بابر اعظم اور رضوان کو کرکٹ میں جوئے کے خلاف بولنے کی سزا ملی، انصار عباسی پھٹ پڑے
اشاعت کی تاریخ: 27th, October 2025 GMT
کچھ عرصہ سے قومی کرکٹ ٹیم کی کارکردگی بہتر ہونے کے بجائے تنزلی کی طرف جا رہی ہے۔ بار بار کپتانوں کی تبدیلی سے بھی معاملات بہتر نہیں ہو پارہے، جس کے باعث ہر کوئی چیئرمین پی سی بی کو آئے روز بہتری کے مشورے دے رہا ہوتا ہے۔
معروف صحافی و تجزیہ کار انصار عباسی بھی قومی کرکٹ کی بدحالی پر پھٹ پڑے، تاہم انہوں نے بابر اعظم اور محمد رضوان کا دفاع کیا ہے۔
یہ بھی پڑھیں: بابر اعظم کی جھلک دیکھنے کے لیے دیوار پھلانگ کر ڈریسنگ روم پہنچنے والا نوجوان گرفتار، مقدمہ درج
اپنے ایک کالم میں انہوں نے لکھا کہ پاکستان کرکٹ کا اگر ایک طرف سیاست زدہ پاکستان کرکٹ بورڈ نے ستیاناس کیا ہے تو دوسری طرف کرکٹ میں جوئے اور جواریوں کا اثر اس قدر بڑھ گیا ہے کہ ان کے خلاف کوئی بولتا ہی نہیں، اور اگر کوئی بولتا ہے تو اسے نشانہ بنایا جاتا ہے۔
انہوں نے کہاکہ سابق کرکٹر راشد لطیف سمیت چند ایک کرکٹ ماہرین کا کہنا ہے کہ محمد رضوان کو چند ماہ بعد ہی ون ڈے کرکٹ کی کپتانی سے ہٹانے کی اصل وجہ اُن کی جوئے کے خلاف مخالفت ہے۔
انصار عباسی نے لکھا کہ بابر اعظم کے حوالے سے بھی کہا جا رہا ہے کہ رضوان کے ساتھ ساتھ بابر کے کیریئر کو بھی جان بوجھ کر اس لیے تباہ کیا جا رہا ہے کیونکہ وہ بھی جوئے کے کھلے مخالف ہیں۔
’رضوان اور بابر کا یہ بھی جرم تصور کیا جا رہا ہے کہ وہ دونوں کیوں پاکستان کی ایک اہم ترین شخصیت سے راولپنڈی میں ملے اور اُن سے جوئے اور جوئے کی کمپنیوں کے خلاف ایکشن لینے کی درخواست کی۔ اور یہ بھی کہ ان دونوں کھلاڑیوں نے پی ایس ایل کے دوران جوئے کی کمپنیوں کے بیجز پہننے سے کیوں انکار کیا۔‘
سینیئر صحافی نے لکھا کہ بابراور رضوان کی شکایت کے بعد جواریوں کے خلاف کچھ عرصہ کے لیے کارروائی ہوئی، لیکن پھر جیسے پاکستان میں اکثر ہوتا ہے، خرابی واپس لوٹ آئی کیونکہ بڑوں کی توجہ دوسرے معاملات کی طرف ہوگئی۔
’اسی دوران ایک پروپیگنڈا مہم کے ذریعے بابر اور رضوان کے بارے میں یہ تاثر دیا جانے لگا کہ یہ دونوں صرف اپنی ذات کے لیے کھیلتے ہیں۔ ان دونوں کرکٹرز کے حوالے سے ایسے فیصلے ہونے لگے کہ صاف ظاہر ہونے لگا کہ اُنہیں نشانہ بنایا جا رہا ہے۔‘
انصار عباسی کے مطابق ان کی کارکردگی کو پرکھنے کا معیار دوسروں سے مختلف بنا دیا گیا۔ دوسرے کھلاڑی شکست کا باعث بن جائیں تو کوئی بات نہیں، لیکن اگر یہ دونوں ٹیم کو نہ جتوا سکیں تو فوراً ٹیم سے باہر! اور پھر یہ پروپیگنڈا شروع ہو جاتا کہ یہ دونوں اپنی ذات کے لیے کھیلتے ہیں۔ ان کی جگہ جن کھلاڑیوں کو موقع دیا گیا، وہ بدترین انداز میں ناکام ہوئے، لیکن بُرے پھر بھی یہی دونوں ٹھہرے۔
یہ بھی پڑھیں: بابراعظم کی 31ویں سالگرہ، ’ہر دور کا ایک اسٹار ہوتا ہے اور ہمارا اسٹار بابر اعظم ہے‘
واضح رہے کہ حال ہی میں محمد رضوان کو ون ڈے کرکٹ کی کپتانی سے ہٹا کر شاہین شاہ آفریدی کو یہ ذمہ داری سونپی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews انصار عباسی بابر اعظم پی سی بی چیئرمین پی سی بی کرکٹ میں جوا محسن نقوی محمد رضوان وی نیوز.ذریعہ: WE News
