گوگل فوٹوز میں نئے مصنوعی ذہانت کے فیچرز متعارف
اشاعت کی تاریخ: 13th, November 2025 GMT
۔
۔
۔
گوگل نے اپنے فوٹوز ایپ میں کئی نئے مصنوعی ذہانت یعنی اے آئی فیچرز شامل کرنے اور موجودہ خصوصیات کو مزید ممالک تک وسعت دینے کا اعلان کیا ہے۔
منگل کے روز جاری کیے گئے بیان کے مطابق، کمپنی کی سب سے نمایاں پیش رفت نینو بنانا (Nano Banana) نامی امیج ایڈیٹنگ ماڈل کو ایپ کے ایڈیٹر میں ضم کرنا ہے۔
یہ بھی پڑھیں: ایپل اور گوگل میں 1 ارب ڈالر کا معاہدہ، کیا ’سری‘ گوگل کے جیمنی اے آئی سے چلے گا؟
کمپنی نے پوچھنے کے لیے نیا بٹن آسک یعنی Ask بھی شامل کیا ہے، جس کے ذریعے صارفین اپنی تصاویر سے متعلق سوالات گفتگو کے انداز میں کر سکیں گے۔
ان میں سے بعض خصوصیات فی الحال صرف امریکا تک محدود ہیں، جبکہ دیگر کو مختلف خطوں میں متعارف کرایا جا رہا ہے۔
گوگل فوٹوز میں نئی اپ ڈیٹسگوگل نے اپنے بلاگ میں فوٹوز ایپ سے متعلق 5 نئی اپ ڈیٹس کی تفصیل جاری کی ہے۔ یہ تمام فیچرز تین شعبوں پر مرکوز ہیں: ایڈٹ، کریئیٹ یعنی create اور تلاش یعنی search۔
گزشتہ ماہ کمپنی نے اعلان کیا تھا کہ جلد ہی گوگل فوٹوز میں نینو بنانا فیچرز دستیاب ہوں گے، اور اب یہ صلاحیت آہستہ آہستہ صارفین کے لیے متعارف کرائی جا رہی ہے۔
نینو بنانا کی خصوصیات گوگل فوٹوز کے امیج ایڈیٹر کے اندر دستیاب ہوں گی۔ جب صارفین ’ہیلپ می ایڈٹ‘ بٹن پر کلک کریں گے، تو وہ اب زیادہ پیچیدہ ہدایات دے سکیں گے۔
مزید پڑھیں: گوگل نے نیا کوانٹم کمپیوٹنگ الگورتھم تیار کرلیا، آرٹیفیشل انٹیلیجنس میں انقلاب بپا کرنے کا اعلان
جیسے مجھے رینے ژاں دور کی پینٹنگ کی طرح دکھائیں یا میری تصویر کو رنگ برنگے ٹائلز والے موزائیک اسٹائل میں تبدیل کریں۔
یعنی جو بھی ایڈیٹنگ جیمنی ماڈل کے ذریعے نینو بنانا سے ممکن ہے، اب وہ براہِ راست گوگل فوٹوز میں کی جا سکتی ہے۔
گوگل نے یہ واضح نہیں کیا کہ یہ فیچر عالمی سطح پر دستیاب ہوگا یا نہیں، تاہم اس وقت یہ صرف اینڈرائیڈ صارفین کے لیے موجود ہے۔
iOS صارفین کے لیے نئے فیچرزامریکا میں ایپل صارفین کے لیے گوگل نے ’ہیلپ می ایڈٹ‘ فیچر متعارف کروایا ہے، جو صارفین کو آواز یا متن کے ذریعے ایڈیٹنگ کی سہولت دیتا ہے۔ البتہ یہ فیچر نینو بنانا سے منسلک نہیں، اس لیے صارفین کو صرف ایپ کے محدود ایڈیٹنگ ٹولز تک رسائی ہوگی۔
ساتھ ہی، کمپنی نے آئی فون صارفین کے لیے فوٹو ایڈیٹر کا نیا ڈیزائن بھی متعارف کرایا ہے۔
تخلیقی ٹیمپلیٹس اور ذاتی تجاویزسال کے آغاز میں گوگل نے فوٹوز میں ایک کریئیٹ ٹیب شامل کیا تھا، جہاں تمام اے آئی ٹولز کو آسانی سے ایک جگہ رکھا گیا ہے۔ اب اسی میں کمپنی نے اے آئی ٹیمپلیٹس فیچر بھی شامل کیا ہے، جو نینو بنانا سے تقویت یافتہ ہے۔
اس فیچر کے ذریعے صارفین مثلاً اپنی تصویر اپ لوڈ کر کے ہائی فیشن فوٹو شوٹ ٹیمپلیٹ منتخب کریں، تو تصویر خود بخود اسی انداز میں بغیر کسی اضافی ٹیکسٹ پرامپٹ کے تبدیل ہو جائے گی۔
مزید پڑھیں:وزیراعظم شہباز شریف کا پاکستان میں گوگل کے دفاتر اور سرمایہ کاری کا خیرمقدم، ہری پور میں اسمبلی لائن خوش آئند قرار
یہ فیچر پہلے مرحلے میں بھارت اور امریکا کے اینڈرائیڈ صارفین کے لیے اس ہفتے جاری کیا جا رہا ہے۔
گوگل نے بتایا کہ آئندہ ہفتوں میں وہ اس فیچر میں ذاتی نوعیت کی تہہ بھی شامل کرے گا، جو صارف کی تصاویر سے متعلق معلومات استعمال کر کے دلچسپیوں اور مشاغل کے مطابق ایڈیٹنگ تجاویز دے گا۔ یہ فیچر سب سے پہلے امریکا میں دستیاب ہوگا۔
آسک فوٹوز کا عالمی اجراکمپنی نے ایک نیا آسک بٹن بھی شامل کیا ہے، جو تصویر کے نیچے موجود ہوگا۔ اس بٹن سے صارفین نہ صرف تصویر کے بارے میں گفتگو شروع کر سکتے ہیں بلکہ متعلقہ تصاویر تلاش یا ایڈیٹنگ تجاویز بھی حاصل کر سکتے ہیں۔
اسی کے ساتھ، گوگل نے اعلان کیا ہے کہ اس کا آسک فوٹوزفیچر، جو تصویری سرچ کو گفتگو کی صورت میں ممکن بناتا ہے، اب 100 سے زائد ممالک اور 17 نئی زبانوں میں دستیاب ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسک فوٹوز امریکا اینڈرائیڈ صارفین اے آئی ٹولز بھارت ٹیکسٹ پرامپٹ ٹیمپلیٹس فیچر جیمنی فوٹوز گوگل مصنوعی ذہانت.
ذریعہ
ذریعہ: WE News
کلیدی لفظ: ا سک فوٹوز امریکا اینڈرائیڈ صارفین اے ا ئی ٹولز بھارت ٹیکسٹ پرامپٹ ٹیمپلیٹس فیچر فوٹوز گوگل مصنوعی ذہانت صارفین کے لیے کے ذریعے شامل کیا گوگل نے اے ا ئی کیا ہے
پڑھیں:
میڈ اِن پاکستان الیکٹرک گاڑی کی مارکیٹ میں آمد جلد متوقع، بی وائی ڈی نے اہم اعلان کردیا
چین کی معروف الیکٹرک اور نیو انرجی وہیکل ساز کمپنی ’بی وائی ڈی ‘ نے کہا ہے کہ سندھ کے علاقے غارو میں قائم کیا جانے والا اس کا 150 ملین ڈالر مالیت کا اسمبلنگ پلانٹ تکمیل کے آخری مرحلے میں داخل ہو چکا ہے۔
جبکہ کمپنی پاکستان میں تیار ہونے والی پہلی مقامی بی وائی ڈی گاڑی کو جلد از جلد مارکیٹ میں متعارف کرانے کے لیے کام تیز کر رہی ہے۔
کمپنی کے مطابق پلانٹ میں تعمیراتی کام تقریباً مکمل ہو چکا ہے، جبکہ اس وقت جدید مشینری کی تنصیب، کمیشننگ اور دیگر تکنیکی مراحل جاری ہیں تاکہ عالمی معیار کے مطابق پیداوار کا آغاز کیا جا سکے۔
پلانٹ کی سالانہ پیداواری صلاحیت 25 ہزار گاڑیاں ہوگیبی وائی ڈی پاکستان، میگا موٹر کمپنی (ایم ایم سی ) کے وائس پریزیڈنٹ سیلز اینڈ اسٹریٹجی، دانش خالق نے بتایا کہ تقریباً 2 سال سے بھی کم عرصے میں تیار ہونے والا یہ منصوبہ پاکستان میں اپنی نوعیت کے تیز ترین آٹو مینوفیکچرنگ منصوبوں میں شمار ہوتا ہے۔
یہ بھی پڑھیں:چینی کمپنی پاکستان میں الیکٹرک گاڑیاں تیار کرے گی، شارک 6 پلگ اِن ہائبرڈ پک اپ آج مارکیٹ میں آئے گی
انہوں نے کہا کہ پلانٹ مکمل طور پر فعال ہونے کے بعد سالانہ تقریباً 25 ہزار نیو انرجی وہیکلز اسمبل کرنے کی صلاحیت رکھے گا، جس سے ملک میں ماحول دوست گاڑیوں کی بڑھتی ہوئی طلب پوری کرنے میں مدد ملے گی۔
پہلی مقامی بی وائی ڈی گاڑی جلد متعارف کرانے کا ہدفدانش خالق کے مطابق کمپنی کی اولین ترجیح پاکستان میں تیار ہونے والی پہلی بی وائی ڈی گاڑی کو جلد از جلد صارفین تک پہنچانا ہے۔
تاہم انہوں نے واضح کیا کہ باقاعدہ پیداوار شروع کرنے سے قبل مشینری کی جانچ، پیداواری آزمائش اور معیار کی تصدیق کے متعدد مراحل مکمل کیے جائیں گے تاکہ ہر گاڑی کمپنی کے عالمی معیار پر پوری اترے۔
2 ہزار سے زیادہ گاڑیوں کی سب سے بڑی کھیپ پاکستان پہنچ گئیاس پیش رفت سے قبل بی وائی ڈی پاکستان نے گزشتہ ہفتے بحری جہاز کے ذریعے 2 ہزار سے زیادہ گاڑیوں کی اب تک کی سب سے بڑی کھیپ درآمد کی۔
کمپنی کا کہنا ہے کہ اس درآمد کا مقصد صارفین کو بروقت گاڑیوں کی فراہمی یقینی بنانا اور ملک بھر میں موجود ڈیلر نیٹ ورک میں مطلوبہ تعداد میں گاڑیاں دستیاب رکھنا ہے۔
ایندھن کی بڑھتی قیمتوں سے الیکٹرک گاڑیوں کی طلب میں اضافہبی وائی ڈی کے مطابق پاکستان میں گزشتہ ایک سال کے دوران نیو انرجی وہیکلز میں صارفین کی دلچسپی مسلسل بڑھی ہے، جبکہ حالیہ عرصے میں ایندھن کی قیمتوں میں اضافے نے اس رجحان کو مزید تقویت دی ہے۔
مزید پڑھیں:چین کی سب سے بڑی کارساز کمپنی پاکستان میں الیکٹرک گاڑیاں لانچ کرنے کے لیے پُرعزم
کمپنی کا دعویٰ ہے کہ اس کی جدید ٹیکنالوجی کی بدولت بی وائی ڈی گاڑیوں کے آپریٹنگ اخراجات روایتی پیٹرول یا ڈیزل گاڑیوں کے مقابلے میں 75 فیصد تک کم ہو سکتے ہیں، جبکہ حفاظت، کارکردگی اور قابلِ اعتماد معیار بھی برقرار رہتا ہے۔
چارجنگ انفراسٹرکچر میں بھی سرمایہ کاری جاریدانش خالق نے بتایا کہ بی وائی ڈی پاکستان نے ہبکو گرین پرائیویٹ لمیٹڈ (ایچ جی ایل) کے ساتھ شراکت داری کے ذریعے ملک بھر میں نیو انرجی وہیکلز کے لیے چارجنگ نیٹ ورک کی توسیع کا کام بھی جاری رکھا ہوا ہے۔
انہوں نے کہا کہ اب تک کراچی سے پشاور تک تقریباً 1,300 کلومیٹر طویل روٹ پر 19 پبلک ڈی سی فاسٹ چارجنگ اسٹیشنز قائم کیے جا چکے ہیں، جبکہ آئندہ مرحلے میں مزید شہروں، اہم شاہراہوں اور دوسرے درجے کے شہری مراکز تک اس نیٹ ورک کو توسیع دی جائے گی۔
بی وائی ڈی نے 2024 میں مقامی شراکت دار میگا موٹر کمپنی (ایم ایم سی) کے ساتھ اشتراک کے ذریعے پاکستان کی مسافر گاڑیوں کی مارکیٹ میں باضابطہ طور پر قدم رکھا تھا۔
گزشتہ سال کمپنی نے اعلان کیا تھا کہ پاکستان میں اسمبل ہونے والی پہلی بی وائی ڈی گاڑی جولائی یا اگست 2026 تک متعارف کرانے کا ہدف رکھا گیا ہے۔
یہ بھی پڑھیں:پاکستان میں 2030 تک فروخت ہونے والی 30 فیصد نئی گاڑیاں الیکٹرک ہوں گی
ماہرین کے مطابق پاکستان میں الیکٹرک اور نیو انرجی وہیکلز کی مارکیٹ تیزی سے ترقی کر رہی ہے۔
حکومت کی جانب سے ماحول دوست ٹرانسپورٹ کی حوصلہ افزائی، ایندھن کی بڑھتی قیمتیں اور چارجنگ انفراسٹرکچر میں بہتری ایسے عوامل ہیں جو اس شعبے میں سرمایہ کاری اور صارفین کی دلچسپی میں اضافے کا سبب بن رہے ہیں۔
بی وائی ڈی کا غارو پلانٹ بھی اسی بدلتے ہوئے رجحان کا اہم حصہ تصور کیا جا رہا ہے، جس سے مقامی آٹو انڈسٹری، روزگار کے مواقع اور جدید ٹیکنالوجی کی منتقلی کو بھی فروغ ملنے کی توقع ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکٹر گاڑیوں الیکٹرک گاڑیاں ایندھن بی وائی ڈی پیداواری ٹیکنالوجی نیو انرجی وہیکلز
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار