اسرائیل کا حماس کو سزا دینے کے لیے ’یلولائن‘ کے پار پیش قدمی کا انکشاف
اشاعت کی تاریخ: 29th, October 2025 GMT
data-id="863a0a8" data-element_type="widget" data-widget_type="theme-post-content.default">
حماس کو سزا دینے کی مشاورت کے بعد اسرائیل نے یلو لائن کے پار اپنی گرفت بڑھانے کا فیصلہ کیا ہے۔
عالمی میڈیا رپورٹ کے مطابق تل ابیب اور واشنگٹن کے درمیان غزہ میں اسرائیلی فوج کے کنٹرول والے علاقے کو بڑھانے کے حوالے سے مذاکرات جاری ہیں، جس میں فوج کو یلو لائن کے پار آگے بڑھنے کی اجازت دی جا رہی ہے۔ یہ بات “العربية/الحدث” کے ذرائع نے بتائی۔
اطلاعات کے مطابق یہ مذاکرات ابھی بھی جاری ہیں، واشنگٹن نے منگل کو غزہ پر اسرائیلی فضائی حملوں کی منظوری دی جو نیتن یاہو کے حکم پر کیے گئے اور جن کا تعلق حماس پر فائر بندی کی خلاف ورزی کے الزامات سے جوڑا جا رہا ہے۔
اسرائیلی نشریاتی ادارے نے کہا کہ اسرائیل نے یہ قدم اٹھانے کا فیصلہ کیا اور اس حوالے سے امریکہ کے ساتھ ہم آہنگی قائم کر رہا ہے۔ یلو لائن کے پار کنٹرول بڑھانے کا فیصلہ نیتن یاہو کی منگل کی شام کی حفاظتی مشاورت کے بعد کیا گیا، جس کا مقصد حماس کو “سزا دینا” بتایا گیا۔
ذرائع کے مطابق نیتن یاہو نے اس معاملے پر امریکی سینئر حکام کے ساتھ مشاورت کی۔ ایک امریکی اہل کار نے بتایا کہ صدر ٹرمپ کی انتظامیہ کے سینئر حکام نے نیتن یاہو کی ٹیم کو آگاہ کیا کہ حماس نے کوئی سنگین خلاف ورزی نہیں کی اور اسرائیل کو ایسا کوئی قدم نہیں اٹھانا چاہیے جو فائر بندی کو خطرے میں ڈالے۔
تاہم تھوڑی دیر بعد نیتن یاہو نے ایک ہنگامی حفاظتی اجلاس بلایا اور فیصلہ کیا کہ غزہ پر حملے دوبارہ شروع کیے جائیں اور تل ابیب کے زیر کنٹرول علاقے کو بڑھایا جائے۔ اجلاس میں وزیر دفاع یسرائیل کاتز، چیف آف اسٹاف ایال زامیر اور شاباک کے سربراہ ڈیوڈ زینی بھی شامل تھے۔
اجلاس کے بعد نیتن یاہو کے دفتر کی طرف سے جاری بیان میں کہا گیا کہ “حفاظتی مشاورت کے اختتام پر وزیر اعظم نے فوجی قیادت کو غزہ میں فوری اور شدید حملے کرنے کی ہدایت دی۔”
یلو لائن امریکی صدر ڈونلڈ ٹرمپ کے منصوبے کے مطابق انخلا کی پہلی حد ہے۔ یہ حد حماس اور اسرائیل کے درمیان فائر بندی کے معاہدے کے پہلی مرحلے میں طے کی گئی جو 10 اکتوبر سے نافذ ہے۔ یہ لائن مشرق میں اسرائیلی فوج کے موجودہ علاقے اور مغرب میں فلسطینیوں کے آزاد حرکت کرنے والے علاقے کے درمیان حد متعین کرتی ہے۔
اسرائیلی ذرائع نے منگل کو بتایا کہ اسرائیل نے حماس کے عناصر کو یلو لائن کے اندر داخل ہونے سے روک دیا تاکہ وہ قیدیوں کی باقیات تلاش نہ کر سکیں، جبکہ غزہ میں اس وقت بھی قیدیوں کی لاشوں کی تلاش جاری ہے۔
واضح رہے کہ10 اکتوبر کو اسرائیلی فوج جزوی طور پر اپنے پرانے مقامات سے پیچھے ہٹ کر یلو لائن کے مشرق میں نئے مقامات پر تعینات ہو گئی، جو فوج کے اندازے کے مطابق غزہ کی پٹی کے 50 فی صد سے زیادہ علاقے پر محیط ہے۔
ذریعہ
ذریعہ: Jasarat News
کلیدی لفظ: یلو لائن کے نیتن یاہو کے مطابق کے پار
پڑھیں:
حیسکو میں گھوسٹ، ریٹائرڈ ملازمین کی تنخواہ کے نام پر 1 ارب 6 کروڑ روپے کی خرد برد کا انکشاف
فائل فوٹوپبلک اکاؤنٹس کمیٹی کے اجلاس میں حیدرآباد الیکٹرک سپلائی کمپنی (حیسکو) میں گھوسٹ، ریٹائرڈ ملازمین کی تنخواہ کے نام پر 1 ارب 6 کروڑ روپے کی خرد برد کا انکشاف ہوا ہے۔
آڈٹ رپورٹ کے مطابق حیسکو کے ڈی ڈی او، ایکسیئن اور سی ایف او آفس کی ملی بھگت سے خرد برد کی گئی۔
سی ای او حیسکو کے مطابق اس کیس میں چار ملازمین کو برطرف کیا جا چکا ہے۔ تین اکاؤنٹس افسران، ایک فنانس افسر کو نوکری سے نکالا گیا۔
ایف آئی اے حکام کا کہنا ہے کہ اس کیس کے 5 مقدمات درج کیے گئے، 130 سے زائد افراد ملوث تھے، اب تک صرف 13 کروڑ روپے کی ریکوری ہوئی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار