کوئی جتھہ ہتھیار اُٹھا کر آئے تو دین کی بدنامی ہوتی ہے، مریم نواز
اشاعت کی تاریخ: 29th, October 2025 GMT
وزیراعلیٰ پنجاب مریم نواز نے کہا ہے کہ نبی پاک ﷺ سے عشق کا دعویٰ کرنے والے کچھ لوگ بندوق اٹھا کر تشدد کا راستہ اپناتے ہیں، خدا نخواستہ 600 افراد جاں بحق ہوئے تو لاشیں کہاں ہیں؟
لاہور میں اتحاد بین المسلمین کمیٹی سے خطاب میں مریم نواز نے کہا کہ سیاست یا مذہب کی آڑ میں انتہاپسندی، راستے بند کرنا، لوگوں کی زندگیوں کو خطرے میں ڈالنا، عمارتوں کو نقصان پہنچانا قبول نہیں۔
انہوں نے کہا کہ مذہبی جماعتیں آپ کی اپنی جماعتیں ہیں، مذہب کے نام پر ہم سب ایک ہوجاتے ہیں، اگر کوئی جتھہ ہتھیار اٹھا کر رستے پر آجائے تو دین کی بدنامی کی وجہ بنتا ہے۔
وزیراعلیٰ پنجاب نے مزید کہا کہ غزہ کے مظلوموں نے جنگ بندی کے معاہدے پر خوشیاں منائیں، وہاں امن کی امید جاگی، لیکن یہاں اسلام آباد پر چڑھائی کا اعلان کیا گیا۔
اُن کا کہنا تھا کہ اس شرپسند جماعت سے جلا دو، مار دو کے نعرے سنے، پولیس اہلکاروں کو گولیاں ماری گئیں، گاڑیوں کو جلادیا گیا لیکن فلسطین کا نام نہیں سنا، علمائے کرام رہنمائی کریں کہ ان لوگوں کو کیا نام دیا جائے۔
مریم نواز نے یہ بھی کہا کہ مذہبی جماعتوں کو بھی سیاست کرنے کا حق ہے، مفتی منیب کے ساتھ میٹنگ میں دل کھول کر باتیں کیں، ریاست اور حکومت علمائے کرام کو اپنا رہنما مانتے ہیں۔
انہوں نے کہا کہ ماضی میں سیاسی مقاصد کےلیے کچھ جماعتوں کو بنایا گیا، ایک جماعت کی خلاف کارروائی کی ضرورت کیوں پیش آئی، حکومت چاہتی ہے کہ گھر سے نکلنے والے کسی شہری کو مشکل پیش نہ آئے ۔
وزیراعلیٰ پنجاب نے کہا کہ مذہبی جماعتوں کے جلوسوں میں کسی کو کیلوں والا ڈنڈا لیے نہیں دیکھا، لبیک ایک مقدس تکریم والا لفظ ہے، جسے احرام کی حالت میں پڑھنے کا حکم ہے۔
ان کا کہنا تھا کہ وہ صرف ایک شر پسند جماعت نہیں بلکہ اس نے لوگوں کے ذہنوں کو زہر آلود کیا ہے، فتنے کی نشاندہی کریں، جب کوئی سیاسی اور مذہبی جماعت ہتھیار اٹھاتی ہے وہ شر پسند بن جاتی ہے۔
مریم نواز نے کہا کہ جب پی ٹی آئی نے ہتھیار اٹھائے وہ سیاسی جماعتوں سے باہر نکل گئی، جو کوئی فتنہ سر اٹھاتا ہے تو قوموں کی تنزلی شروع ہوجاتی ہے۔
انہوں نے کہا کہ قانون نافذ کرنے والے اداروں کے وہ اہلکار جن کی جانیں گئیں، ان کے اہل خانہ کو کیا جواب دیں، کوشش ہوتی ہے تمام مسالک کے لوگوں کو ایک لڑی میں پروئیں۔
وزیراعلیٰ پنجاب نے کہا کہ کس کا کیا عقیدہ ہے یہ فیصلہ اللہ کو کرنا ہے ہم سرٹیفکیٹ جاری نہیں کرسکتے، قانون توڑنے والوں میں مرد اور عورت کی تفریق نہیں، مجرم مجرم ہوتا ہے۔
ان کا کہنا تھا کہ کالعدم جماعت کے سیل کیے گئے مدارس مفتی منیب کے حوالے کردیے ہیں، خدانخواستہ 600 افراد جاں بحق ہوئے تو لاشیں کہاں ہیں؟ قانون نافذ کرنے والے اہلکاروں کے جنازے دنیا نے دیکھے۔
مریم نواز نے کہا کہ تصاویر اور ویڈیوز کو ان کے دفاتر سے ملنے والے اسلحے کی آرہی ہیں، بتایا جائے کہ مظاہرین کے پاس اسلحہ کہاں سے آیا؟
.ذریعہ: Jang News
کلیدی لفظ: مریم نواز نے کہا نے کہا کہ ہتھیار ا
پڑھیں:
مریم نواز نے خیبر پختونخوا حکومت کے منصوبے کاپی کیے کچھ نیا نہیں، بیرسٹر ڈاکٹر سیف
خیبر پختونخوا کے ترجمان بیرسٹر ڈاکٹر سیف نے مسلم لیگ (ن) کی رہنما اور وزیراعلیٰ پنجاب مریم نواز پر الزام عائد کیا ہے کہ انہوں نے خیبر پختونخوا حکومت کے فلاحی منصوبوں کو کامیابی سے کاپی پیسٹ کیا ہے۔
ان کا کہنا تھا کہ مریم نواز نے حال ہی میں آئمہ مساجد کے لیے وظیفے کا اعلان کیا، جو پروگرام خیبر پختونخوا حکومت نے قریباً 10 برس قبل متعارف کرایا تھا۔
مزید پڑھیں: افغانستان سے مذاکرات میں خیبر پختونخوا کی نمائندگی ناگزیر ہے، بیرسٹر ڈاکٹر محمد علی سیف
ڈاکٹر سیف کے مطابق، مریم نواز کو خیبر پختونخوا کے منصوبے نقل کرنے میں ہی عافیت نظر آتی ہے، مگر ایسے منصوبوں کے لیے خیبر پختونخوا جیسی مخلص قیادت بھی ضروری ہے۔
انہوں نے مزید کہا کہ پنجاب میں منصوبے عوامی فلاح کے بجائے کمیشن کی بنیاد پر شروع اور ختم ہو جاتے ہیں، جبکہ خیبر پختونخوا حکومت نے صحت کارڈ کے تحت 17 لاکھ سے زائد مریضوں کو مفت علاج فراہم کیا اور 57 ارب روپے سے زیادہ عوام کی صحت پر خرچ کیے۔
بیرسٹر سیف نے مریم نواز کو مشورہ دیا کہ وہ ٹک ٹاک سے باہر نکل کر خیبر پختونخوا کی طرح عملی اقدامات کریں، محض تشہیر سے ترقی ممکن نہیں۔
مزید پڑھیں: بلاول تقریریں کرنے کے بجائے ابو سے پوچھ لیں کہ نہروں کی منظوری کیوں دی؟ بیرسٹر ڈاکٹر سیف
انہوں نے مزید کہا کہ پنجاب حکومت اگر چاہے تو ہم صحت کارڈ پروگرام کے نفاذ میں ہر ممکن تعاون کے لیے تیار ہیں۔
ڈاکٹر سیف نے شریف خاندان پر تنقید کرتے ہوئے کہا کہ عوام نے فروری 2024 میں شریف خاندان کو مسترد کیا، مگر انہوں نے فارم 47 کا سہارا لیا۔ دہائیوں سے قومی خزانہ لوٹا جا رہا ہے، مگر ان کا پیٹ بھرتا نہیں۔ چچا وفاق میں اور بھتیجی صوبے میں خزانے پر سانپ بن کر بیٹھے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئمہ مساجد بیرسٹر ڈاکٹر سیف خیبر پختونخوا حکومت وزیراعلیٰ پنجاب مریم نواز
وفاقی کابینہ نے مذہبی جماعت پر پابندی کی منظوری دے دی