لاہور میں فضائی آلودگی کا راج برقرار ، ائیر کوالٹی انڈیکس میں خطرناک حد تک اضافہ
اشاعت کی تاریخ: 28th, October 2025 GMT
data-id="863a0a8" data-element_type="widget" data-widget_type="theme-post-content.default">
پنجاب کے مختلف شہروں میں فضائی آلودگی کی شدت میں کمی نہ آسکی اور صبح کے وقت فضا میں زہریلے ذرات کی مقدار خطرناک حد تک برقرار رہی۔ لاہور بدستور دنیا کے آلودہ ترین شہروں کی فہرست میں پہلے نمبر پر موجود ہے۔ صبح کے اوقات میں لاہور کا ایئر کوالٹی انڈیکس (AQI) 420 ریکارڈ کیا گیا، جو صحت کے لیے نہایت مضر سطح قرار دی جاتی ہے۔
محکمہ ماحولیات کے مطابق فیصل آباد میں پارٹیکیولیٹ میٹرز کی مقدار 622، ملتان میں 485 جبکہ بہاولپور میں 255 ریکارڈ کی گئی، جس سے ظاہر ہوتا ہے کہ صوبے کے بیشتر بڑے شہر اس وقت شدید اسموگ کی لپیٹ میں ہیں۔ طبی ماہرین نے شہریوں کو گھروں سے غیر ضروری طور پر باہر نہ نکلنے، ماسک کے باقاعدہ استعمال، اور بچوں و بزرگوں کو خصوصی طور پر احتیاط برتنے کی ہدایت کی ہے۔
فضائی آلودگی پر نظر رکھنے والے بین الاقوامی ادارے آئی کیو ایئر کے مطابق دنیا کے آلودہ ترین شہروں میں لاہور کے بعد بھارتی دارالحکومت نئی دہلی دوسرے، بنگلادیش کے دارالحکومت ڈھاکا تیسرے، جبکہ بھارتی شہر کلکتہ چوتھے نمبر پر ہے۔ ایئر کوالٹی انڈیکس کے اعداد و شمار کے مطابق کراچی بھی 165 اے کیو آئی کے ساتھ دنیا کے آلودہ ترین شہروں کی فہرست میں پانچویں نمبر پر ہے۔
ذریعہ: Jasarat News
پڑھیں:
یو اے ای ساتویں سال بھی دنیا کا سب سے طاقتور پاسپورٹ رکھنے والا ملک قرار
data-id="863a0a8" data-element_type="widget" data-widget_type="theme-post-content.default">
رواں سال 2025 کے لیے عالمی مالیاتی ادارے آرٹن کیپیٹل نے اپنے تازہ ترین عالمی پاسپورٹ انڈیکس کا اعلان کر دیا ہے، جس میں دنیا کے سب سے طاقتور اور کمزور پاسپورٹس کی درجہ بندی کی گئی ہے۔
اس سال بھی ایک مسلم ملک نے تمام دیگر ممالک کو پیچھے چھوڑتے ہوئے پہلی پوزیشن حاصل کی ہے اور اس کے شہری دنیا کے 179 ممالک میں بغیر ویزے کے سفر کرنے کی صلاحیت رکھتے ہیں۔ اس اعزاز نے اس ملک کی عالمی سطح پر مثبت قانونی اور پرامن کردار کو بھی اجاگر کیا ہے۔
آرٹن کیپیٹل کی جانب سے جاری کردہ فہرست کے مطابق متحدہ عرب امارات (یو اے ای) دنیا کے سب سے طاقتور پاسپورٹ کے اعزاز سے مسلسل ساتویں سال نوازا گیا ہے، جس میں سرمایہ کاری کے لیے سازگار پالیسیز، مضبوط اقتصادی استحکام اور مربوط سفارتی تعلقات نے اہم کردار ادا کیا۔ کورونا وبا کے دوران جب دیگر ممالک کے پاسپورٹس کی عالمی حیثیت متاثر ہوئی، یو اے ای کے پاسپورٹ پر اس کے اثرات محدود رہے، جو اس ملک کی مستقل ساکھ اور عالمی اعتماد کی عکاسی کرتا ہے۔
اس سال کے انڈیکس میں سنگاپور نے بھی نمایاں ترقی دکھائی اور 30 ویں نمبر سے اٹھ کر دوسرے نمبر پر جگہ بنائی، جہاں وہ اسپین کے ساتھ مشترکہ طور پر کھڑا ہے۔ ان دونوں ممالک کے شہری 175 ممالک میں بغیر ویزے کے سفر کر سکتے ہیں۔
تیسرے نمبر پر دس ممالک مشترکہ طور پر ہیں، جن کے پاسپورٹ ہولڈرز 174 ممالک میں ویزا فری سہولت حاصل کرتے ہیں۔ سوئٹزرلینڈ، جنوبی کوریا، جرمنی، سویڈن، فن لینڈ، لکسمبرگ، فرانس، اٹلی، نیدرلینڈز، آئرلینڈ، ڈنمارک، یونان، آسٹریا، بیلجیئم، پرتگال، ملائیشیا اور جاپان کے پاسپورٹس کو اس فہرست میں تیسرا مقام حاصل ہوا۔
ہنگری، پولینڈ، ایسٹونیا، سلوواکیہ، سلووانیا اور کروشیا کے پاسپورٹس رکھنے والے افراد 173 ممالک کا سفر ویزے کے بغیر کر سکتے ہیں اور یہ ممالک فہرست میں مشترکہ طور پر چوتھے نمبر پر ہیں۔
یمن، بنگلا دیش، شمالی کوریا، فلسطین اور اریٹیریا نے اپنی پوزیشن میں قابلِ ذکر بہتری دکھائی ہے اور بھارت کا پاسپورٹ اس فہرست میں 69 ویں نمبر پر ہے۔
فہرست کے نچلے حصے میں سب سے کمزور پاسپورٹس میں افغانستان، شام اور عراق شامل ہیں، پاکستان کمزور ترین پاسپورٹس رکھنے والے ممالک میں چوتھے نمبر پر آیا ہے اور صومالیہ کے ساتھ مشترکہ طور پر فہرست میں 91 ویں مقام پر موجود ہے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر