2030 میں دنیا بھر کے مسلمان دو مرتبہ رمضان المبارک منائیں گے
اشاعت کی تاریخ: 27th, October 2025 GMT
data-id="863a0a8" data-element_type="widget" data-widget_type="theme-post-content.default">
ریاض: سعودی ماہرِ فلکیات نے پیشگوئی کی ہے کہ سن 2030 ایک منفرد اور روحانی اعتبار سے تاریخی سال ثابت ہوگا کیونکہ دنیا بھر کے مسلمان اس سال دو مرتبہ رمضان المبارک کا مقدس مہینہ منائیں گے ، ایک بار جنوری میں اور دوسری بار دسمبر میں۔
ماہرین فلکیات کے مطابق یہ ایک نایاب فلکیاتی اتفاق ہے جو تقریباً ہر 30 سے 33 سال بعد پیش آتا ہے، اس کی بنیادی وجہ یہ ہے کہ ہجری کیلنڈر چاند کی گردش پر مبنی ہے جبکہ گریگورین (عیسوی) کیلنڈر زمین کے سورج کے گرد چکر پر۔
اسی فرق کے باعث اسلامی مہینے ہر سال تقریباً 10 سے 11 دن پہلے شروع ہوتے ہیں، جس کی بدولت ایک وقت ایسا آتا ہے کہ رمضان ایک ہی گریگورین سال میں دو بار وقوع پذیر ہوتا ہے۔
فلکیاتی اندازوں کے مطابق پہلا رمضان المبارک 5 جنوری 2030 کے آس پاس شروع ہوگا جبکہ دوسرا 26 دسمبر 2030 کے قریب آئے گا، اس طرح مسلمان اس ایک ہی سال میں کل 36 روزے رکھیں گے — ایک ایسا روحانی تجربہ جو تاریخ میں یادگار بن جائے گا۔
سعودی ماہرِ فلکیات نے بتایا کہ ہجری سال میں اوسطاً 354 یا 355 دن ہوتے ہیں، جبکہ گریگورین سال میں 365 دن۔ یہی فرق وقت کے ساتھ رمضان کو مختلف موسموں میں منتقل کرتا ہے۔ گزشتہ تقریباً سترہ برس سے رمضان گرمیوں میں آ رہا ہے، اب اس کی آمد رفتہ رفتہ سردیوں کے موسم میں منتقل ہو رہی ہے۔
ماہرین کے مطابق 2028 سے 2037 تک رمضان المبارک سرد موسم میں آئے گا، جبکہ 2037 کے بعد دوبارہ گرمیوں میں جانا شروع ہو جائے گا۔
دلچسپ امر یہ ہے کہ ایسا آخری بار 1997 میں ہوا تھا، جب مسلمان ایک ہی سال میں دو بار رمضان کے روحانی لمحات سے گزرے تھے۔ فلکیاتی حساب کے مطابق آئندہ یہ منظر دوبارہ 2063 میں دیکھنے کو ملے گا۔
ماہرین کا کہنا ہے کہ 2030 کا سال اسلامی تاریخ اور فلکیاتی کیلنڈر دونوں لحاظ سے غیر معمولی اہمیت کا حامل ہوگا، کیونکہ یہ وقت مسلمانوں کے لیے عبادت، اتحاد اور روحانیت کے دوہرے موقع کی یادگار صورت بن کر سامنے آئے گا۔
ذریعہ: Jasarat News
کلیدی لفظ: رمضان المبارک کے مطابق سال میں
پڑھیں:
علیمہ خان کے پانچویں مرتبہ ناقابل ضمانت وارنٹ گرفتاری جاری
data-id="863a0a8" data-element_type="widget" data-widget_type="theme-post-content.default">
راولپنڈی: انسداد دہشت گردی کی عدالت نے ایک مرتبہ پھر علیمہ خان کے ناقابلِ ضمانت وارنٹِ گرفتاری جاری کردیے، یہ اس نوعیت کے وارنٹس کا پانچواں موقع ہے۔
راولپنڈی کی انسداد دہشت گردی عدالت کے جج امجد علی شاہ نے علیمہ خان سمیت 11 ملزمان کے خلاف 26 نومبر کے احتجاج سے متعلق درج مقدمے کی سماعت کی۔ عدالتی ریکارڈ کے مطابق علیمہ خان ایک بار پھر پیش نہیں ہوئیں حالانکہ ان کے خلاف پہلے ہی ناقابلِ ضمانت وارنٹ جاری کیے جا چکے تھے۔
سماعت کے دوران مقدمے میں نامزد 10 دیگر ملزمان عدالت میں موجود تھے جبکہ استغاثہ کے 5 گواہان نے بھی حاضری دی۔ اسپیشل پراسیکیوٹر ظہیر شاہ اپنی قانونی ٹیم کے ہمراہ عدالت میں پیش ہوئے۔ تاہم علیمہ خان کی جانب سے کوئی وکیل یا نمائندہ پیش نہ ہونے پر عدالت نے سخت برہمی کا اظہار کیا اور ایک مرتبہ پھر ان کے ناقابلِ ضمانت وارنٹِ گرفتاری جاری کرنے کا حکم دے دیا۔
عدالت نے کیس کی مزید سماعت 30 اکتوبر تک ملتوی کرتے ہوئے متعلقہ اداروں کو وارنٹس پر فوری عمل درآمد یقینی بنانے کی ہدایت کی۔ واضح رہے کہ عدالت پہلے ہی علیمہ خان کے شناختی کارڈ، پاسپورٹ اور بینک اکاؤنٹس منجمد کرنے کا حکم جاری کر چکی ہے، جبکہ نادرا، پاسپورٹ اینڈ امیگریشن ڈیپارٹمنٹ اور اسٹیٹ بینک سے رپورٹ بھی طلب کر رکھی ہے۔
سندھ میں ڈینگی حملوں کا سلسلہ جاری, کیسز کی مجموعی تعداد 920 ہوگئی