کلیدی لفظ: پی سی بی چیئرمین پی سی بی کرکٹ میں جوا محسن نقوی محمد رضوان وی نیوز محمد رضوان جا رہا ہے کے خلاف یہ بھی کے لیے
پڑھیں:
درآمدات اور برآمدات کی دستاویزی پیچیدگیاں ختم کردی کردی ہیں،رضوان محمد
data-id="863a0a8" data-element_type="widget" data-widget_type="theme-post-content.default">
حیدر آباد (اسٹاف رپورٹر )حیدر آباد چیمبر آف اسمال ٹریڈرز اینڈ اسمال انڈسٹری کی جانب سے پاکستان سنگل ونڈو (PSW) کے ساتھ تاجروں اور صنعتکاروں کے لیے امپورٹ اینڈ ایکسپورٹ کی تمام دستاویزاتی ضروریات ایک پلیٹ فارم سے رسائی کے لیے آگاہی سیمینار کاچیمبر سیکرٹریٹ میں انعقاد کیا گیا۔ سیشن سے خطاب کرتے ہوئے رضوان صمد ڈپٹی مینیجر چینج مینجمنٹ اور پاکستان سنگل ونڈو نے بتایا کہ پی ایس ڈبلیو پاکستان میں تجارتی عمل کو جدید خطوط پر استوار کرنے والا ایک جامع ڈیجیٹل پلیٹ فارم ہے جو امپورٹ، ایکسپورٹ اور ٹرانزٹ ٹریڈ کے تمام
مراحل کو ایک ہی پورٹل پر یکجا کرتا ہے۔ انہوں نے کہا کہ اب تاجر اپنے تمام امپورٹ اور ایکسپورٹ سے متعلقہ امور گھر بیٹھے محض ایک کمپیوٹر یا موبائل فون کے ذریعے مکمل کر سکتے ہیں اور پہلے کی طرح 20 سے زائد فزیکل دستاویزات جمع کرانے کی ضرورت نہیں رہی۔ نادرا ویریفکیشن کی سہولت بھی بہت جلد آن لائن موجود ہوگی۔ انہوں نے مزید بتایا کہ پی ایس ڈبلیوکے ذریعے اعانت نامے سرٹیفیکیٹس، بینک ادائیگیاں، کسٹمز کلیئرنس اور دستاویزات کی پروسیسنگ جیسے تمام مراحل آن لائن ہونے سے وقت اور لاگت میں نمایاں کمی آئی ہے۔ اس موقع پر محمد صادق، بزنس گروتھ مینیجر علی بابا ڈاٹ کام نے شرکاءکو علی بابا کے رجسٹریشن پر اسیس اور آن لائن ایکسپورٹ کے بے شمار فوائد سے آگاہ کیا۔ انہوں نے بتایا کہ علی بابا ڈاٹ کام دنیا کا سب سے بڑا B2B ای کامرس پلیٹ فارم ہے جس کے ذریعے پاکستانی تاجر اور چھوٹے کاروباری حضرات عالمی خریداروں تک با آسانی رسائی حاصل کر سکتے ہیں۔ انہوں نے رجسٹریشن کا طریقہ کا ر بیان کرتے ہوئے بتایا کہ کاروباری ادارے اپنی کمپنی کی معلومات، پروڈکٹس کی تفصیل، بزنس ویری فکیشن اور ادائیگی کے پلان کے انتخاب کے بعد، صرف چند مراحل میں ایک گلوبل سپلائر کے طور پر پلیٹ فارم سے منسلک ہو سکتے ہیں محمد صادق کے مطابق علی بابا ڈاٹ کام پر موجود ٹولز تاجروں کو اپنی مصنوعات کی عالمی سطح پر مارکیٹنگ، کوٹیشنز کے ذریعے خریداروں سے براہ راست رابطہ کسٹمر میں اضافہ، اور محفوظ ادائیگی کے نظام کے ذریعے بہتر کاروباری اعتماد فراہم کرتے ہیں۔ اس موقع پر شان سہگل، نائب صدر حیدر آباد چیمبر آف اسمال ٹریڈرز اینڈ اسمال انڈسٹری نے شرکاءکو خوش آمدید کہتے ہوئے حیدر آباد چیمبر، پی ایس ڈبلیو اور علی بابا ڈاٹ کام کے باہمی تعاون کو سراہتے ہوئے اسے حیدر آباد کی بزنس کمیونٹی کے لیے ایک اہم سنگ میل قرار دیا۔ انہوں نے کہا کہ اس نوعیت کے سیشنز نہ صرف تاجر برادری کے لیے جدید تجارتی رحجانات سے آگاہی کا باعث بنتے ہیں بلکہ چھوٹے تاجروں اور اسمال انڈسٹری کو عالمی مارکیٹ کے تقاضوں کے مطابق خود کو بہتر بنانے میں بھی رہنمائی فراہم کرتے ہیں۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر