گورنر سندھ کامران ٹیسوری کی ایران کے کراچی میں نئے تعینات قونصل جنرل اکبر عیسیٰ زادہ کی ملاقات
اشاعت کی تاریخ: 29th, October 2025 GMT
ایرانی قونصل جنرل نے کہا کہ ایران خطے میں پاکستان کو معاشی اور دفاعی طور پر مستحکم دیکھنا چاہتا ہے۔ قونصل جنرل نے گورنر انیشیٹو کے تحت نصب "امید کی گھنٹی" کو سائلین کی داد رسی کا منفرد اور قابلِ تعریف اقدام قرار دیا۔ متعلقہ فائیلیںاسلام ٹائمز۔ گورنر سندھ کامران خان ٹیسوری سے ایران کے نئے تعینات قونصل جنرل اکبر عیسیٰ زادہ نے گورنر ہاؤس میں ملاقات کی۔ ملاقات میں دو طرفہ تعلقات، سرمایہ کاری، تجارت کے فروغ سمیت باہمی دلچسپی کے امور پر تفصیلی تبادلہ خیال اور پاک ایران دوطرفہ تجارتی حجم کو مزید بڑھانے پر اتفاق کیا گیا۔ گورنر سندھ نے نئے تعینات قونصل جنرل کے لیے نیک خواہشات کا اظہار کیا۔ گورنر سندھ نے کہا کہ دوطرفہ سفارت کاری کے ذریعے پاک ایران تعلقات ایک نئی جہت میں داخل ہو گئے ہیں۔ قونصل جنرل نے کہا کہ ایران خطے میں پاکستان کو معاشی اور دفاعی طور پر مستحکم دیکھنا چاہتا ہے۔ قونصل جنرل نے گورنر انیشیٹو کے تحت نصب "امید کی گھنٹی" کو سائلین کی داد رسی کا منفرد اور قابلِ تعریف اقدام قرار دیا۔ قونصل جنرل نے قائداعظم محمد علی جناحؒ کے تاریخی دفتر کا دورہ کیا اور قائد کی زیرِ استعمال اشیاء کے تحفظ کو سراہا۔ قونصل جنرل نے گورنر ہاؤس میں شجرکاری مہم کے تحت پودا لگایا اور مہمانوں کی کتاب میں اپنے تاثرات قلم بند کئے۔
.ذریعہ: Islam Times
کلیدی لفظ: گورنر سندھ نے گورنر
پڑھیں:
میمن ویلفیئرسوسائٹی سعودی عرب (ماسا) کی سالانہ تعلیمی تقریب تقسیم ایوارڈز
data-id="863a0a8" data-element_type="widget" data-widget_type="theme-post-content.default">
جدہ (سید مسرت خلیل پھلواری) میمن ویلفیئر سوسائٹی سعودی عرب (ماسا) کی 13ویں سالانہ تعلیمی تقریب تقسیم ایوارڈزجدہ کے مقامی ہال میں منعقد ہوئی۔ تقریب کے مہمان خصوصی عزت ماٰب خالد مجید قونصل جنرل پاکستان جدہ تھے۔ جنہوں نے میمن برادری کے ان طلبا و طالبات کی تعلیمی میدان میں لگن اورمحنت کو تسلیم کرتے ہوئے ایوارڈز اور سرٹیفکیٹس سے نوازا۔ تقریب کی نظامت عمران مسقطیہ نے کی ۔ تقریب کی کاروائی کا آغاز تلاوت کلام پاک سے ہوا جس کی سعادت مریم فرحان نے حاصل کی۔ زرمین احمد نے ترجمہ پیش کیا۔ نعت رسول مقبولﷺ علی خالد نے پیش کیا۔ ماسا کےصدر وسیم عبدالرزاق تائی نے خطبہ استقبالیہ پیش کیا۔ کامیاب طلبہ و طالبات کو مبارکباد دی اور ان کی تعلیمی کامیابیوں کو سراہا۔ جنرل سکریٹری صادق سوراتھیا نے نوجوانوں سے خطاب کرتے ہوئے اس بات پر زور دیا کہ علم کے بغیرعمل بے معنی ہے اورتعلیم کے بغیر شخصی ترقی ادھوری ہے۔ مہمان خصوصی قونصل جنرل پاکستان خالد مجید نے پُروقارتقریب کے انعقاد پرخوشی کا اظہارکرتے ہوئے ماسا کے عہداداران اور اراکین کو مبارکباد دی۔ کامیاب طالب علموں کی حوصلہ افزائی اور مستقبل میں ان کی ترقی کے لئے دعا کی۔ انھوں نے تالیوں کی گونج میں ماسا کے سرگرم رضا کار خالد اسکندر کو ان کی سماجی اور فلاحی خدمات پر2025 کا عبدالستارایدھی ایوارڈ پیش کیا۔ قونصل جنرل نے اپنے خطاب میں قونصلیٹ اورجانب سے بھرپورتعاون کا اعادہ بھی کیا۔ اس موقع پرقونصلیت افسران ، پریس قونصلرمحمد عرفان اور عملہ کے دیگر ممبران بھی موجود تھے۔ تقریب میں ورلڈ میمن آرگنائزیشن کے بانی لیجنڈری عبدالرزاق یعقوب (اے آر وائی) کی صاحبزادی شبانہ عبدالرزاق اورکامران غنی نے دبئی سے بطور مہمانِ خاص شرکت کی۔ تقریب کے اختتام پر صدر، نائب صدر، اور جنرل سکریٹری نے تمام اسپانسرز اور میڈیا کے نمائندوں کے تعاون کے لیے ان کا شکریہ ادا کیا۔ اختتام پر تمام مہمانوں کو ڈنر پیش کیا گیا۔
سوشل میڈیا اور پاکستانی معاشرہ