’سیف اینڈ سیکیور اسلام آباد‘ منصوبہ، اب ہر گھر اور گاڑی کی نگرانی ہوگی
اشاعت کی تاریخ: 15th, November 2025 GMT
حکومت نے دارالحکومت اسلام آباد میں سیکیورٹی کو مضبوط بنانے کے لیے ایک نیا منصوبہ شروع کیا ہے جس کا مقصد شہریوں، کاروباری اداروں اور غیر ملکی مہمانوں کی حفاظت کو یقینی بنانا ہے۔
یہ بھی پڑھیں:اسلام آباد دھماکا: دارالحکومت کو دہشتگردوں سے محفوظ بنانے کے لیے ’سیکیور نیبر ہڈ‘ سروے کرانے کا اعلان
واضح رہے کہ اس منصوبے کو ’سیف اینڈ سکیور اسلام آباد‘ کا نام دیا گیا ہے اور اس کے ذریعے شہر میں جرائم کی روک تھام اور نظم و ضبط کو بہتر بنایا جائے گا۔
شہریوں اور دکانوں کا تفصیلی جائزہمنصوبے کے ابتدائی مرحلے میں اسلام آباد کے ہر گھر، دکان اور دفتر کا تفصیلی جائزہ لیا جائے گا۔ اس جائزے میں رہائشیوں کی تعداد، عمر، گھر یا دکان کی ملکیت یا کرایہ داری، اور دیگر بنیادی معلومات شامل کی جائیں گی۔
یہ حکومت کی جانب سے شہریوں کے لیے ایک سہولت فراہم کی گئی ہے جس کے ذریعے وہ خود اپنے مکانات اور دکانوں کی معلومات فراہم کر سکیں گے۔
اگر کوئی شہری معلومات فراہم نہ کرے تو انتظامیہ دیگر ذرائع سے یہ تفصیلات حاصل کرے گی تاکہ کوئی خلل نہ آئے۔
گاڑیوں کی نگرانی اور شناختی نشانمنصوبے کے اگلے مرحلے میں شہر کی تمام گاڑیوں پر خصوصی شناختی نشان لگانے کی تجویز ہے۔ اس اقدام کا مقصد یہ ہے کہ گاڑیوں کی نقل و حرکت پر نظر رکھی جا سکے اور کسی بھی مشکوک سرگرمی کی فوری نشاندہی ممکن ہو۔
یہ بھی پڑھیں:اسلام آباد میں کروائے جانے والا ’سیکیور نیبرہڈ سروے‘ کیا ہے؟ اور یہ کیوں ضروری ہے؟
اس کے ذریعے پولیس اور انتظامیہ شہر میں امن و امان کی صورتحال کو بہتر طریقے سے کنٹرول کر سکیں گے۔ ماہرین کے مطابق یہ اقدام دہشت گردی یا دیگر خطرناک سرگرمیوں کی روک تھام میں بھی مددگار ثابت ہوگا۔
واضح رہے کہ وزیر مملکت برائے داخلہ طلال چوہدری کا کہنا تھا کہ چونکہ اسلام آباد وفاقی دارالحکومت ہے، اس لیے یہاں سیکیورٹی کی ذمہ داری دیگر شہروں کے مقابلے میں زیادہ ہے۔
انہوں نے بتایا کہ منصوبے کی تکمیل تقریباً 3 ماہ میں ممکن ہے اور شہریوں پر زور دیا کہ وہ اپنی معلومات بروقت فراہم کریں تاکہ منصوبے کی درستگی میں مدد ملے۔
سیکیورٹی کے فوائد اور اثراتسیکیورٹی امور کے ماہر ڈاکٹر بابر علی کے مطابق یہ منصوبہ شہر میں رہنے والے شہریوں کے لیے ایک محفوظ ماحول فراہم کرے گا۔ اس کے ذریعے جرائم کی روک تھام، مشکوک سرگرمیوں کی شناخت، اور شہریوں کی حفاظت کو بہتر بنایا جا سکے گا۔
یہ بھی پڑھیں:اسلام آباد دھماکے کے ذمہ داروں کو نشان عبرت بنایا جائےگا، وزیراعظم نے تحقیقات کا حکم دے دیا
اس کے علاوہ انتظامیہ کو شہر کے مختلف علاقوں میں نگرانی کے لیے جدید اور مربوط نظام حاصل ہوگا، جس سے کسی بھی غیر قانونی کارروائی یا خطرناک واقعے کی بروقت اطلاع ممکن ہوگی۔
یہ منصوبہ کامیاب تب ہی ہو سکتا ہے جب شہری مکمل تعاون کریں اور اپنے مکانات اور دکانوں کی درست معلومات فراہم کریں۔
یاد رہے کہ حکومت نے شہریوں کے اعتماد کو مدنظر رکھتے ہوئے وضاحت کی ہے کہ یہ معلومات صرف سکیورٹی کے مقاصد کے لیے استعمال ہوں گی اور کسی بھی غیر قانونی استعمال کی اجازت نہیں دی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
’سیف اینڈ سکیور اسلام آباد اسلام اباد اسلام آباد نگرانی ڈاکٹر بابر علی.ذریعہ: WE News
کلیدی لفظ: سیف اینڈ سکیور اسلام آباد اسلام اباد اسلام ا باد نگرانی ڈاکٹر بابر علی اسلام ا باد اسلام آباد کے ذریعے کے لیے
پڑھیں:
پاک بھارت تصادم کا خدشہ، برطانیہ نے اپنے شہریوں کیلئے ایڈوائزری جاری کردی
ایڈائزری میں کہا گیا ہے کہ شہری مقبوضہ جموں و کشمیر اور لائن آف کنٹرول کے اطراف سفر سے گریز کریں۔ برطانوی حکومت کی جانب سے جاری کی گئی ٹریول ایڈوائزری میں بطور احتیاط ہائی کمیشن کے عملے کو اسلام آباد میں نقل و حرکت محدود رکھنے کی ہدایت کی گئی ہے۔ اسلام ٹائمز۔ برطانیہ نے پاکستان اور بھارت میں اپنے شہریوں کیلئے ٹریول ایڈوائزری جاری کر دی ہے۔ برطانوی حکومت نے شہریوں کو پاک بھارت سرحدی علاقے کے سفر سے گریز کی ہدایت کی ہے۔ ایڈائزری میں کہا گیا ہے کہ شہری مقبوضہ جموں و کشمیر اور لائن آف کنٹرول کے اطراف سفر سے گریز کریں۔ برطانوی حکومت کی جانب سے جاری کی گئی ٹریول ایڈوائزری میں بطور احتیاط ہائی کمیشن کے عملے کو اسلام آباد میں نقل و حرکت محدود رکھنے کی ہدایت کی گئی ہے۔ برطانوی حکومت نے اپنے شہریوں سے کہا ہے کہ وہ اسلام آباد میں حکام کی ہدایات پر عمل کریں اور مقامی میڈیا سے باخبر رہیں۔
قلات، فائرنگ سے قبائلی رہنما سمیت 4 افراد جاں بحق