26 نومبر احتجاج کیس، علیمہ خان کے شیئرز فریز کرنے کا حکم
اشاعت کی تاریخ: 13th, November 2025 GMT
علیمہ خان—فائل فوٹو
راولپنڈی کی انسدادِ دہشت گردی کی عدالت نے 26 نومبر کے احتجاج پر درج مقدمے کی سماعت کرتے ہوئے بانیٔ پی ٹی آئی کی بہن علیمہ خان کے شیئرز فریز کرنے کا حکم دے دیا۔
سماعت کے دوران چیئرمین ایس ای سی پی نے علیمہ خان کی کمپنیز سے متعلق رپورٹ عدالت میں جمع کرا دی۔
عدالت نے دیگر 2 کمپنیوں کے خلاف بھی قانون کے مطابق کارروائی کرنے کا حکم دیا۔
عدالت نے علیمہ خان کو گرفتار کر کے 17 نومبر کو پیش کرنے کا حکم دے دیا۔
عدالت نے رپورٹ جمع نہ کرانے پر سینئر ممبر بورڈ آف ریونیو اور سیکریٹری کوآپریٹوز پنجاب، ڈی جی لینڈ ریکارڈ اتھارٹیز، کمشنر اسلام آباد اور چیئرمین سی ڈی اے کو توہینِ عدالت کا نوٹس جاری کر دیا۔
عدالت کی جانب سے متعلقہ اداروں کو پہلے ہی علیمہ خان کی جائیداد سے متعلق تفصیلات پیش کرنے کی ہدایت کی گئی تھی۔
2 نجی بینکس کے منیجرز کے جاری وارنٹ گرفتاری پر تعمیل کے لیے عدالت کی جانب سے سی سی پی او کراچی اور لاہور کو ہدایات جاری کر دی گئیں۔
عدالت نے علیمہ خان کے ضامن عمر شریف کے وارنٹ گرفتاری پر تعمیل کے لیے آر پی او راولپنڈی کو بھی نوٹس جاری کر دیا۔
راولپنڈی کی انسدادِ دہشت گردی کی عدالت نے مقدمے کی سماعت 17 نومبر تک ملتوی کر دی۔
.
ذریعہ
ذریعہ: Jang News
کلیدی لفظ: علیمہ خان کے کرنے کا حکم عدالت نے
پڑھیں:
حکمران ہم سے خوفزدہ، ہمارا فوکس بانی پی ٹی آئی کی رہائی ہے، علیمہ خان
بانی پی ٹی آئی کی ہمشیرہ علیمہ خان(Aleema khan) نے کہا کہ حکمراں اتنے خوفزدہ ہیں کہ بشریٰ بی بی کی فیملی کو بتایا ہوا ہے باہر جا کر بات نہیں کرنا۔
راولپنڈی میں گورکھپور فیکٹری ناکے پر میڈیا سے گفتگو کرتے ہوئے علیمہ خان نے کہا کہ ہمیں پتہ ہے یہ ڈرے ہوئے اور خوفزدہ ہیں، ہمارا فوکس بانی پی ٹی آئی کی رہائی ہے۔
انھوں نے کہا کہ آج اڈیالہ جیل کے اطراف کرفیو لگایا گیا ہے، بازار بھی بند کیا گیا ہے، ہمارا آئینی حق ہے کہ ہم اپنے بھائی سے ملیں، بانی پی ٹی آئی کو قید تنہائی میں رکھ کر ٹارچر کیا جا رہا ہے۔
مزید پڑھیں:نیپرا، بجلی 1 روپیہ 73 پیسے مہنگی کرنے کی درخواست پر فیصلہ محفوظ
علیمہ خان نے کہا کہ میرے خلاف بھی کیس چل رہا ہے مجھے بھی جیل میں ڈال دیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