’ایلین خلائی جہاز‘: پراسرار شے ناسا کے اسپیس شپ کے نزدیک پہنچ گئی
اشاعت کی تاریخ: 27th, October 2025 GMT
سائنس دانوں کے مطابق بین النجمی پراسرار شے 3 آئی اٹلس، جو سورج کے پیچھے غائب ہونے سے قبل الٹی سمت میں حرکت (ریورس تھرسٹ) کرتی ہوئی دیکھی گئی تھی، آئندہ چند ہفتوں میں ناسا کے خلائی جہاز کے قریب سے گزرنے والی ہے۔
یہ بھی پڑھیں: کیا ہم اگلی دہائی میں خلائی مخلوق کا سراغ پا لیں گے؟
یہ شے انسانیت کی جانب سے دریافت ہونے والا تیسری بین النجمی مہمان ہے جو اکتوبر کے آخری ہفتے سے 6 نومبر کے درمیان ناسا کے یوروپا کلیپر اور یورپی خلائی ایجنسی کے ہیرا اسپیس کرافٹ کے قریب سے گزرے گی۔
ماہرین فلکیات امید کر رہے ہیں کہ اس شے کا قریب سے گزرنا ایک نایاب موقع فراہم کرے گا جس کے ذریعے اس کی قدرتی یا غیر زمینی )ایلین( نوعیت کے بارے میں قیمتی معلومات حاصل کی جا سکیں گی۔
یورپی محققین کے مطابق ایک پری پبلشڈ تحقیق میں یہ امکان ظاہر کیا گیا ہے کہ اگر کوئی خلائی جہاز کی آئن ٹیل سے گزرا تو اسے ہمارے نظام شمسی سے باہر کے ذرات کا براہ راست نمونہ حاصل کرنے کا موقع مل سکتا ہے۔
مزید پڑھیے: پراسرار سیارچہ خلائی مخلوق کا بھیجا گیا کوئی مشن ہوسکتا ہے، ہارورڈ کے سائنسدان کا دعویٰ
یہ واقعہ زندگی میں ایک بار ملنے والا سائنسی موقع قرار دیا جا رہا ہے، کیونکہ ایسے مظاہر کا پتا لگانا انتہائی مشکل ہوتا ہے۔ اکثر اس نوعیت کی اشیا صرف شمسی ہواؤں (سولر ونڈ) میں معمولی ارتعاش کی صورت میں ظاہر ہوتی ہیں۔
یہ پراسرار شے جون میں دریافت ہوئی تھی اور اپنی غیر متوقع حرکات کے باعث ماہرین فلکیات کو حیران کیے ہوئے ہے۔
ہارورڈ یونیورسٹی کے ماہر فلکی طبیعیات ڈاکٹر ایوی لوب پہلے ہی خبردار کر چکے ہیں کہ یہ ممکنہ طور پر کسی غیر زمینی مخلوق کا خلائی جہاز بھی ہو سکتا ہے۔
مزید پڑھیں: نیویارک: آسمان میں پراسرار اشیا کی نقل و حرکت، کیا یہ خلائی مخلوق کی کارستانی ہے؟
سورج کے قریب پہنچ کر اس شے کی الٹی سمت میں حرکت نے سائنس دانوں کو مزید حیران کر دیا جس کے بعد ناسا نے اسے زمین کے ممکنہ خطرات کی فہرست میں شامل کر لیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
3 آئی اٹلس ایلین خلائی جہاز پراسرار شے.ذریعہ: WE News
کلیدی لفظ: 3 ا ئی اٹلس خلائی جہاز
پڑھیں:
اعلیٰ سطح ترک ایرو اسپیس و دفاعی وفد کا پاکستان انجینئرنگ کونسل کا دورہ
اسلام آباد:(نیوزڈیسک) ترک ایرو اسپیس، دفاعی اور صنعتی شعبوں کی نمایاں کمپنیوں پر مشتمل ایک اعلیٰ سطحی وفد نے پاکستان انجینئرنگ کونسل (PEC) کا دورہ کیا۔ وفدکی نمائندگی بورسا ایرو اسپیس اینڈ ڈیفنس کلسٹر ایسوسی ایشن (BASDEC) اور ڈیفنس انڈسٹری ایجنسی آف دی ریپبلک آف ترکیہ کر رہے تھے۔ ترکیہ کی وزارتِ تجارت کی معاونت سے ہونے والا یہ دورہ دو طرفہ انجینئرنگ اور صنعتی تعاون کو مضبوط بنانے کے مقصد کے تحت منعقد ہوا۔
چیئرمین پاکستان انجینئرنگ کونسل، انجینئر وسیم نذیر نے وفد کا خیرمقدم کیا اور انہیں پاکستان انجینئرنگ کونسل کی اصلاحات، ادارہ جاتی مضبوطی، اور کوالٹی اشورنس، بین الاقوامی سرٹیفکیشن، اور ابھرتی ہوئی ٹیکنالوجیز کے شعبوں میں جاری جدید اقدامات پر بریفنگ دی۔ انہوں نے ترکیہ کی صنعتی ترقی کو سراہا اور اس بات پر زور دیا کہ PEC عالمی انجینئرنگ شراکت داریوں کو وسعت دینے کے لیے پُرعزم ہے۔
ترکیہ کی چودہ بڑی کمپنیوں کے نمائندگان نے اس ملاقات میں شرکت کی، جن میں ERFA Torna، Bizpark (Uçaksan)، FTS Tasarım، LEVKA، MFK، Milla Otomotiv، ONS Makine، Stamplast، Coşkunöz Metal Form، Defence Systems، Rena Mekatronik، ETKA-D Otomotiv، COMIT، اور BASDEC شامل ہیں۔ ترک کمپنیوں نے اپنی تکنیکی صلاحیتوں کا تعارف کرایا اور پاکستان میں مشترکہ منصوبوں، تحقیقی تعاون، ٹیکنالوجی کی منتقلی، اور مقامی مینوفیکچرنگ مواقع میں گہری دلچسپی ظاہر کی۔ اس موقع پر PEC نے اپنا ریگولیٹری فریم ورک اور انجینئرنگ تعاون کے ممکنہ شعبے بھی پیش کیے۔
ملاقات کے دوران دونوں اطراف نے اس بات پر اتفاق کیا کہ ہوابازی اور دفاعی شعبوں میں مہارت کے فروغ، اسناد کی فراہمی، اور مشترکہ جدید منصوبوں کے ذریعے منظم تعاون کو آگے بڑھایا جائے گا۔ اس کے علاوہ، تکنیکی تبادلے اور صنعتی اشتراک کو عملی شکل دینے پر بھی اتفاق کیا گیا۔
آخر میں چیئرمین PEC اور ترک وفد نے ادارہ جاتی روابط کو مضبوط بنانے اور پاکستان–ترکیہ انجینئرنگ تعلقات کو مزید وسعت دینے کے مشترکہ عزم کا اعادہ کیا۔ دونوں فریقوں نے اس بات پر زور دیا کہ تعاون کو عملی اقدامات میں ڈھال کر دوطرفہ صنعتی و دفاعی ترقی کے نئے راستے کھولے جائیں گے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر