پنجاب کے ضمنی الیکشن میں ن لیگ کا پلڑا بھاری—قومی و صوبائی نشستوں پر بڑھتی سبقت نے سیاسی منظر نامہ بدل دیا
اشاعت کی تاریخ: 23rd, November 2025 GMT
پنجاب میں ہونے والے ضمنی انتخابات سیاسی سرگرمیوں کا مرکز بنے رہے جہاں قومی اسمبلی کی 5 اور صوبائی اسمبلی کی 7 نشستوں پر پولنگ مکمل ہونے کے بعد غیر حتمی غیر سرکاری نتائج سامنے آنا شروع ہوگئے ہیں۔ ابتدائی نتائج کے مطابق مسلم لیگ (ن) نے قومی اور صوبائی دونوں سطحوں پر مجموعی برتری حاصل کی ہے۔ قومی اسمبلی کے حلقوں میں این اے 129 لاہور سے حافظ میاں محمد نعمان، این اے 143 ساہیوال سے محمد طفیل اور این اے 185 ڈیرہ غازی خان سے محمود قادر خان کامیاب قرار پائے، جبکہ فیصل آباد کے حلقوں این اے 96 اور این اے 104 میں بھی ن لیگی امیدوار سبقت برقرار رکھے ہوئے ہیں۔ صوبائی نشستوں میں پی پی 203 ساہیوال، پی پی 73 سرگودھا، پی پی 87 میانوالی، پی پی 98، پی پی 115 اور پی پی 116 فیصل آباد میں مسلم لیگ (ن) نے نمایاں برتری حاصل کی، جبکہ پی پی 269 مظفر گڑھ میں پیپلز پارٹی کے میاں علمدار عباس قریشی سب سے آگے رہے۔ صوبے بھر میں پولنگ صبح 8 بجے سے شام 5 بجے تک پُرامن ماحول میں جاری رہی اور ووٹوں کی گنتی تاحال جاری ہے۔
.ذریعہ: Nawaiwaqt
پڑھیں:
ضمنی انتخابات: ذرائع ابلاغ کیلئے ضابطۂ اخلاق جاری
—فائل فوٹوالیکشن کمیشن آف پاکستان نے ضمنی انتخابات میں ذرائع ابلاغ کے لیے ضابطۂ اخلاق جاری کر دیا۔
الیکشن کمیشن نے ذرائع ابلاغ کو ہدایت کی ہے کہ غیر سرکاری نتائج پولنگ کے اختتام کے کم از کم ایک گھنٹے بعد سے نشر کیے جائیں اور واضح لکھا جائے کہ یہ نتائج غیر حتمی اور جزوی ہیں۔
الیکشن کمیشن آف پاکستان کے مطابق خلاف ورزی کی صورت میں متعلقہ حکام سے مناسب تادیبی کارروائی کے لیے رجوع کیا جائے گا۔
دوسری جانب الیکشن کمیشن نے انتخابی ڈیوٹی کے دوران پاک فوج اور سول آرمڈ فورسز کے لیے ضابطہ اخلاق جاری کر دیا ہے۔
الیکشن کمیشن کا کہنا ہے کہ کسی بھی حلقے کا حتمی اور سرکاری نتیجہ صرف متعلقہ آر او ہی جاری کرنے کا مجاز ہو گا۔
واضح رہے کہ قومی اسمبلی کے 6 اور صوبائی اسمبلی کے 7 حلقوں پر ضمنی انتخابات کل ہوں گے۔
قومی اسمبلی کے حلقوں این اے 18 ہری پور، این اے 129 لاہور، این اے 143 ساہیوال، این اے 185 ڈی جی خان، این اے 96 فیصل آباد اور این اے 104 فیصل آباد پر ووٹنگ کل ہوگی۔
صوبائی اسمبلی کے حلقوں پی پی 98، پی پی 115 اور پی پی 116، پی پی 73 سرگودھا، پی پی 87 میانوالی، پی پی 203 ساہیوال اور پی پی 269 مظفرگڑھ پر ووٹنگ کل ہوگی۔
ملکی استحکام کیلیے مزید ترامیم کرنا پڑیں تو بھی کرینگے ‘ طلال چودھری