اسموگ کے خاتمے کے لیے گرین اسٹیکر کے بغیر گاڑیاں سڑکوں پر نہیں چل سکیں گی
اشاعت کی تاریخ: 13th, November 2025 GMT
اسموگ کے خاتمے کے لیے ادارہ تحفظِ ماحولیات نے فیصلہ کیا ہے کہ گرین اسٹیکر کے بغیر گاڑیاں اب سڑکوں پر نہیں چل سکیں گی۔
پنجاب بھر میں ماحولیاتی آلودگی کے بڑھتے ہوئے خطرات کے پیشِ نظر صوبائی ادارہ تحفظِ ماحولیات (ای پی اے پنجاب) نے گاڑیوں کے اخراج (ایمیشن) کے معائنے کو لازمی قرار دیتے ہوئے سخت کریک ڈاؤن کا اعلان کر دیا ہے۔
یہ بھی پڑھیں:وزیراعلیٰ پنجاب ’کوپ کانفرنس‘ میں اسموگ پر بھارت سے آلودگی کا معاملہ اٹھائیں گی
ای پی اے کے ترجمان ساجد بشیر کے مطابق 15 نومبر 2025 کے بعد گرین اسٹیکر کے بغیر کوئی بھی گاڑی موٹروے یا شہروں کے داخلی راستوں پر داخل نہیں ہو سکے گی۔
اس اقدام کا مقصد دھواں اور آلودگی پھیلانے والی گاڑیوں کو روکنا ہے، جو صوبے کے شہری علاقوں میں فضائی آلودگی کی ایک بڑی وجہ ہیں۔
پیڈ وہیکل ایمیشن ٹیسٹنگ کا آغاز
ترجمان کے مطابق ای پی اے پنجاب نے پیڈ وہیکل ایمیشن ٹیسٹنگ (وی ای ٹی) کا سرکاری آغاز کر دیا ہے۔ اب سے گاڑیوں کے اخراج ٹیسٹ کی فیس لازمی طور پر وصول کی جا رہی ہے۔
ادارے نے اخراج ٹیسٹ کی فیسوں کا نیا اور حتمی شیڈول جاری کر دیا ہے، جو گاڑیوں کی قسم اور انجن کی صلاحیت (سی سی) کی بنیاد پر طے کیا گیا ہے۔
تمام ادائیگیاں صرف ای پے سسٹم کے ذریعے ہوں گی، جبکہ نقد ادائیگی کو مکمل طور پر ممنوع قرار دے دیا گیا ہے۔ بغیر ای پے تصدیق کے کوئی گاڑی ٹیسٹ کے لیے قبول نہیں کی جائے گی۔
ای پی اے کی جانب سے جاری کردہ شیڈول کے مطابق موٹر سائیکل 100 روپے، رکشہ 300 روپے، 1000 سی سی تک کی کاریں 500 روپے، 1000 سے 1500 سی سی کاریں 800 روپے، 1500 سے 2500 سی سی گاڑیاں 1000 روپے، 2500 سے 4500 سی سی گاڑیاں 1500 روپے، جبکہ 4500 سی سی سے بڑی گاڑیاں 2000 روپے فیس ادا کریں گی۔
ترجمان ساجد بشیر نے مزید بتایا کہ تمام ٹیسٹنگ اسٹیشنز پر فیسوں اور ادائیگی کے طریقۂ کار سے متعلق معلومات نمایاں طور پر آویزاں کرنے کے احکامات جاری کر دیے گئے ہیں تاکہ شہریوں کو کوئی الجھن نہ ہو۔
افسران کے لیے نئی ہدایات
ہدایات پر عمل درآمد یقینی بنانے کے لیے ہر افسر کو مخصوص آئی ڈی جاری کی جائے گی، اور وہ اپنی آئی ڈی کے استعمال کا ذاتی طور پر ذمہ دار ہوگا۔ ہدایات پر عمل نہ کرنے والے افسران کے خلاف سخت محکمانہ کارروائی کی جائے گی، جو برطرفی تک جا سکتی ہے۔
کمرشل گاڑیوں پر پابندی
کمرشل گاڑیوں کے لیے بھی سخت ضابطے نافذ کیے جا رہے ہیں۔ گرین اسٹیکر کے بغیر کمرشل گاڑیاں لاہور سمیت دیگر شہروں میں داخل نہیں ہو سکیں گی۔
یہ پابندی خاص طور پر ٹرانسپورٹ، بسوں، ٹرکوں اور دیگر کمرشل وہیکلز پر ہوگی، کیونکہ بڑی گاڑیوں کے دھوئیں کی وجہ سے سموگ پیدا ہو رہی ہے۔
یہ بھی پڑھیں:پنجاب پولیس کا اسموگ کے خلاف بڑا کریک ڈاؤن، 24 گھنٹوں میں 28 مقدمات، 396 افراد پر جرمانے
ای پی اے پنجاب کے اعداد و شمار کے مطابق پنجاب میں فضائی آلودگی کی سطح عالمی معیار سے کئی گنا زیادہ ہے، جس کی ایک بڑی وجہ گاڑیوں سے نکلنے والا دھواں ہے۔ لاہور، فیصل آباد، گوجرانوالہ، ملتان، سیالکوٹ اور راولپنڈی جیسے شہروں میں سموگ کا مسئلہ ہر سال شدید ہو جاتا ہے۔
اس کریک ڈاؤن سے نہ صرف آلودگی میں کمی آئے گی بلکہ شہریوں کی صحت کو بھی تحفظ ملے گا۔ ترجمان نے شہریوں سے اپیل کی کہ وہ فوری طور پر اپنی گاڑیوں کا اخراج ٹیسٹ کروا کر گرین اسٹیکر حاصل کریں تاکہ 15 نومبر کی ڈیڈ لائن سے قبل پریشانی سے بچا جا سکے۔
مزید اقدامات اور سہولتیں
ای پی اے نے ٹیسٹنگ اسٹیشنز کی تعداد بڑھانے کا بھی اعلان کیا ہے، جہاں ای پے کے ذریعے ادائیگی کے بعد فوری ٹیسٹ اور اسٹیکر جاری کیا جائے گا۔ مزید معلومات کے لیے شہری ای پی اے کی ویب سائٹ یا ہیلپ لائن سے رابطہ کر سکتے ہیں۔
یہ اقدام صوبائی حکومت کی ماحولیاتی پالیسی کا حصہ ہے، جو اقوامِ متحدہ کے پائیدار ترقی کے اہداف (SDGs) سے ہم آہنگ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسموگ پنجاب ٹیسٹنگ اسٹیشنز حکومت پنجاب گرین اسٹیکر.
ذریعہ
ذریعہ: WE News
کلیدی لفظ: اسموگ ٹیسٹنگ اسٹیشنز حکومت پنجاب گرین اسٹیکر گرین اسٹیکر کے بغیر گاڑیوں کے کے مطابق کے لیے
پڑھیں:
سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، شرجیل میمن
فائل فوٹو
وزیر اطلاعات سندھ شرجیل میمن کا کہنا ہے کہ سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، گریڈ ایک سے 16 تک ملازمین کا سفری الاؤنس بڑھا دیا گیا ہے۔
سندھ کابینہ اجلاس کے بعد پریس کانفرنس کرتے ہوئے شرجیل میمن نے کہا کہ سندھ کابینہ کے اجلاس میں اہم فیصلے کیے گئے ہیں، گورنر ہاؤس اور وزیراعلیٰ ہاؤس اسٹاف کی ہیلتھ انشورنس میں چھ ماہ کی توسیع کی ہے، معیشت، سرمایہ کاری، مالیات، آبی وسائل سے متعلق مختلف ٹاسک فورسز تشکیل دی ہیں، موسمیاتی تبدیلی اور آرٹیفیشل انٹیلیجنس سے متعلق مختلف ٹاسک فورسز تشکیل دی ہیں۔
شرجیل میمن نے کہا کہ سندھ کابینہ نے گٹکا اور مین پوری کے خلاف سخت کریک ڈاؤن کی منظوری دی ہے، گٹکا ماوا کیخلاف کارروائی نارکوٹکس کنٹرول کا محکمہ کرے گا، قانون سازی کر رہے ہیں۔
شرجیل میمن نے کہا کہ ملازمین عملی کام کے بجائے یونٹ، سیکٹر دفاتر میں بیٹھے رہتے تھے، صحافی ولی خان بابر نے ایسے معاملات کی رپورٹنگ کی تھی بعد میں انھیں قتل کر دیا گیا۔
صوبائی وزیر نے کہا کہ ہم چاہتے ہیں کہ زراعت کے شعبے کو نقصان نہ ہو، قانون میں گندم کی ترسیل روکنے کی ممانعت ہے، پنجاب نے گندم کی ترسیل روکی ہوئی ہے، پنجاب نے گندم کی ترسیل کیلئے بارڈر سیل کیے ہیں، ہم مذمت کرتے ہیں، گندم کی فصل بہت اچھی ہوئی، سندھ میں کچھ لوگوں نے گندم کی ذخیرہ اندوزی کر رکھی ہے۔
شرجیل میمن نے کہا کہ سندھ حکومت پانچ لاکھ میٹرک ٹن گندم امپورٹ کرے گی، پاسکو سے بھی گندم خریدی جائے گی، ان اقدامات سے گندم ذخیرہ کرنے والوں کو بہت نقصان ہوگا، ناردرن بائی پاس پر 4 سو ایکڑ پر ٹرک اسٹینڈ بنانے جارہے ہیں۔
شرجیل میمن نے کہا کہ افسوس کی بات ہےان دونوں رہنماؤں نے آئین اور قانون کا سنجیدہ مطالعہ نہیں کیا، مطالعہ کرتے تو اس نوعیت کے غیر ذمہ دارانہ بیانات دینے سے گریز کرتے۔
صوبائی وزیر نے مزید کہا کہ مون سون کے موقع پر تمام اداروں کو الرٹ جاری کر دیا گیا ہے، کے پی کے اور پنجاب میں بارشوں سے اموات ہوئی ہیں، حیرت کی بات ہے ہمارے میڈیا نے پر اس پر خاموشی رکھی ہوئی ہے۔
انہوں نے مزید کہا کر بارش سے پنجاب کے دیہی اور شہری علاقوں کے حالات خراب ہیں، ملک بھر میں بارشوں سے بہت تباہی ہوئی ہے، پنجاب میں بارشوں سے 17 افراد جاں بحق ہوئے، خیبر پختونخوا میں بارشوں سے 20 افراد جان کی بازی ہار گئے ہیں۔
شرجیل میمن نے کہا کہ کشمیر میں انتخابات چل رہے ہیں، کشمیر انتخابات میں مسلم لیگ ن ضابطہ اخلاق کی خلاف ورزی کررہی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار