا گیا تو ملک کمزور ہوا۔
احسن اقبال نے کہا کہ ماضی میں بدقسمتی سے ترقی کے سفر کو ہمیشہ سازشوں سے روکا گیا۔ 2022 میں جب موجودہ حکومت نے اقتدار سنبھالا تو دنیا میں کہا جا رہا تھا کہ پاکستان چند ہفتوں میں دیوالیہ ہو جائے گا، مگر وزیراعظم شہباز شریف نے 12 جماعتوں کو متحد کرکے ملک کو بچانے کا تہیہ کیا۔
انہوں نے بتایا کہ حکومت نے مشکل فیصلے کیے، سیاست سے زیادہ ملک کو ترجیح دی، اور صرف دو سال میں معیشت کو استحکام دے کر ترقی کی راہ پر ڈال دیا۔ ان کے مطابق پاکستان آج ابھرتی ہوئی معیشتوں میں شامل ہو چکا ہے۔
احسن اقبال نے دعویٰ کیا کہ دو سال میں مہنگائی کی شرح 38 فیصد سے کم ہو کر 4 فیصد رہ گئی ہے، جبکہ شرح سود 23 فیصد سے گھٹ کر 11 فیصد پر آ چکی ہے۔ انہوں نے کہا کہ یہ حکومتی مثبت پالیسیوں کا نتیجہ ہے، مگر ابھی مزید محنت درکار ہے۔
وفاقی وزیر نے کہا کہ ملک اب کسی نئے انتشار کا متحمل نہیں ہو سکتا۔ ہمیں “معرکہ حق” کے بعد “معرکہ ترقی” جیتنے کے لیے متحد ہونا ہوگا تاکہ پاکستان ایک کامیاب اور مستحکم ملک بن سکے۔
انہوں نے کہا کہ دشمن عناصر، خصوصاً بھارت، پاکستان میں بدامنی پھیلانے کی کوشش کر رہے ہیں، مگر جو کوئی بھی ایسا کر رہا ہے، وہ ملک کا خیرخواہ نہیں۔ احسن اقبال نے کہا کہ وزیراعظم شہباز شریف کی قیادت میں حکومت ملکی معیشت کو مضبوط اور عوام کے حالات بہتر بنانے کے لیے بھرپور کوششیں کر رہی ہے۔
ان کا کہنا تھا کہ ہمیں ٹیکس چوری کے خاتمے، قومی یکجہتی کے فروغ اور ترقی کے تسلسل کے لیے سب کو اپنا کردار ادا کرنا ہوگا، کیونکہ پاکستان کا مستقبل روشن ہے اور آنے والے دنوں میں عوام کو مزید خوش خبریاں ملیں گی۔
ذریعہ: Daily Mumtaz
کلیدی لفظ: احسن اقبال نے کہا کہ پاکستان نے کہا کہ
پڑھیں:
کراچی: فلیٹ سے تین خواتین کی ہلاکت، باپ اور بیٹے نے قتل کا اعتراف کرلیا
data-id="863a0a8" data-element_type="widget" data-widget_type="theme-post-content.default">
کراچی کے علاقے گلشن اقبال کے رہائشی فلیٹ میں گزشتہ چند روز قبل پیش آنے والے دل دہلا دینے والے واقعے میں اہم پیش رفت سامنے آئی ہے، جہاں ایک فلیٹ سے تین خواتین کی لاشیں برآمد ہوئی تھیں۔
نجی ٹی وی کی رپورٹ کے مطابق پولیس حکام نے بتایا ہے کہ اتوار کو گلشنِ اقبال بلاک ون کے رہائشی فلیٹ سے ماں، بیٹی اور بہو کی لاشیں برآمد ہونے والے اس سنگین واقعے میں ملوث باپ اور بیٹے نے جرم کا اعتراف کر لیا ہے اور انہیں باقاعدہ گرفتار کر لیا گیا ہے۔
پولیس نے مزید بتایا کہ ملزمان نے ابتدائی تفتیش میں قتل کی وجوہات معاشی تنگی بتائی ہیں، متاثرہ فیملی نے ڈیڑھ کروڑ روپے سے زائد کا قرض لیا ہوا ہے، تاہم تحقیقات کا دائرہ ہر پہلو سے وسیع رکھا گیا ہے تاکہ وقوعہ کے تمام پہلوؤں کو سمجھا جا سکے۔
رپورٹ کے مطابق واقعے کے پیچھے منصوبہ بندی گھر کے سربراہ محمد اقبال اور اس کے بیٹے نے مشترکہ طور پر کی تھی، تینوں خواتین کی اموات چوہے مار ادویات اور نیند کی گولیوں کے استعمال سے ہوئی، جس میں سب سے پہلی جان بہو 22 سالہ ماہا کی گئی، اس کے بعد 52 سالہ ماں ثیمنہ اور 19 سالہ بیٹی ثمرین کی ہلاکت ہوئی۔
پولیس کے مطابق فلیٹ سے ایک شخص بھی نیم بے ہوشی کی حالت میں ملا تھا، جس نے اس افسوسناک سانحے کی سنگینی کو مزید بڑھا دیا، پولیس نے ابتدائی طور پر گھر کے سربراہ اور اسپتال میں زیر علاج ان کے بیٹے یاسین کو حراست میں لے کر تفتیش شروع کی تھی اور اب دونوں نے قتل کا اعتراف کر کے تحقیقات کو مزید آگے بڑھا دیا ہے۔
اس مقدمے کی حساسیت کو مدنظر رکھتے ہوئے پولیس تمام پہلوؤں کی جانچ کر رہی ہے اور شہری حلقوں میں اس افسوسناک واقعے کے بعد خوف اور تشویش کی فضا قائم ہے۔ گلشن اقبال کے اس واقعے نے معاشرتی اور قانونی سطح پر سنگین سوالات کھڑے کر دیے ہیں اور اس بات کی وضاحت ضروری ہے کہ عدالت کے ذریعے انصاف کی مکمل کارروائی عمل میں لائی جائے تاکہ جرم کے مرتکب افراد کی قانونی گرفت یقینی بنائی جا سکے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر