سرینگر کے نوگام حادثاتی دھماکے کی تحقیقات ہونی چاہیئے، آغا سید روح اللہ مہدی
اشاعت کی تاریخ: 21st, November 2025 GMT
ممبر پارلیمنٹ نے بتایا کہ بی جے پی نے ملک میں پروپگنڈہ کیا تھا کہ دفعہ 370 کی تنسیخ کے بعد یہاں حالات میں بہتری آئی ہے، تاہم حالیہ واقعات نے ثابت کردیا ہے کہ پانچ اگست کے بعد صورتحال میں بہتری کے تمام تر دعوے سراب ثابت ہورہے ہیں۔ اسلام ٹائمز۔ سرینگر نوگام حادثاتی دھماکے میں مارے گئے افراد کے ساتھ مختلف سیاسی اور سماجی افراد تعزیت پرسی کے لئے پہنچ رہے ہیں، آج ممبر پارلمینٹ آغا سید روح اللہ مہدی ہاری پاریگام ترال پہنچے اور یہاں گزشتہ دنوں نوگام حادثاتی دھماکے میں ہلاک جاوید منصور کرائم فوٹو گرافر کے لواحقین کے ساتھ تعزیت کا اظہار کیا۔ انہوں نے لواحقین کے ساتھ کچھ وقت گزارا اور ان کی ڈھارس بندھائی۔ میڈیا کے ساتھ بات کرتے ہوئے آغا سید روح اللہ مہدی نے بتایا کہ نوگام حادثاتی دھماکے میں اس حوالے سے تحقیقات ہونی چاہیئے کہ کس طرح نان پروفیشنل افراد کو بارودی مواد کا جائزہ لینے کے وقت وہاں رکھا گیا۔
آغا سید روح اللہ مہدی نے مزید بتایا کہ بی جے پی نے ملک میں پروپگنڈہ کیا تھا کہ دفعہ 370 کی تنسیخ کے بعد یہاں حالات میں بہتری آئی ہے، تاہم حالیہ واقعات نے ثابت کر دیا ہے کہ پانچ اگست کے بعد صورتحال میں بہتری کے تمام تر دعوے سراب ثابت ہو رہے ہیں اور ملک میں دہشتگردی کے واقعات نے اسے ثابت کیا ہے کہ دہشت گردی کا اس کے ساتھ کوئی تعلق نہیں ہے۔ انہوں نے نیشنل کانفرنس کی قیادت پر الزام لگایا کہ جس طرح وہ میرے خلاف بیان بازی کر رہے ہیں اس طرح ان کو بھارتی وزیراعظم نریندر مودی کے خلاف آواز بلند کرنی چاہیئے مگر بدقسمتی سے ایسا نہیں ہو رہا ہے۔
ذریعہ: Islam Times
کلیدی لفظ: آغا سید روح اللہ مہدی میں بہتری کے ساتھ کے بعد
پڑھیں:
پاکستان کو کسی صورت بھی فوج غزہ نہیں بھیجنی چاہیئے، حافظ نعیم الرحمان
نجی ٹی وی سے گفتگو کرتے ہوئے حافظ نعیم الرحمان نے کہا کہ حماس، فلسطینی اتھارٹی سمیت تمام گروپوں کا اتفاق ہے کہ غزہ کے اندر کوئی بھی فورس باہر کی نہیں آنی چاہیئے، جتنی بھی مذاکرات میں یہ بات نہیں لکھی اور مذاکرات کرانے والے ممالک بھی سمجھتے ہیں یہ کام نہیں ہونا چاہیئے۔ اسلام ٹائمز۔ جماعت اسلامی پاکستان کے امیر حافظ نعیم الرحمان نے کہا ہے کہ پاکستان کو کسی صورت بھی فوج غزہ نہیں بھیجنی چاہیئے۔ نجی ٹی وی سے گفتگو کرتے ہوئے حافظ نعیم الرحمان نے کہا کہ پاکستان کو قائداعظم والی پوزیشن میں رہنا چاہیئے کہ ہم اسرائیل کو تسلیم نہیں کریں گے، پاکستان کو صرف ایک فلسطین کی آزاد ریاست کی بات کرنی چاہیئے۔ انہوں نے کہا کہ پاکستان کو کسی صورت بھی فوج غزہ نہیں بھیجنی چاہیئے، غزہ میں سوال ہی پیدا نہیں ہوتا کہ کوئی فوج جانی چاہیئے کیونکہ پھر یہ آپس میں فلسطینیوں سے لڑوا دیں گے جو کام اسرائیل کر رہا وہ کام ہم کیوں کریں؟ ان کا کہنا تھا کہ حماس، فلسطینی اتھارٹی سمیت تمام گروپوں کا اتفاق ہے کہ غزہ کے اندر کوئی بھی فورس باہر کی نہیں آنی چاہیئے، جتنی بھی مذاکرات میں یہ بات نہیں لکھی اور مذاکرات کرانے والے ممالک بھی سمجھتے ہیں یہ کام نہیں ہونا چاہیئے۔
لاہور کا فضائی معیار انتہائی مضر صحت