فیلڈ مارشل عاصم منیر کا اردن کا سرکاری دورہ، شاہ عبداللہ دوم سے اہم ملاقات
اشاعت کی تاریخ: 27th, October 2025 GMT
data-id="863a0a8" data-element_type="widget" data-widget_type="theme-post-content.default">
عمان: فیلڈ مارشل حافظ عاصم منیر نے اردن کا سرکاری دورہ کیا، جہاں انہوں نے اردن کے فرمانروا شاہ عبداللہ دوم ابن الحسین سے ملاقات کی۔
پاک فوج کے شعبہ تعلقات عامہ (آئی ایس پی آر) کے مطابق ملاقات میں اردن کے ولی عہد شہزادہ حسین بن عبداللہ بھی شریک تھے۔
ملاقات کے دوران دونوں رہنماؤں نے دفاع، سیکیورٹی اور باہمی تعاون کے مختلف پہلوؤں پر تفصیلی تبادلہ خیال کیا، جنرل عاصم منیر نے حکومتِ پاکستان، عوام اور مسلح افواج کی جانب سے شاہ عبداللہ دوم کے لیے نیک خواہشات کا پیغام بھی پہنچایا۔
ترجمان کے مطابق ملاقات میں پاکستان اور اردن کے درمیان دیرینہ برادرانہ تعلقات کو مزید فروغ دینے کے عزم کا اعادہ کیا گیا، دونوں ممالک نے دفاعی شعبے میں تعاون بڑھانے، تربیتی روابط کے فروغ اور خطے میں امن و استحکام کے لیے مشترکہ کوششیں جاری رکھنے پر اتفاق کیا۔
آئی ایس پی آر کا کہنا ہے کہ فیلڈ مارشل کا یہ دورہ پاکستان اور اردن کے مابین دوطرفہ تعلقات کے نئے باب کی حیثیت رکھتا ہے جو دونوں ممالک کے درمیان دفاعی اور سفارتی تعاون کو مزید مضبوط بنانے میں اہم کردار ادا کرے گا۔
ذریعہ: Jasarat News
کلیدی لفظ: اردن کے
پڑھیں:
آرمی چیف فیلڈ مارشل عاصم منیر کی مصر کے صدر عبدالفتح السیسی سے ملاقات
data-id="863a0a8" data-element_type="widget" data-widget_type="theme-post-content.default">
قاہرہ:۔ آرمی چیف فیلڈ مارشل سید عاصم منیر نے اپنے دورہ مصر کے دوران قاہرہ میں عرب جمہوریہ مصر کے صدر عبدالفتح السیسی سے اتحادیہ صدارتی محل میں ملاقات کی ہے۔
آئی ایس پی آر کے مطابق ملاقات کے دوران دونوں ممالک کے درمیان دیرینہ دوطرفہ دوستانہ تعلقات پر تبادلہ خیال کیا گیا۔ فریقین نے اس اعتماد کا اظہار کیا گیا کہ مضبوط اقتصادی اور سیکورٹی ڈائیلاگ پاکستان، مصر اور وسیع تر خطے میں امن، استحکام اور سلامتی میں اہم کردار ادا کرے گا۔
آرمی چیف نے خطے کے امن و استحکام میں کلیدی کردار پر مصری قیادت کی تعریف کی، جب کہ صدر السیسی نے مختلف اہم معاملات میں بین الاقوامی اور امت مسلمہ کے لیے پاکستان کے مثبت اور فعال کردار کو سراہا، دونوں رہنماﺅں نے باہمی اسٹریٹجک مفادات کے معاملات پر رابطوں کی اہمیت اور عوام سے عوام کے رابطوں کو مضبوط بنانے پر زور دیا۔
ملاقات میں دوستانہ تعلقات اور تمام شعبوں میں تعاون کو مزید وسعت دینے کی باہمی خواہش کا بھی اعتراف کیا گیا، خصوصاً سماجی و اقتصادی تعلقات، ٹیکنالوجی اور سلامتی کے امور میں تعاون بڑھانے پر زور دیا گیا، دونوں جانب سے اس اعتماد کا اظہار کیا گیا کہ مضبوط اقتصادی اور سیکورٹی ڈائیلاگ پاکستان، مصر اور وسیع تر خطے میں امن، استحکام اور سلامتی میں اہم کردار ادا کرے گا۔
افغان وزیر دفاع نے پاک افغان کشیدگی میں بھارتی کردار کی باتوں کو مسترد کردیا