عمان: فیلڈ مارشل عاصم منیر اردن کے بادشاہ شاہ عبداللہ سے ملاقات کررہے ہیں
اشاعت کی تاریخ: 28th, October 2025 GMT
data-id="863a0a8" data-element_type="widget" data-widget_type="theme-post-content.default">
251028-01-23
ذریعہ: Jasarat News
پڑھیں:
فیلڈ مارشل کا پیغام: اردن کے ساتھ قریبی تعلقات جاری رہیں گے، تعاون مزید بڑھایا جائے گا
فیلڈ مارشل سید عاصم منیر نے اردن کے ساتھ برادرانہ تعلقات کو مزید مضبوط بنانے کے عزم کا اعادہ کیا ہے۔آئی ایس پی آر کے مطابق فیلڈ مارشل سید عاصم منیر نے اردن کا سرکاری دورہ کیا۔ ان کی اردن کے شاہ عبداللہ دوئم سے ملاقات ہوئی، اس موقع پر ولی عہد عبدالحسین بن عبداللہ دوئم بھی موجود تھے۔ملاقات میں باہمی دلچسپی کے امور پر تبادلہ خیال کیا گیا اور دونوں ممالک میں دفاع اور سلامتی کے شعبوں میں دو طرفہ تعاون بڑھانے پر گفتگو سمیت علاقائی صورتحال اور مشترکہ مفادات پر گفتگو کی گئی۔اس موقع پر فیلڈ مارشل سید عاصم منیر نے اردن کے ساتھ برادرانہ تعلقات کو مزید مضبوط بنانے کے عزم کا اعادہ کرتے ہوئے شاہ عبداللہ دوئم کو پاکستانی عوام، حکومت اور مسلح افواج کی نیک تمنائیں پہنچائیں۔شاہ عبداللہ دوئم نے خطے میں امن واستحکام کیلیے پاکستانی مسلح افواج کے کردار کو سراہا اور دفاعی شعبہ میں دو طرفہ تعاون مزید بڑھانے کی خواہش کا اظہار کیا۔فیلڈ مارشل سید عاصم منیر جنرل ہیڈ کوارٹرز بھی گئے جہاں انہیں گارڈ آف آنر پیش کیا گیا۔ ان کی اردن کے چیئرمین جوائنٹ چیفس آف اسٹاف میجر جنرل یوسف احمد الحنیطی سے بھی ملاقات ہوئی.جس میں خطے میں امن، استحکام اور تعاون کے فروغ کے عزم اور دونوں ممالک کی افواج کے تاریخی اور گہرے تعلقات پر اطمینان کا اظہار کیا گیا۔میجر جنرل یوسف احمد الحنیطی نے علاقائی امن کیلیے پاک فوج کے کردار کو سراہا اور دونوں ممالک کے درمیان عسکری تعاون مزید مضبوط بنانے پر اتفاق کیا۔
کراچی : نویں جماعت کے نتائج کا اعلان ہوتے ہی آن لائن سسٹم بیٹھ گیا