لندن میں سمر ٹائم کا اختتام، گھڑیاں ایک گھنٹہ پیچھے کر دی جائیں گی
اشاعت کی تاریخ: 27th, October 2025 GMT
لندن :برطانیہ کے دارالحکومت لندن میں سمر ٹائم (Daylight Saving Time) کا اختتام ہوگیا ہے، جس کے بعد برطانیہ میں گھڑیاں آج شب ایک گھنٹہ پیچھے کر دی جائیں گی۔
بین الاقوامی میڈیا رپورٹس کے مطابق ہفتہ اور اتوار کی درمیانی شب جب گھڑیوں میں دو بجیں گے تو انہیں ایک گھنٹہ پیچھے کرکے ایک بجا دیا جائے گا، اس طرح برطانیہ میں ونٹر ٹائم کا آغاز ہوجائے گا جو آئندہ سال 29 مارچ تک جاری رہے گا، جس کے بعد گھڑیاں دوبارہ ایک گھنٹہ آگے کر دی جائیں گی۔
ماہرین کے مطابق وقت میں یہ تبدیلی سورج کی روشنی سے زیادہ سے زیادہ فائدہ اٹھانے کے لیے کی جاتی ہے تاکہ موسمِ سرما میں کم دن کی روشنی کے دوران توانائی کے بہتر استعمال کو یقینی بنایا جاسکے۔
رپورٹس میں بتایا گیا ہے کہ وقت کی اس تبدیلی سے شہریوں کو اتوار کی صبح ایک گھنٹہ اضافی نیند کا موقع ملے گا۔ البتہ اسمارٹ فونز، لیپ ٹاپس اور دیگر جدید ڈیوائسز میں وقت خود بخود درست ہوجائے گا، جبکہ دیواروں اور گاڑیوں کی گھڑیوں میں وقت کو دستی طور پر تبدیل کرنا ہوگا۔
سمر ٹائم کے اختتام کے بعد برطانیہ اور پاکستان کے درمیان وقت کا فرق ایک گھنٹہ بڑھ کر 5 گھنٹے ہو جائے گا۔ اس تبدیلی کے ساتھ برطانوی شہریوں کے روزمرہ معمولات، دفاتر اور تعلیمی اوقات میں بھی معمولی ردوبدل متوقع ہے۔
.
ذریعہ: Al Qamar Online
کلیدی لفظ: پاکستان کھیل ایک گھنٹہ
پڑھیں:
کراچی میں بارا کوڈا مشقوں کا دوسرا روز، ریسکیو آپریشنز کا عملی مظاہرہ
بارا کوڈا مشقوں میں دنیا کے 22 ممالک کے 39 مندوبین نے شرکت کی، جنہوں نے میری ٹائم اہلکاروں کی پیشہ ورانہ مہارت کو سراہا۔ اسلام ٹائمز۔ شہر قائد میں جاری بارا کوڈا مشقوں کے دوسرے روز لینڈ فیز میں ریسکیو آپریشنز کا عملی مظاہرہ کیا گیا۔ میری ٹائم سیکیورٹی ایجنسی کے ترجمان لیفٹیننٹ کمانڈر داؤد نے کراچی میں میڈیا سے بات چیت کرتے ہوئے بتایا کہ مشقوں کے دوران سمندر میں تیل رساؤ کی صورت میں ساحل کو محفوظ بنانے کے طریقہ کار اور تیل پھیلنے کی صورت میں ریسکیو آپریشن کا بھی عملی مظاہرہ کیا گیا۔ انہوں نے بتایا کہ مشق میں ہیلی کاپٹر، جہاز اور بوٹس نے حصہ لیا۔
لیفٹیننٹ کمانڈر داؤد نے 22 سال قبل کراچی کے ساحل پر پیش آنے والے حادثے کا ذکر کرتے ہوئے کہا کہ اس حادثے کے بعد ساحل کا رنگ تبدیل ہوگیا تھا اور اس کے اثرات آج بھی موجود ہیں۔ لیفٹیننٹ کمانڈر داؤد نے کہا کہ پی ایم ایس اے اور پاک بحریہ نے سمندر کو محفوظ بنانے کیلئے مختلف طریقہ کار اپنائے جس سے خاطر خواہ کامیابیاں حاصل ہوئیں۔ بارا کوڈا مشقوں میں دنیا کے 22 ممالک کے 39 مندوبین نے شرکت کی، جنہوں نے میری ٹائم اہلکاروں کی پیشہ ورانہ مہارت کو سراہا۔
تبت کے مختلف علاقوں میں زلزلہ